ਬਸੀ ਪਠਾਣਾਂ ’ਚ ਵਿਧਾਇਕ ਹੈਪੀ ਤੇ ਜੀ. ਪੀ. ਵਿਚਕਾਰ ‘ਪੋਸਟਰ ਵਾਰ’ ਨੇ ਛੇੜੀ ਨਵੀਂ ਸਿਆਸੀ ਚਰਚਾ

ਬ

ਬਸੀ ਪਠਾਣਾਂ ਨਗਰ ਕੌਂਸਲ ਦਫ਼ਤਰ ਨਜ਼ਦੀਕ ਗਿਲਜੀਆਂ ਮੁਹੱਲੇ ’ਚ ਲੱਗੇ ਵਿਧਾਇਕ ਹੈਪੀ ਤੇ ਜੀ.ਪੀ. ਦੋਵੇਂ ਆਗੂਆਂ ਦੇ ਪੋਸਟਰ। ਤਸਵੀਰ :ਰਾਜਿੰਦਰ ਸ਼ਰਮਾ 23-09-2026

ਬਸੀ ਪਠਾਣਾਂ, 22 ਸਤੰਬਰ (ਰਾਜਿੰਦਰ ਸ਼ਰਮਾ)- ਬਸੀ ਪਠਾਣਾਂ ਵਿਧਾਨ ਸਭਾ ਹਲਕੇ ਦੀ ਸਿਆਸਤ ਵਿਚ ਆਉਣ ਵਾਲੀਆਂ ਵਿਧਾਨ ਸਭਾ ਚੋਣਾਂ ਤੋਂ ਪਹਿਲਾਂ ਹੀ ਹਲਚਲ ਤੇਜ਼ ਹੋ ਗਈ ਹੈ। ਆਮ ਆਦਮੀ ਪਾਰਟੀ ਦੇ ਮੌਜੂਦਾ ਵਿਧਾਇਕ ਰੁਪਿੰਦਰ ਸਿੰਘ ਹੈਪੀ ਅਤੇ ਸਾਬਕਾ ਵਿਧਾਇਕ ਗੁਰਪ੍ਰੀਤ ਸਿੰਘ ਜੀ.ਪੀ.ਦੇ ਸਮਰਥਕਾਂ ਵਲੋਂ ਆਪਣੇ-ਆਪਣੇ ਆਗੂ ਦੇ ਹੱਕ ’ਚ ਪੋਸਟਰ ਲਗਾਏ ਜਾਣ ਤੋਂ ਬਾਅਦ ਹਲਕੇ ਦੀ ਸਿਆਸਤ ਵਿਚ ‘ਪੋਸਟਰ ਵਾਰ’ ਚਰਚਾ ਦਾ ਕੇਂਦਰ ਬਣ ਗਿਆ ਹੈ। ਦਿਲਚਸਪ ਗੱਲ ਇਹ ਹੈ ਕਿ ਦੋਵੇਂ ਆਗੂ ਇੱਕੋ ਹੀ ਸਿਆਸੀ ਪਾਰਟੀ ਨਾਲ ਸੰਬੰਧਿਤ ਹਨ, ਪਰ ਉਨ੍ਹਾਂ ਦੇ ਸਮਰਥਕਾਂ ਦੀਆਂ ਵੱਖ-ਵੱਖ ਸਰਗਰਮੀਆਂ ਨੇ ਹਲਕੇ ਵਿਚ ਸਿਆਸੀ ਚਰਚਾ ਨੂੰ ਗਰਮਾ ਦਿੱਤਾ ਹੈ। ਸਮਰਥਕਾਂ ਵਲੋਂ ਆਪੋ-ਆਪਣੇ ਆਗੂ ਨੂੰ ਆਉਣ ਵਾਲੀਆਂ ਵਿਧਾਨ ਸਭਾ ਚੋਣਾਂ ਲਈ ਪਾਰਟੀ ਦੀ ਟਿਕਟ ਦਾ ਹੱਕਦਾਰ ਦੱਸਦਿਆਂ ਦਾਅਵੇ ਪੇਸ਼ ਕੀਤੇ ਜਾ ਰਹੇ ਹਨ। ਪੋਸਟਰਾਂ ਨੇ ਛੇੜਿਆ ਟਿਕਟ ਦਾ ਸਵਾਲ: ਪੋਸਟਰਾਂ ਰਾਹੀਂ ਆਪਣੇ ਆਗੂ ਦੇ ਹੱਕ ਵਿਚ ਮਾਹੌਲ ਬਣਾਉਣ ਦੀਆਂ ਕੋਸ਼ਿਸ਼ਾਂ ਨੂੰ ਹਲਕੇ ਦੀ ਆਉਣ ਵਾਲੀ ਸਿਆਸੀ ਤਸਵੀਰ ਨਾਲ ਜੋੜ ਕੇ ਦੇਖਿਆ ਜਾ ਰਿਹਾ ਹੈ। ਹਾਲਾਂਕਿ ਪਾਰਟੀ ਵਲੋਂ ਟਿਕਟ ਸਬੰਧੀ ਕੋਈ ਅੰਤਿਮ ਫ਼ੈਸਲਾ ਸਾਹਮਣੇ ਨਹੀਂ ਆਇਆ, ਪਰ ਸਮਰਥਕਾਂ ਦੀਆਂ ਸਰਗਰਮੀਆਂ ਨੇ ‘ਟਿਕਟ ਕਿਸ ਨੂੰ?’ ਵਾਲੀ ਚਰਚਾ ਨੂੰ ਜ਼ਰੂਰ ਹਵਾ ਦੇ ਦਿੱਤੀ ਹੈ। ਵਿਰੋਧੀਆਂ ਦੀ ਵੀ ਟਿਕੀ ਨਜ਼ਰ- ਇੱਕੋ ਪਾਰਟੀ ਦੇ ਦੋ ਆਗੂਆਂ ਦੇ ਸਮਰਥਕਾਂ ਵਿਚਕਾਰ ਚੱਲ ਰਹੀ ਇਸ ਖਿੱਚੋਤਾਣ ਨੂੰ ਵਿਰੋਧੀ ਪਾਰਟੀਆਂ ਦੇ ਆਗੂ ਵੀ ਦਿਲਚਸਪੀ ਨਾਲ ਦੇਖ ਰਹੇ ਹਨ। ਵਿਰੋਧੀ ਧਿਰ ਦੇ ਸਿਆਸੀ ਆਗੂਆਂ ਲਈ ਇਹ ਘਟਨਾਕ੍ਰਮ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ ਅਤੇ ਉਹ ਇਸ ਨੂੰ ਸੱਤਾਧਾਰੀ ਪਾਰਟੀ ਦੀ ਅੰਦਰੂਨੀ ਸਿਆਸੀ ਸਰਗਰਮੀ ਵਜੋਂ ਪੇਸ਼ ਕਰ ਰਹੇ ਹਨ। ਹੁਣ ਸਿਆਸੀ ਹਲਕਿਆਂ ਦੀ ਨਜ਼ਰ ਇਸ ਗੱਲ ’ਤੇ ਹੈ ਕਿ ਆਉਣ ਵਾਲੇ ਸਮੇਂ ਵਿਚ ਇਹ ‘ਪੋਸਟਰ ਵਾਰ’ ਸਿਰਫ਼ ਸਮਰਥਕਾਂ ਤੱਕ ਸੀਮਤ ਰਹਿੰਦੀ ਹੈ ਜਾਂ ਫਿਰ ਬਸੀ ਪਠਾਣਾਂ ਦੀ ਸਿਆਸਤ ਵਿਚ ਕੋਈ ਨਵਾਂ ਸਿਆਸੀ ਮੋੜ ਲਿਆਉਂਦੀ ਹੈ। ਫਿਲਹਾਲ, ਪੋਸਟਰਾਂ ਨੇ ਹਲਕੇ ਵਿਚ ਚੋਣ ਚਰਚਾ ਨੂੰ ਸਮੇਂ ਤੋਂ ਪਹਿਲਾਂ ਹੀ ਗਰਮਾ ਦਿੱਤਾ ਹੈ।

ਪਿਛਲੀ ਖ਼ਬਰ ਰਿਮਟ ਯੂਨੀਵਰਸਿਟੀ ਵਿਖੇ ਪੈਟਰਨ ਮੇਕਿੰਗ ਵਰਕਸ਼ਾਪ ਆਯੋਜਿਤ ਕੀਤੀ ਗਈ ਅਗਲੀ ਖ਼ਬਰ ਵੱਖ-ਵੱਖ ਗਰੁੱਪਾਂ ਤੋਂ ਉੱਪਰ ਉੱਠ ਕੇ ਅਮਲੋਹ ਦੇ ਸਮੂਹ ਪੱਤਰਕਾਰਾਂ ਨੇ ਕੀਤੀ ਮੀਟਿੰਗ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

ਬਸੀ ਪਠਾਣਾਂ ’ਚ ਵਿਧਾਇਕ ਹੈਪੀ ਤੇ ਜੀ. ਪੀ. ਵਿਚਕਾਰ ‘ਪੋਸਟਰ ਵਾਰ’ ਨੇ ਛੇੜੀ ਨਵੀਂ ਸਿਆਸੀ ਚਰਚਾ

Subscribers Only Story

ਸੰਬੰਧਿਤ ਖ਼ਬਰਾਂ