ਆਮ ਆਦਮੀ ਪਾਰਟੀ ਮੁੜ 2027 ’ਚ ਭਗਵੰਤ ਮਾਨ ਦੀ ਅਗਵਾਈ ’ਚ ਸਰਕਾਰ ਬਣਾਵੇਗੀ-ਚੀਮਾ

ਅ

ਅਜੀਤ ਡੈਸਕ 16-11-2026

ਸੰਗਰੂਰ, 15 ਨਵੰਬਰ (ਧੀਰਜ ਪਸੋਰੀਆ)-ਆਮ ਆਦਮੀ ਪਾਰਟੀ ਨੇ 2022 ’ਚ ਜੋ ਵਾਅਦੇ ਕੀਤੇ ਸਨ, ਉਹ ਸਭ ਪੂਰੇ ਕਰ ਦਿੱਤੇ ਹਨ। ਇਹ ਪ੍ਰਗਟਾਵਾ ਕਰਦਿਆਂ ਵਿੱਤ ਮੰਤਰੀ ਹਰਪਾਲ ਸਿੰਘ ਚੀਮਾ ਨੇ ਕਿਹਾ ਕਿ 2027 ਦੀਆਂ ਚੋਣਾਂ ਵਿਚ ਪਾਰਟੀ 2022 ਦਾ ਰਿਕਾਰਡ ਤੋੜ ਕੇ ਪਹਿਲਾਂ ਨਾਲੋਂ ਵੀ ਵੱਧ ਸੀਟਾਂ ਜਿੱਤ ਕੇ ਮੁੜ ਭਗਵੰਤ ਮਾਨ ਦੀ ਅਗਵਾਈ ਵਿਚ ਸਰਕਾਰ ਬਣਾਏਗੀ। ਪਾਰਟੀ 71 ਸੀਟਾਂ ’ਤੇ ਆਪਣੇ ਉਮੀਦਵਾਰ ਐਲਾਨ ਕਰ ਚੁੱਕੀ ਹੈ ਜਦ ਕਿ ਦੂਜੀਆਂ ਪਾਰਟੀਆਂ ਨੂੰ ਉਮੀਦਵਾਰ ਨਹੀਂ ਲੱਭ ਰਹੇ। ਬੀਬੀ ਜਗੀਰ ਕੌਰ ਦੇ ਮੁੜ ਸ਼੍ਰੋਮਣੀ ਅਕਾਲੀ ਦਲ (ਬ) ਵਿਚ ਸ਼ਾਮਿਲ ਹੋਣ ’ਤੇ ਟਿੱਪਣੀ ਕਰਦਿਆਂ ਹਰਪਾਲ ਸਿੰਘ ਚੀਮਾ ਨੇ ਕਿਹਾ ਕਿ ਕਦੇ ਘਰੋਂ ਭੱਜ ਜਾਣਾ ਅਤੇ ਕਦੇ ਘਰ ਵਾਪਸ ਆ ਜਾਣਾ, ਇਹ ਗੈਰ-ਸਿਧਾਂਤਕ ਆਗੂਆਂ ਦਾ ਕੰਮ ਹੈ, ਅਜਿਹੇ ਆਗੂਆਂ ਲਈ ਪੰਜਾਬ ਦੀ ਸਿਆਸਤ ਵਿਚ ਕੋਈ ਥਾਂ ਨਹੀਂ ਹੈ। ਚੀਮਾ ਨੇ ਕਿਹਾ ਕਿ ਕਾਂਗਰਸ ਦੀ ਸਾਈਕਲ ਰੈਲੀ ਫਲਾਪ ਹੋ ਚੁੱਕੀ ਹੈ, ਕਿਤੇ ਰਾਜਾ ਬੜਿੰਗ ਤੜਿੰਗ ਹੈ ਕਦੇ ਚੰਨੀ ਤੜਿੰਗ ਹੈ।

ਪਿਛਲੀ ਖ਼ਬਰ ਭਾਈ ਝੋਟਾ ਮਾਰਿਆ ਨਹੀਂ ਮਰਵਾਇਆ ਗਿਐ-ਸਿਮਰਨਜੀਤ ਸਿੰਘ ਮਾਨ ਅਗਲੀ ਖ਼ਬਰ ਸੁਰੱਖਿਆ ਖ਼ਾਮੀਆਂ ਦੇ ਬਾਵਜੂਦ ਬੱਸਾਂ ਨੂੰ ਸੜਕਾਂ ’ਤੇ ਉਤਾਰਦੀ ਰਹੀ ਸਰਕਾਰ-ਕੇਵਲ ਸਿੰਘ ਢਿੱਲੋਂ