ਦ ਜੂਨੀਅਰ ਸਟੱਡੀ ਸਕੂਲ ਨੇ ਆਪਣਾ 50ਵਾਂ ਸਥਾਪਨਾ ਦਿਵਸ ਮਨਾਇਆ

ਅ

ਅਜੀਤ ਡੈਸਕ 13-11-2026

ਅੰਮ੍ਰਿਤਸਰ, 12 ਨਵੰਬਰ (ਰਾਜੇਸ਼ ਕੁਮਾਰ ਸ਼ਰਮਾ)-ਦ ਜੂਨੀਅਰ ਸਟੱਡੀ ਸਕੂਲ ਅੰਮ੍ਰਿਤਸਰ ਕੈਂਟੋਨਮੈਂਟ ਨੇ ਆਪਣਾ 50ਵਾਂ ਸਥਾਪਨਾ ਦਿਵਸ ਧੂਮਧਾਮ ਤੇ ਉਤਸ਼ਾਹ ਨਾਲ ਮਨਾਇਆ। ਇਹ ਸਕੂਲ 1976 ’ਚ ਉਨ੍ਹਾਂ ਦੇ ਆਪਣੇ ਘਰ ਤੋਂ ਸ਼ੁਰੂ ਹੋਇਆ ਸੀ। 70 ਵਿਦਿਆਰਥੀਆਂ ਤੋਂ ਸ਼ੁਰੂ ਹੋ ਕੇ, ਇਹ ਸਕੂਲ ਹੁਣ 700 ਤੋਂ ਵੱਧ ਬੱਚਿਆਂ ਨੂੰ ਮੁੱਢਲੀ ਪ੍ਰਾਇਮਰੀ ਸਿੱਖਿਆ ਪ੍ਰਦਾਨ ਕਰ ਰਿਹਾ ਹੈ, ਜਿੱਥੇ ਬਹੁਤ ਹੀ ਯੋਗ ਅਧਿਆਪਕਾਂ ਦੇ ਨਾਲ-ਨਾਲ ਸੰਗੀਤ, ਨਾਚ ਅਤੇ ਕਲਾ ਦੇ ਅਧਿਆਪਕ ਵੀ ਸੇਵਾਵਾਂ ਨਿਭਾ ਰਹੇ ਹਨ। ਇਸ ਮੌਕੇ 3 ਤੋਂ 5 ਸਾਲ ਦੀ ਉਮਰ ਦੇ ਬੱਚਿਆਂ ਦੁਆਰਾ ਪੇਸ਼ ਕੀਤੇ ਗਏ ਪ੍ਰੋਗਰਾਮ ਨੇ ਉੱਥੇ ਮੌਜੂਦ ਮਾਪਿਆਂ, ਅਧਿਆਪਕਾਂ ਅਤੇ ਸਾਬਕਾ ਵਿਦਿਆਰਥੀਆਂ ਦਾ ਮਨ ਮੋਹ ਲਿਆ। ਬੱਚਿਆਂ ਦੁਆਰਾ ਪੇਸ਼ ਕੀਤੀਆਂ ਗਈਆਂ ਲਾਈਵ ਪੇਸ਼ਕਾਰੀਆਂ, ਜਿਨ੍ਹਾਂ ’ਚ ਭੰਗੜਾ, ਭਾਰਤੀ ਸ਼ਾਸਤਰੀ ਨਾਚ, ਯੋਗਾ ਅਤੇ ਫਿਊਜ਼ਨ ਡਾਂਸ ਆਦਿ ਸ਼ਾਮਲ ਸਨ, ਨੂੰ ਦਰਸ਼ਕਾਂ ਵਲੋਂ ਭਰਪੂਰ ਸਰਾਹਿਆ ਗਿਆ।। ਸਕੂਲ ਨੇ ਵੱਡੇ ਟੀਵੀ ਸਕ੍ਰੀਨ ’ਤੇ ਆਡੀਓ ਵਿਜ਼ੂਅਲ ਪੇਸ਼ਕਾਰੀ ਰਾਹੀਂ ਆਪਣੇ 50 ਸਾਲਾਂ ਦੇ ਸ਼ਾਨਦਾਰ ਇਤਿਹਾਸ ਨੂੰ ਵੀ ਪੇਸ਼ ਕੀਤਾ। ਇਸ ਮੌਕੇ ਰੀਤਾ ਕਪੂਰ, ਮੀਰਾ ਮੁੰਜਾਲ, ਨੀਨੂ ਸੇਜਦੇਹ, ਨੀਰਾ ਪ੍ਰੀਤ ਗੁਗਨਾਨੀ, ਸੰਗੀਤਾ ਨਗੀਨਾ, ਸ਼ਾਲਿਨੀ ਖੰਨਾ ਅਤੇ ਹੋਰ ਸ਼ਾਮਲ ਸਨ।

ਪਿਛਲੀ ਖ਼ਬਰ ਮਾਵਾਂ ਧੀਆਂ ਇਨਸਾਫ਼ ਰੈਲੀਆਂ ਨੇ ਸਰਕਾਰ ਦੀਆਂ ਜੜ੍ਹਾਂ ਹਿਲਾ ਰੱਖੀਆਂ- ਜਥੇਦਾਰ ਰਣੀਕੇ ਅਗਲੀ ਖ਼ਬਰ ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਦਾ ਅੰਤਰ-ਜ਼ੋਨਲ ਯੁਵਕ ਮੇਲਾ ਸ਼ਾਨੋ-ਸ਼ੌਕਤ ਨਾਲ ਸ਼ੁਰੂ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

ਦ ਜੂਨੀਅਰ ਸਟੱਡੀ ਸਕੂਲ ਨੇ ਆਪਣਾ 50ਵਾਂ ਸਥਾਪਨਾ ਦਿਵਸ ਮਨਾਇਆ

Subscribers Only Story

ਸੰਬੰਧਿਤ ਖ਼ਬਰਾਂ