"ਅੱਜ 'ਖੇਲੋ ਇੰਡੀਆ' ਦੇ ਅਧੀਨ 'ਖੇਡ ਸਮਾਨ ਨਿਰਮਾਣ ਯੋਜਨਾ' ਸ਼ੁਰੂ - ਅਸ਼ਵਨੀ ਵੈਸ਼ਨਵ

ਨਵੀਂ ਦਿੱਲੀ, 29 ਅਕਤੂਬਰ  - ਕੇਂਦਰੀ ਰੇਲ ਮੰਤਰੀ ਅਸ਼ਵਨੀ ਵੈਸ਼ਨਵ ਨੇ ਕਿਹਾ, "ਅੱਜ ਨਿਰਮਾਣ ਖੇਤਰ ਲਈ ਇਕ ਵੱਡੀ ਪਹਿਲਕਦਮੀ ਸ਼ੁਰੂ ਕੀਤੀ ਗਈ ਹੈ: 'ਖੇਲੋ ਇੰਡੀਆ' ਦੇ ਅਧੀਨ 'ਖੇਡ ਸਮਾਨ ਨਿਰਮਾਣ ਯੋਜਨਾ'। ਵਰਤਮਾਨ ਵਿਚ, ਦੇਸ਼ ਵਿਚ ਖੇਡ ਸਮਾਨ ਦੇ ਨਿਰਮਾਣ ਲਈ ਤਿੰਨ ਮੁੱਖ ਕੇਂਦਰ  ਹਨ: ਮੇਰਠ (ਉੱਤਰ ਪ੍ਰਦੇਸ਼), ਜਲੰਧਰ-ਲੁਧਿਆਣਾ ਖੇਤਰ (ਪੰਜਾਬ) ਅਤੇ ਜੰਮੂ (ਜੰਮੂ ਅਤੇ ਕਸ਼ਮੀਰ)। ਖੇਡ ਸਮਾਨ ਦਾ ਬਹੁਤਾ ਨਿਰਮਾਣ ੰਸ਼ੰਓ (ਸੂਖਮ, ਛੋਟੇ ਅਤੇ ਦਰਮਿਆਨੇ ਉੱਦਮ) ਖੇਤਰ ਦੇ ਅੰਦਰ ਹੁੰਦਾ ਹੈ... ਇਸ ਯੋਜਨਾ ਦਾ ਉਦੇਸ਼ ਕਈ ਮੁੱਖ ਪਹਿਲੂਆਂ 'ਤੇ ਧਿਆਨ ਕੇਂਦਰਿਤ ਕਰਨਾ ਹੈ: ਜਿਵੇਂ ਕਿ ਇਨ੍ਹਾਂ ਉੱਦਮਾਂ ਨੂੰ ਆਪਣੇ ਕਾਰੋਬਾਰ ਦਾ ਵਿਸਤਾਰ ਕਰਨ, ਤਕਨਾਲੋਜੀ ਨੂੰ ਅਪਗ੍ਰੇਡ ਕਰਨ, ਬਿਹਤਰ ਸਮੱਗਰੀ ਦੀ ਵਰਤੋਂ ਕਰਨ ਅਤੇ ਪ੍ਰਮਾਣੀਕਰਨ ਪ੍ਰਕਿਰਿਆ ਨੂੰ ਸੁਚਾਰੂ ਬਣਾਉਣ ਵਿੱਚ ਮਦਦ ਕਰਨਾ। ਪ੍ਰਮਾਣੀਕਰਨ ਪ੍ਰਕਿਰਿਆ ਨੂੰ ਸਰਲ ਬਣਾਉਣ ਨਾਲ, ਭਾਰਤੀ ਖੇਡ ਸਮਾਨ ਨਿਰਮਾਤਾਵਾਂ ਨੂੰ ਵਿਸ਼ਵ ਬਾਜ਼ਾਰਾਂ ਤੱਕ ਬਿਹਤਰ ਪਹੁੰਚ ਮਿਲੇਗੀ—ਜਿਸ ਨਾਲ ਨਿਰਯਾਤ ਨੂੰ ਹੁਲਾਰਾ ਮਿਲੇਗਾ ਅਤੇ ਅੰਤਰਰਾਸ਼ਟਰੀ ਟੀਮਾਂ ਤੇ ਮੁਕਾਬਲਿਆਂ ਨਾਲ ਜੁੜਨ ਦੇ ਰਾਹ ਖੁੱਲ੍ਹਣਗੇ... ਇਹ ਇਕ ਲੰਬੇ ਸਮੇਂ ਦੀ ਪਹਿਲਕਦਮੀ ਹੈ, ਜਿਸ ਲਈ 1,156 ਕਰੋੜ ਰੁਪਏ ਦੀ ਰਾਸ਼ੀ ਰੱਖੀ ਗਈ ਹੈ। ਇਹ ਯੋਜਨਾ ਵਿੱਤੀ ਸਾਲ 2026-27 ਤੋਂ ਲੈ ਕੇ ਵਿੱਤੀ ਸਾਲ 2033-34 ਤੱਕ ਲਾਗੂ ਰਹੇਗੀ। ਇਸ ਦੇ ਦੋ ਮੁੱਖ ਥੰਮ੍ਹ ਹਨ: ਪਹਿਲੇ ਵਿਚ ਨਿਰਮਾਣ ਕਾਰਜਾਂ ਨੂੰ ਸਮਰਥਨ ਦੇਣ ਲਈ ਪ੍ਰੋਤਸਾਹਨ ਸ਼ਾਮਿਲ ਹਨ, ਅਤੇ ਦੂਜੇ ਵਿਚ ਪੂਰੇ ਈਕੋਸਿਸਟਮ ਨੂੰ ਵਿਕਸਤ ਕਰਨ ਲਈ ਤਿਆਰ ਕੀਤੇ ਗਏ ਪ੍ਰੋਤਸਾਹਨ ਸ਼ਾਮਿਲ ਹਨ..." ।