ਇੰਡੋਨੇਸ਼ੀਆਈ ਕਿਸ਼ਤੀ ਪਲਟੀ-6 ਮੌਤਾਂ, 130 ਦੀ ਭਾਲ ਜਾਰੀ

ਬੰਜਾਰਮਾਸਿਨ (ਇੰਡੋਨੇਸ਼ੀਆ), 13 ਸਤੰਬਰ (ਏ.ਪੀ.)-ਇੰਡੋਨੇਸ਼ੀਆ ਦੇ ਜਾਵਾ ਸਾਗਰ ਵਿੱਚ ਐਤਵਾਰ ਨੂੰ ਖਰਾਬ ਮੌਸਮ ਦੌਰਾਨ ਇੱਕ ਕਿਸ਼ਤੀ ਪਲਟ ਗਈ, ਜਿਸ ਕਾਰਨ ਲਗਭਗ 130 ਯਾਤਰੀ ਅਤੇ ਚਾਲਕ ਦਲ ਦੇ ਮੈਂਬਰ ਲਾਪਤਾ ਹੋ ਗਏ, ਬਚਾਅ ਕਰਮਚਾਰੀਆਂ ਨੇ ਦੱਸਿਆ। ਘੱਟੋ-ਘੱਟ 107 ਲੋਕਾਂ ਨੂੰ ਬਚਾ ਲਿਆ ਗਿਆ, ਅਤੇ 6 ਯਾਤਰੀਆਂ ਦੀਆਂ ਲਾਸ਼ਾਂ ਬਰਾਮਦ ਕੀਤੀਆਂ ਗਈਆਂ ਹਨ। ਅਧਿਕਾਰੀਆਂ ਨੇ ਦੱਸਿਆ ਕਿ 240 ਤੋਂ ਵੱਧ ਲੋਕਾਂ ਵਾਲੀ ਕਿਸ਼ਤੀ ਪੂਰਬੀ ਜਾਵਾ ਦੇ ਸੁਰਾਬਾਇਆ ਤੋਂ ਬੋਰਨਿਓ ਟਾਪੂ ਦੇ ਦੱਖਣੀ ਕਾਲੀਮੰਤਾਨ ਸੂਬੇ ਦੇ ਬੰਜਾਰਮਾਸਿਨ ਜਾ ਰਹੀ ਸੀ। ਬੰਜਰਮਾਸਿਨ ਖੋਜ ਅਤੇ ਬਚਾਅ ਦਫ਼ਤਰ ਦੇ ਮੁਖੀ ਆਈ ਪੁਤੂ ਸੁਦਾਯਾਨਾ ਨੇ ਦੱਸਿਆ ਕਿ 3 ਮੀਟਰ (10 ਫੁੱਟ) ਤੱਕ ਉੱਚੀਆਂ ਲਹਿਰਾਂ ਵਾਲੇ ਤੂਫ਼ਾਨੀ ਸਮੁੰਦਰ ਦੀ ਸੂਚਨਾ ਦਿੱਤੀ ਗਈ ਸੀ ਅਤੇ ਇਸ ਤੋਂ ਪਹਿਲਾਂ ਕਿ ਐਮਰਜੈਂਸੀ ਕਾਲ ਜਾਰੀ ਕਰਦਿਆਂ ਕਿਹਾ ਗਿਆ ਸੀ  ਕਿ ਕਿਸ਼ਤੀ ਇੱਕ ਪਾਸੇ ਝੁਕ ਰਹੀ ਹੈ। ਬਾਅਦ ਵਿੱਚ ਅਧਿਕਾਰੀਆਂ ਨੂੰ ਜਾਣਕਾਰੀ ਮਿਲੀ ਕਿ ਕਿਸ਼ਤੀ ਪਲਟ ਗਈ ਸੀ।