ਸੈਂਟਰ ਸਕੂਲ ਹਿਰਦਪੁਰ ਵਿਖੇ ਸਹਿ ਵਿੱਦਿਅਕ ਮੁਕਾਬਲੇ ਕਰਵਾਏ

ਪੁਰਖਾਲੀ, 13 ਨਵੰਬਰ (ਅੰਮ੍ਰਿਤਪਾਲ ਸਿੰਘ ਬੰਟੀ)-ਸਰਕਾਰੀ ਪ੍ਰਾਇਮਰੀ ਸਕੂਲਾਂ ਦੇ ਸਹਿ ਵਿੱਦਿਅਕ ਮੁਕਾਬਲੇ ਸੈਂਟਰ ਸਕੂਲ ਹਿਰਦਾਪੁਰ ਵਿਖੇ ਸੈਂਟਰ ਹੈੱਡ ਟੀਚਰ ਜਗਰੂਪ ਕੌਰ ਦੀ ਰਹਿ ਨੁਮਾਈ ਹੇਠ ਕਰਵਾਏ ਗਏ, ਜਿਸ ’ਚ ਸੁੰਦਰ ਲਿਖਾਈ ਪੰਜਾਬੀ ’ਚ ਜਸਲੀਨ ਕੌਰ ਕਕੌਟ, ਅੰਗਰੇਜ਼ੀ ਭਾਸ਼ਾ ’ਚ ਸਿਮਰਨਪ੍ਰੀਤ ਕੌਰ ਬੜੀ ਅਤੇ ਬੈੱਸਟ ਮਟੀਰੀਅਲ ਤੋਂ ਸਾਮਾਨ ਤਿਆਰ ਕਰਨ ਦੇ ਮੁਕਾਬਲੇ ’ਚ ਗਗਨਦੀਪ ਕੌਰ ਹਿਰਦਾਪੁਰ, ਸਪੀਚ ’ਚ ਸਿਮਰਨ ਕੌਰ ਕਕੌਟ, ਤਸਵੀਰ ਤੋਂ ਕਹਾਣੀ ਦੇ ਮੁਕਾਬਲੇ ’ਚ ਅਮਨਪ੍ਰੀਤ ਕੌਰ ਹਰੀਪੁਰ, ਕਾਸਿਮ ਹਿਰਦਾਪੁਰ ਨੇ ਚਿੱਤਰ ਕਲਾ ’ਚ ਪਹਿਲਾ ਸਥਾਨ ਪ੍ਰਾਪਤ ਕੀਤਾ, ਸੈਂਟਰ ਹੈੱਡ ਟੀਚਰ ਜਗਰੂਪ ਕੌਰ ਨੇ ਬੱਚਿਆਂ ਨੇ ਹੌਸਲਾ ਅਫਜਾਈ ਲਈ ਇਨਾਮ ਵੀ ਤਕਸੀਮ ਕੀਤੇ। ਇਸ ਮੌਕੇ ਅਧਿਆਪਕਾਂ ਦੇ ਸੁੰਦਰ ਲਿਖਾਈ ਮੁਕਾਬਲੇ ਦੌਰਾਨ ਪੰਜਾਬੀ ’ਚ ਕਮਲ ਪੁਨੀਤ ਭਾਗੀ ਮਾਜਰੀ ਘਾਟ ਪਹਿਲੇ ਸਥਾਨ ’ਤੇ ਰਹੇ, ਰਮਨ ਕੁਮਾਰ ਕਕੌਟ ਅੰਗਰੇਜ਼ੀ ਦੇ ਸੁੰਦਰ ਲਿਖਾਈ ’ਚ ਪਹਿਲੇ ਸਥਾਨ ’ਤੇ ਰਹੇ।