ਬੀ . ਆਰ . ਟੀ . ਐੱਸ . ਪ੍ਰੋਜੈਕਟ ਦੀ ਥਾਂ ਲਵੇਗੀ ਈ - ਬੱਸ ਸੇਵਾ

ਅੰਮ੍ਰਿਤਸਰ, 8 ਸਤੰਬਰ (ਹਰਮਿੰਦਰ ਸਿੰਘ)-ਗੁਰੂ ਨਗਰੀ ਦੀਆਂ ਸੜਕਾਂ ’ਤੇ ਹੁਣ ਬੀ. ਆਰ.

ਅ

ਅਜੀਤ ਡੈਸਕ 09-09-2026

ਅੰਮ੍ਰਿਤਸਰ, 8 ਸਤੰਬਰ (ਹਰਮਿੰਦਰ ਸਿੰਘ)-ਗੁਰੂ ਨਗਰੀ ਦੀਆਂ ਸੜਕਾਂ ’ਤੇ ਹੁਣ ਬੀ.ਆਰ.ਟੀ.ਐੱਸ. ਦੀਆਂ ਮੈਟਰੋ ਬੱਸਾਂ ਦੀ ਜਗ੍ਹਾ ਈ-ਬੱਸਾਂ ਦੌੜਣਗੀਆਂ। ਇਹ ਬੱਸਾਂ ਕੇਂਦਰ ਸਰਕਾਰ ਵਲੋਂ ਚਲਾਈਆਂ ਜਾਣਗੀਆਂ। ਇਸ ਸੰਬੰਧੀ ਸਰਕਾਰ ਵਲੋਂ 100 ਈ ਬੱਸਾਂ ਚਲਾਉਣ ਦਾ ਐਲਾਨ ਕੀਤਾ ਗਿਆ ਹੈ। ਜਿਨ੍ਹਾਂ ਨੂੰ ਖਰੀਦਨ ਲਈ ਕੇਂਦਰ ਸਰਕਾਰ ਵਲੋਂ ਟੈਂਡਰ ਲਗਾਏ ਜਾਣਗੇ। ਇਨ੍ਹਾਂ ਬੱਸਾਂ ਦੇ ਲਈ ਮਾਲ ਮੰਡੀ ਵਿਖੇ ਸ਼ੈੱਡ ਤਿਆਰ ਹੋ ਗਿਆ ਹੈ। ਇਥੇ ਚਾਰਜਿੰਗ ਪੁਆਇਟ ਵੀ ਜਲਦ ਲੱਗ ਰਿਹਾ ਹੈ। ਕੇਂਦਰ ਸਰਕਾਰ ਵਲੋਂ ਚਲਾਈਆਂ ਜਾਣ ਵਾਲੀਆਂ 100 ਈ- ਬੱਸਾਂ ’ਚੋਂ ਮਾਲ ਮੰਡੀ ਸਥਿਤੀ ਸਿਟੀ ਬੱਸ ਵਰਕਸ਼ਾਪ ’ਚ 40 ਈ-ਬੱਸਾਂ ਖੜ੍ਹੀਆਂ ਕੀਤੀਆਂ ਜਾਣਗੀਆਂ। ਇਸ ਤੋਂ ਇਲਾਵਾ 60 ਈ-ਬੱਸਾਂ ਵੱਲਾ ਵੇਰਕਾ ਬਾਈਪਾਸ ’ਤੇ ਬਣੇ ਬੀ.ਆਰ.ਟੀ ਐੱਸ. ਦੇ ਮੈਟਰੋਂ ਬੱਸ ਡਿੱਪੂ ’ਚ ਖੜ੍ਹੀਆਂ ਕੀਤੀਆਂ ਜਾਣਗੀਆਂ। ਇਨ੍ਹਾਂ ਦੋਵੇ ਜਗ੍ਹਾ ’ਤੇ ਚਾਰਜਿੰਗ ਪੁਆਇੰਟ ਵੀ ਲਗਾਏ ਜਾਣਗੇ। ਮਾਲ ਮੰਡੀ ਸਥਿਤ ਸਿਟੀ ਬੱਸ ਵਰਕਸ਼ਾਪ ਦੀ 3.63 ਕਰੋੜ ਦੀ ਲਾਗਤ ਨਾਲ ਮੁਰੰਮਤ ਕਰਵਾਈ ਜਾ ਰਹੀ ਹੈ। ਜਿਥੇ ਵੱਡਾ ਸੈਂਡ ਬਣ ਕੇ ਤਿਆਰ ਹੋ ਗਿਆ ਹੈ। ਇਹ ਕੰਮ ਨਗਰ ਨਿਗਮ ਵਲੋਂ ਕਰਵਾਇਆ ਜਾ ਰਿਹਾ ਹੈ। ਇਸ ਜਗ੍ਹਾ ’ਤੇ ਹਾਈ ਵੋਲਟੇਜ ਦੀਆਂ ਤਾਰਾਂ ਪਵਾਉਣ ਅਤੇ ਟਰਾਂਸਫਾਰਮ ਸਥਾਪਿਤ ਕਰਵਾਉਣ ਦਾ ਕੰਮ ਲੋਕ ਨਿਰਮਾਣ ਵਿਭਾਗ ਦੇ ਇਲੈਕਟੀਕਲ ਵਿੰਗ ਵਲੋਂ ਕਰਵਾਇਆ ਜਾ ਰਿਹਾ ਹੈ। ਵੇਰਕਾ ਸਥਿਤ ਮੈਟਰੋ ਬੱਸ ਡਿਪੂ ’ਚ 15 ਅਤੇ ਮਾਲ ਮੰਡੀ ਵਰਕਸ਼ਾਪ ਵਿਚ 10 ਚਾਰਜਿਰ ਲਗਾਏ ਜਾਣਗੇ। ਈ ਬੱਸਾਂ ਨੂੰ ਚਲਾਉਣ ਲਈ ਤੇਜ਼ੀ ਨਾਲ ਕੰਮ ਕੀਤਾ ਜਾ ਰਿਹਾ ਹੈ। ਇਹ ਬੱਸਾਂ ਬਾਕੀ ਆਵਾਜਾਈ ਨਾਲ ਸਾਂਝੀ ਸੜਕ ’ ਤੇ ਚੱਲਣਗੀਆਂ। ਇਸ ਦੇ ਲਈ ਨਾ ਤਾਂ ਕੋਈ ਵੱਖਰਾ ਲਾਂਘਾ ਹੋਵੇਗਾ ਅਤੇ ਨਾ ਹੋਈ ਕੋਈ ਵਿਸ਼ੇਸ਼ ਸਟੈਂਡ ਹੀ ਹੋਵੇਗਾ।

ਪਿਛਲੀ ਖ਼ਬਰ ਸੋਨਾ ਕਾਰੀਗਰ ਦੇ ਘਰ ਦੇ ਬਾਹਰ ਅਣਪਛਾਤੇ ਵਿਅਕਤੀ ਨੇ ਚਲਾਈਆਂ ਗੋਲੀਆਂ ਅਗਲੀ ਖ਼ਬਰ ਗੁਲਜ਼ਾਰ ਸਿੰਘ ਦੀ ਮੌਤ ਮਾਮਲੇ ਦੀ ਨਿਰਪੱਖ ਜਾਂਚ ਹੋਵੇ-ਬਲਵਿੰਦਰ ਧਾਲੀਵਾਲ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

ਬੀ . ਆਰ . ਟੀ . ਐੱਸ . ਪ੍ਰੋਜੈਕਟ ਦੀ ਥਾਂ ਲਵੇਗੀ ਈ - ਬੱਸ ਸੇਵਾ

Subscribers Only Story

ਸੰਬੰਧਿਤ ਖ਼ਬਰਾਂ