ਸ਼ਰਾਧ ਦੇ ਮੌਕੇ ’ਤੇ ਸ੍ਰੀ ਕ੍ਰਿਸ਼ਨਾ ਗਊਸ਼ਾਲਾ ਵਿਖੇ ਲੰਗਰ ਲਗਾਇਆ
ਮੰਡੀ ਗੋਬਿੰਦਗੜ੍ਹ, 8 ਅਕਤੂਬਰ (ਇਕਬਾਲਦੀਪ ਸੰਧੂ)- ਸ਼ਰਾਧ ਦੇ ਮੌਕੇ ’ਤੇ, ਵੱਖ-ਵੱਖ ਸਰਪ੍ਰਸਤਾਂ ਤੇ ਗਊ ਰੱਖਿਅਕਾਂ ਨੇ ਲੰਗਰ ਦਾ ਆਯੋਜਨ ਕੀਤਾ ਅਤੇ ਗਊ ਰੱਖਿਅਕਾਂ, ਗਊ ਪਾਲਕਾਂ ਤੇ ਰਾਹਗੀਰਾਂ ਨੂੰ ਭੋਜਨ ਵੰਡਿਆ। ਇਸ ਮੌਕੇ ਗਊਸ਼ਾਲਾ ਵਿਚ ਆਯੋਜਿਤ ਇਸ ਸੇਵਾ ਦੌਰਾਨ, ਮੰਦਿਰ ਦੇ ਪੁਜਾਰੀ ਪੰਡਿਤ ਜਤਿੰਦਰ ਵਸ਼ਿਸ਼ਟ ਨੇ ਸ਼ਰਧਾ ਨਾਲ ਸ੍ਰੀ ਰਾਧਾ-ਕ੍ਰਿਸ਼ਨ ਅਤੇ ਗਊ ਮਾਤਾ ਨੂੰ ਭੋਜਨ ਅਰਪਿਤ ਕੀਤਾ।
ਮੰਡੀ ਗੋਬਿੰਦਗੜ੍ਹ, 8 ਅਕਤੂਬਰ (ਇਕਬਾਲਦੀਪ ਸੰਧੂ)- ਸ਼ਰਾਧ ਦੇ ਮੌਕੇ ’ਤੇ, ਵੱਖ-ਵੱਖ ਸਰਪ੍ਰਸਤਾਂ ਤੇ ਗਊ ਰੱਖਿਅਕਾਂ ਨੇ ਲੰਗਰ ਦਾ ਆਯੋਜਨ ਕੀਤਾ ਅਤੇ ਗਊ ਰੱਖਿਅਕਾਂ, ਗਊ ਪਾਲਕਾਂ ਤੇ ਰਾਹਗੀਰਾਂ ਨੂੰ ਭੋਜਨ ਵੰਡਿਆ। ਇਸ ਮੌਕੇ ਗਊਸ਼ਾਲਾ ਵਿਚ ਆਯੋਜਿਤ ਇਸ ਸੇਵਾ ਦੌਰਾਨ, ਮੰਦਿਰ ਦੇ ਪੁਜਾਰੀ ਪੰਡਿਤ ਜਤਿੰਦਰ ਵਸ਼ਿਸ਼ਟ ਨੇ ਸ਼ਰਧਾ ਨਾਲ ਸ੍ਰੀ ਰਾਧਾ-ਕ੍ਰਿਸ਼ਨ ਅਤੇ ਗਊ ਮਾਤਾ ਨੂੰ ਭੋਜਨ ਅਰਪਿਤ ਕੀਤਾ। ਇਸ ਮੌਕੇ ’ਤੇ ਅਮਰੀਕਾ ਦੀ ਉਮਾ ਵਿਨੋਦ ਅਗਰਵਾਲ ਨੇ ਆਪਣੇ ਮਾਤਾ-ਪਿਤਾ ਅਤੇ ਪੁਰਖਿਆਂ ਨੂੰ ਸਮਰਪਿਤ ਲੰਗਰ ਦਾ ਆਯੋਜਨ ਕੀਤਾ। ਸ਼੍ਰੀ ਕ੍ਰਿਸ਼ਨਾ ਗਊਸ਼ਾਲਾ ਦੇ ਮੈਨੇਜਰ ਠਾਕੁਰ ਕੇ.ਪੀ. ਸਿੰਘ ਨੇ ਦੱਸਿਆ ਕਿ ਸ਼ਰਾਧ ਪੱਖ ਦੌਰਾਨ ਪੁਰਖਿਆਂ ਦੀ ਯਾਦ ਵਿਚ ਸੇਵਾ ਤੇ ਭੋਜਨ ਦਾਨ ਕਰਨਾ ਬਹੁਤ ਹੀ ਪੁੰਨ ਯੋਗ ਮੰਨਿਆ ਜਾਂਦਾ ਹੈ। ਗਊਸ਼ਾਲਾ ਵਰਗੇ ਪਵਿੱਤਰ ਸਥਾਨ ’ਤੇ ਲੰਗਰ ਦੀ ਸੇਵਾ ਕਰਨ ਨਾਲ ਪੁਰਖਿਆਂ ਨੂੰ ਪ੍ਰਸੰਨਤਾ ਮਿਲਦੀ ਹੈ, ਇਸ ਲਈ ਇਸ ਸੇਵਾ ਦਾ ਵਿਸ਼ੇਸ ਮਹੱਤਵ ਹੈ। ਇਸ ਮੌਕੇ ਨਰਿੰਦਰ ਭਾਟੀਆ, ਸੰਜੇ ਗਰਗ, ਠਾਕੁਰ ਕੇ.ਪੀ. ਸਿੰਘ, ਅਜੈ ਕੁਮਾਰ ਨੰਦਾ, ਨਰੇਸ਼ ਸ਼ਰਮਾ, ਸੋਨੂੰ ਰੌਣੀ, ਰੁਦਲ ਕੁਮਾਰ ਤੇ ਗਊ ਰੱਖਿਅਕਾਂ ਨੇ ਲੰਗਰ ਸੇਵਾ ਵਿਚ ਯੋਗਦਾਨ ਪਾਇਆ।
