ਕੈਂਟਰ ਵਿਚ ਫਸ ਕੇ ਟੁੱਟੇ ਟਾਹਣੇ ਦੀ ਲਪੇਟ ’ਚ ਆਇਆ ਛੋਟਾ ਹਾਥੀ

ਮਜਾਰੀ/ਸਾਹਿਬਾ, 13 ਅਕਤੂਬਰ (ਨਿਰਮਲਜੀਤ ਸਿੰਘ ਚਾਹਲ)-ਚੰਡੀਗੜ੍ਹ-ਹੁਸ਼ਿਆਰਪੁਰ ਰਾਜ ਮਾਰਗ ‘ਤੇ ਬਲਾਚੌਰ ਤੋਂ ਗੜਸ਼ੰਕਰ ਤੱਕ ਸੜਕ ਦੇ ਕਿਨਾਰਿਆਂ ‘ਤੇ ਲੱਗੇ ਦਰੱਖਤਾਂ ਦੇ ਟਾਹਣੇ ਨੀਵੇਂ ਹੋਣ ਕਾਰਨ ਨਿੱਤ ਵੱਡੀਆਂ ਗੱਡੀਆਂ ਵਿਚ ਫਸ ਕੇ ਹਾਦਸਿਆਂ ਦਾ ਕਾਰਨ ਬਣ ਰਹੇ ਹਨ ਪਰ ਜੰਗਲਾਤ ਵਿਭਾਗ ਕੁੰਭਕਰਨੀ ਨੀਂਦੇ ਸੁੱਤਾ ਪਿਆ ਹੈ। ਪਿੰਡ ਚਣਕੋਆ ਲਾਗੇ ਬਲਾਚੌਰ ਵੱਲ ਨੂੰ ਜਾ ਰਹੇ ਇਕ ਕੈਂਟਰ ਵਿਚ ਫਸ ਕੇ ਸੜਕ ਵੱਲ ਨੂੰ ਝੁਕੇ ਦਰੱਖਤ ਦੇ ਟੁੱਟੇ ਟਾਹਣੇ ਨੇ ਗੜਸ਼ੰਕਰ ਵੱਲ ਨੂੰ ਪਲਾਈ ਲੈ ਕੇ ਜਾ ਰਹੇ ਛੋਟੇ ਹਾਥੀ ਨੂੰ ਆਪਣੀ ਲਪੇਟ ਵਿਚ ਲੈ ਲਿਆ।