ਰੂਪਨਗਰ

ਆਰ . ਬੀ . ਯੂ . ਦੇ ਐੱਚ . ਆਰ . ਕਾਨਕਲੇਵ ’ ਚ ਉਦਯੋਗ ਦੀਆਂ ਬਦਲਦੀਆਂ ਲੋੜਾਂ ਅਨੁਸਾਰ ਵਿਦਿਆਰਥੀਆਂ ਨੂੰ ਤਿਆਰ ਕਰਨ ’ ਤੇ ਚਰਚਾ

ਰੂਪਨਗਰ, 10 ਅਕਤੂਬਰ (ਗੁਰਪ੍ਰੀਤ ਸਿੰਘ ਹੁੰਦਲ)-ਰਿਆਤ ਬਾਹਰਾ ਯੂਨੀਵਰਸਿਟੀ (ਆਰ. ਬੀ.

ਅ

ਅਜੀਤ ਡੈਸਕ 11-10-2026

ਰੂਪਨਗਰ, 10 ਅਕਤੂਬਰ (ਗੁਰਪ੍ਰੀਤ ਸਿੰਘ ਹੁੰਦਲ)-ਰਿਆਤ ਬਾਹਰਾ ਯੂਨੀਵਰਸਿਟੀ (ਆਰ.ਬੀ.ਯੂ.) ਵਲੋਂ ਐਚ.ਆਰ. ਕਾਨਕਲੇਵ-2026 ਕਰਵਾਇਆ ਗਿਆ, ਜਿਸ ਵਿਚ ਪ੍ਰਮੁੱਖ ਮਨੁੱਖੀ ਸਰੋਤ ਮਾਹਿਰਾਂ, ਕਾਰਪੋਰੇਟ ਅਧਿਕਾਰੀਆਂ, ਉਦਯੋਗ ਮਾਹਿਰਾਂ ਅਤੇ ਸਿੱਖਿਆ ਸ਼ਾਸਤਰੀਆਂ ਨੇ ਸ਼ਿਰਕਤ ਕੀਤੀ। ਕਾਨਕਲੇਵ ਦੌਰਾਨ ਵਿਦਿਆਰਥੀਆਂ ਦੀ ਰੁਜ਼ਗਾਰ ਯੋਗਤਾ ਵਧਾਉਣ, ਕਾਰਜ ਸਥਾਨ ਦੀਆਂ ਬਦਲਦੀਆਂ ਲੋੜਾਂ ਅਤੇ ਅਕਾਦਮਿਕ ਸਿੱਖਿਆ ਤੇ ਉਦਯੋਗ ਵਿਚਕਾਰਲੇ ਪਾੜੇ ਨੂੰ ਪੂਰਾ ਕਰਨ ਬਾਰੇ ਵਿਚਾਰ-ਵਟਾਂਦਰਾ ਕੀਤਾ ਗਿਆ। ਚਾਂਸਲਰ ਗੁਰਵਿੰਦਰ ਸਿੰਘ ਬਾਹਰਾ ਦੀ ਅਗਵਾਈ ਹੇਠ ਕਰਵਾਏ ਗਏ ਇਸ ਕਾਨਕਲੇਵ ਦਾ ਵਿਸ਼ਾ “ਐਜੂਕੇਸ਼ਨ. ਐਕਸਈ ਤੋਂ ਕਾਰਪੋਰੇਟ. ਐਕਸਈ ਤੱਕ—ਉਹ ਹਕੀਕਤ ਜਿਸ ਬਾਰੇ ਤੁਹਾਨੂੰ ਕਿਸੇ ਨੇ ਨਹੀਂ ਦੱਸਿਆ” ਸੀ। ਇਸ ਦਾ ਮੁੱਖ ਉਦੇਸ਼ ਵਿਦਿਆਰਥੀਆਂ ਨੂੰ ਕਾਰਪੋਰੇਟ ਜਗਤ ਦੀਆਂ ਤੇਜ਼ੀ ਨਾਲ ਬਦਲ ਰਹੀਆਂ ਲੋੜਾਂ ਅਤੇ ਚੁਣੌਤੀਆਂ ਲਈ ਤਿਆਰ ਕਰਨਾ ਸੀ। ਕਾਨਕਲੇਵ ਵਿਚ ਉਨਮੇਸ਼ ਪਵਾਰ, ਸਲਾਹਕਾਰ ਅਤੇ ਏਂਜਲ ਨਿਵੇਸ਼ਕ, ਨੀਵ ਵੈਂਚਰਜ਼, ਗੁੰਜਨ ਰਾਮਚੰਦਾਨੀ, ਡਾਇਰੈਕਟਰ, ਲੀਡਰਸ਼ਿਪ ਟ੍ਰਾਂਸਫਾਰਮੇਸ਼ਨ, ਕੇ.ਪੀ.ਐਮ.ਜੀ., ਕਪਿਲ ਗੋਤਮ ਕੈੱਲਾ, ਐਨ.ਸੀ.ਐੱਸ. ਗਰੁੱਪ, ਸਮਿਤਾ ਨਾਰਕਰ, ਇਨਫਿਨਿਟ ਅਪਟਾਈਮ, ਡਾ. ਧਰੁਵ ਚੋਪੜਾ, ਏਵੀਪੀ-ਐਚ.ਆਰ., ਈ.ਐਕਸ.ਐਲ. ਸਰਵਿਸਿਜ਼, ਅਮਿਤਾ ਕਰਾਡਖੇਡਕਰ, ਮਾਸਟਰਕਾਰਡ, ਪਰਵੇਜ਼ ਸਿਰਾਜ, ਲੂਪਿਨ, ਮੇਖੋਲਾ ਗਾਂਗੁਲੀ, ਵੈਲਸਪਨ, ਸਾਹਿਲ ਨਈਅਰ, ਕੇ.ਪੀ.ਐਮ.ਜੀ. ਅਤੇ ਸੁਸ਼ਾਂਤ ਸ਼ਰਮਾ, ਈਵਾਈ ਸਮੇਤ ਵੱਖ-ਵੱਖ ਸੰਸਥਾਵਾਂ ਦੇ ਨੁਮਾਇੰਦਿਆਂ ਨੇ ਸ਼ਿਰਕਤ ਕੀਤੀ। ਇਸ ਮੌਕੇ ਗੁਰਿੰਦਰ ਸਿੰਘ ਬਾਹਰਾ ਵਾਈਸ ਚੇਅਰਮੈਨ ਰਿਆਤ ਬਾਹਰਾ ਗਰੁੱਪ, ਯੂਨੀਵਰਸਿਟੀ ਦੇ ਵਾਈਸ-ਚਾਂਸਲਰ ਪ੍ਰੋ. (ਡਾ.) ਸੰਜੇ ਕੁਮਾਰ, ਵਿਕਰਮ ਸਿੰਘ ਗਰੁੱਪ ਵਾਈਸ ਪ੍ਰੈਸੀਡੈਂਟ ਪਲੇਸਮੈਂਟ ਵੀ ਮੌਜੂਦ ਸਨ। ਚਾਂਸਲਰ ਗੁਰਵਿੰਦਰ ਸਿੰਘ ਬਾਹਰਾ ਨੇ ਸੰਬੋਧਨ ਕਰਦਿਆਂ ਉਦਯੋਗ ਅਤੇ ਅਕਾਦਮਿਕ ਖੇਤਰ ਵਿਚਕਾਰ ਭਾਈਵਾਲੀ ਮਜ਼ਬੂਤ ਕਰਨ ਦੀ ਮਹੱਤਤਾ ਉਜਾਗਰ ਕੀਤੀ। ਇਸ ਮੌਕੇ ਯੂਨੀਵਰਸਿਟੀ ਦੇ ਆਗੂਆਂ, ਡੀਨ, ਡਾਇਰੈਕਟਰ ਅਤੇ ਉਦਯੋਗ ਦੇ ਨੁਮਾਇੰਦਿਆਂ ਨੇ ਅਕਾਦਮਿਕ ਪ੍ਰੋਗਰਾਮਾਂ ਵਿਚ ਆਰਟੀਫ਼ੀਸ਼ੀਅਲ ਇੰਟੈਲੀਜੈਂਸ ਅਤੇ ਉੱਭਰ ਰਹੀਆਂ ਤਕਨੀਕਾਂ ਨੂੰ ਸ਼ਾਮਿਲ ਕਰਨ ਦੇ ਤਰੀਕਿਆਂ ’ਤੇ ਵਿਚਾਰ ਕੀਤਾ। ਚਾਂਸਲਰ ਬਾਹਰਾ ਨੇ ਨਵੀਨਤਾ, ਤਜਰਬੇ-ਆਧਾਰਿਤ ਸਿੱਖਿਆ ਅਤੇ ਪ੍ਰਮੁੱਖ ਕਾਰਪੋਰੇਟ ਸੰਸਥਾਵਾਂ ਨਾਲ ਮਜ਼ਬੂਤ ਭਾਈਵਾਲੀ ਨੂੰ ਉਤਸ਼ਾਹਿਤ ਕਰਨ ਪ੍ਰਤੀ ਯੂਨੀਵਰਸਿਟੀ ਦੀ ਵਚਨਬੱਧਤਾ ਦੁਹਰਾਈ। ਕਾਨਕਲੇਵ ਦੀ ਸਮਾਪਤੀ ਅਕਾਦਮਿਕ ਅਤੇ ਉਦਯੋਗਿਕ ਖੇਤਰਾਂ ਵਿਚਕਾਰ ਨਿਰੰਤਰ ਸਹਿਯੋਗ ਰਾਹੀਂ ਵਿਦਿਆਰਥੀਆਂ ਨੂੰ ਭਵਿੱਖ ਦੀਆਂ ਪੇਸ਼ੇਵਰ ਚੁਣੌਤੀਆਂ ਲਈ ਤਿਆਰ ਕਰਨ ਦੇ ਸੰਦੇਸ਼ ਨਾਲ ਹੋਈ।

ਪਿਛਲੀ ਖ਼ਬਰ ਪੀਰ ਬਾਬਾ ਜ਼ਿੰਦਾ ਸ਼ਹੀਦ ਸੁਸਾਇਟੀ ਵਲੋਂ ਕਰਵਾਈ ਜਾ ਰਹੀ ਮੈਰਾਥਨ ਨੂੰ ਲੈ ਕੇ ਗੌਰਵ ਰਾਣਾ ਨੇ ਚੁੱਕੇ ਸਵਾਲ ਕੁਝ ਲੋਕਾਂ ਵਲ... ਅਗਲੀ ਖ਼ਬਰ ਆਈ . ਈ . ਟੀ . ਭੱਦਲ ਟੈਕਨੀਕਲ ਕੈਂਪਸ ਦੇ ਤਿੰਨ ਵਿਦਿਆਰਥੀਆਂ ਨੇ ਯੂਨੀਵਰਸਿਟੀ ਮੈਰਿਟ ਵਿਚ ਮਾਰੀਆਂ ਮੱਲਾਂ ਸੋਨ ਤਗਮੇ ਨਾ...

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

ਆਰ . ਬੀ . ਯੂ . ਦੇ ਐੱਚ . ਆਰ . ਕਾਨਕਲੇਵ ’ ਚ ਉਦਯੋਗ ਦੀਆਂ ਬਦਲਦੀਆਂ ਲੋੜਾਂ ਅਨੁਸਾਰ ਵਿਦਿਆਰਥੀਆਂ ਨੂੰ ਤਿਆਰ ਕਰਨ ’ ਤੇ ਚਰਚਾ

Subscribers Only Story

ਸੰਬੰਧਿਤ ਖ਼ਬਰਾਂ