ਮਾਹਿਲ ਗਹਿਲਾ ’ਚ 142ਵਾਂ ਦੁਸਹਿਰਾ ਮੇਲਾ ਸ਼ੁਰੂ

ਬੰਗਾ, 11 ਅਕਤੂਬਰ (ਸੁਰਿੰਦਰ ਸਿੰਘ ਕਰਮ ਲਧਾਣਾ)-ਪਿੰਡ ਮਹਿਲ-ਗਹਿਲਾ ਵਿਖੇ ਰਾਮ ਲੀਲ੍ਹਾ ਵੈਲਫੇਅਰ ਕਮੇਟੀ ਵਲੋਂ 142ਵੇਂ ਦੁਸਹਿਰਾ ਮੇਲੇ ਦੀ ਰਾਮ ਲੀਲ੍ਹਾ ਮੈਦਾਨ ਵਿਚ ਸ਼ੁਰੂਆਤ ਕੀਤੀ ਗਈ। ਜਿਹੜਾ ਕਿ ਨੌ ਨਰਾਤੇ ਲਗਾਤਾਰ ਚੱਲੇਗਾ ਤੇ ਦਸਵੇਂ ਦਿਨ ਵਿਜੇ ਦਸਮੀਂ ਦਾ ਤਿਉਹਾਰ ਦੁਸਹਿਰਾ ਰਾਮਲੀਲਾ ਗਰਾਊਂਡ ਵਿਚ ਕਰਵਾਇਆ ਜਾਵੇਗਾ, ਜਿਸ ’ਚ ਭਗਵਾਨ ਸ੍ਰੀ ਰਾਮ ਚੰਦਰ ਜੀ ਦੇ ਜੀਵਨ ਨਾਲ ਸੰਬੰਧਿਤ ਵੱਖ-ਵੱਖ ਸਮੇਂ ‘ਤੇ ਵਾਪਰੀਆਂ ਘਟਨਾਵਾਂ ਅਤੇ ਉਨ੍ਹਾਂ ਦੇ ਜੀਵਨ ਦੇ ਪਹਿਲੂਆਂ ਬਾਰੇ ਝਾਕੀਆਂ ਵੀ ਸਜਾਈਆਂ ਜਾਣਗੀਆਂ।