ਨਾਗੋਯਾ, 28 ਸਤੰਬਰ- ਨਿਸ਼ਾਨੇਬਾਜ਼ ਈਸ਼ਾ ਸਿੰਘ ਨੇ ਜਾਪਾਨ ਦੇ ਨਾਗੋਆ ਵਿਚ ਚੱਲ ਰਹੀਆਂ ਏਸ਼ਿਅਨ ਖੇਡਾਂ ਵਿਚ ਭਾਰਤ ਲਈ ਚਾਂਦੀ ਦਾ ਤਗਮਾ ਜਿੱਤਿਆ ਹੈ। ਉਹ ਔਰਤਾਂ ਦੇ 25 ਮੀਟਰ ਪਿਸਟਲ ਫਾਈਨਲ ਵਿਚ ਸੋਨੇ ਦੇ ਤਗਮੇ ਤੋਂ ਥੋੜ੍ਹੀ ਜਿਹੀ ਖੁੰਝ ਗਈ। ਸੋਮਵਾਰ ਨੂੰ ਫਾਈਨਲ ਵਿਚ ਈਸ਼ਾ ਨੂੰ ਤਗਮੇ ਲਈ ਪੰਜ ਸ਼ੂਟ-ਆਫ ਦਾ ਸਾਹਮਣਾ ਕਰਨਾ ਪਿਆ। ਉਸ ਨੇ ਪਹਿਲਾਂ ਚਾਂਦੀ ਦਾ ਤਗਮਾ ਜਿੱਤਿਆ ਅਤੇ ਫਿਰ ਸੋਨੇ ਲਈ ਚੁਣੌਤੀ ਦਿੱਤੀ।
ਦੂਜੇ ਸ਼ੂਟ-ਆਫ ਵਿਚ ਈਸ਼ਾ ਪੰਜ ਵਿਚੋਂ ਤਿੰਨ ਸ਼ਾਟ ਤੋਂ ਖੁੰਝ ਗਈ, ਜਦੋਂ ਕਿ ਚੀਨ ਦੀ ਜ਼ਿਆਓ ਦੋ ਸ਼ਾਟ ਤੋਂ ਖੁੰਝ ਗਈ। ਈਸ਼ਾ 580 ਅੰਕਾਂ ਨਾਲ ਫਾਈਨਲ ਲਈ ਕੁਆਲੀਫਾਈ ਕਰ ਗਈ। ਇਸ ਈਵੈਂਟ ਵਿਚ ਮਨੂ ਭਾਕਰ (579 ਅੰਕ) ਬਾਹਰ ਹੋ ਗਈ। ਟੀਮ ਇੰਡੀਆ 1727 ਅੰਕਾਂ ਨਾਲ 5ਵੇਂ ਸਥਾਨ 'ਤੇ ਰਹੀ। ਭਾਰਤ ਤਗਮਾ ਸੂਚੀ ਵਿਚ 12ਵੇਂ ਸਥਾਨ 'ਤੇ ਹੈ। ਇਸ ਦੇ ਕੋਲ 38 ਤਗਮੇ ਹਨ, ਜਿਨ੍ਹਾਂ ਵਿਚ 4 ਸੋਨ, 16 ਚਾਂਦੀ ਅਤੇ 18 ਕਾਂਸੀ ਤਗਮੇ ਸ਼ਾਮਿਲ ਹਨ।
