ਬਿਆਸ ਰੇਲਵੇ ਸਟੇਸ਼ਨ ਤੇ ਯਾਤਰੀਆਂ ਦੀ ਖੱਜਲ ਖੁਆਰੀ

ਬਿਆਸ, (ਅੰਮ੍ਰਿਤਸਰ), 17 ਸਤੰਬਰ (ਨਰਿੰਦਰ ਸਿੰਘ)- ਜੰਡਿਆਲਾ ਗੁਰੂ ਦੇ ਪਿੰਡ ਦੇਵੀਦਾਸਪੁਰੇ ਰੇਲਵੇ ਟਰੈਕ ’ਤੇ ਕਿਸਾਨਾਂ ਨੇ ਆਪਣੀਆਂ ਮੰਗਾਂ ਦੇ ਸੰਬੰਧੀ ਵਿਰੋਧ ਪ੍ਰਦਰਸ਼ਨ 12 ਵਜੇ ਸ਼ੁਰੂ ਕੀਤਾ। ਇਸ ਧਰਨੇ ਦਾ ਅਸਰ ਬਿਆਸ ਰੇਲਵੇ ਸਟੇਸ਼ਨ ’ਤੇ ਦੇਖਣ ਨੂੰ ਮਿਲਿਆ। ਯਾਤਰੀਆਂ ਦੀ ਬਹੁਤ ਜ਼ਿਆਦਾ ਖੱਜਲ ਖੁਆਰੀ ਨਜ਼ਰ ਆਈ। ਸਟੇਸ਼ਨ ਮਾਸਟਰ ਬਿਆਸ ਦੀ ਜਾਣਕਾਰੀ ਅਨੁਸਾਰ ਕਰੀਬ 20 ਰੇਲਗੱਡੀਆਂ ਅੱਪ ਡਾਊਨ ਦੀਆਂ ਪ੍ਰਭਾਵਿਤ ਹੋ ਗਈਆਂ। ਯਾਤਰੀਆਂ ਦੀ ਖੱਜਲ ਖੁਆਰੀ ਨੂੰ ਦੇਖਦਿਆਂ ਨੰਗਲ ਡੈਮ ਨੂੰ ਵਾਇਆ ਤਰਨ ਤਾਰਨ ਡਾਈਵਰਟ ਕੀਤਾ ਗਿਆ। ਇਸ ਦੇ ਨਾਲ ਹੀ ਸ਼ਤਾਬਦੀ ਐਕਸਪ੍ਰੈਸ ਨੂੰ ਵੀ ਡਾਈਵਰਟ ਕਰਨ ਦਾ ਨਿਰਦੇਸ਼ ਜਾਰੀ ਕਰ ਦਿੱਤਾ ਗਿਆ। ਪਰ ਅਜੇ ਵੀ ਸ਼ਤਾਬਦੀ ਐਕਸਪ੍ਰੈਸ ਮੌਕੇ ’ਤੇ ਰੇਲਵੇ ਪਲੈਟਫਾਰਮ ਨੰਬਰ ਇਕ ’ਤੇ ਹੀ ਖੜੀ ਹੈ।