ਸ਼ਰਾਰਤੀ ਨੇ ਪੁੱਟੇ ਸਤਲੁਜ ਰਾਹੋ ਪੁਲ 'ਤੇ ਭਾਰੀ ਵਾਹਨਾਂ ਨੂੰ ਰੋਕਣ ਲਈ ਲਗਾਇਆ ਗਾਡਰ

ਮਾਛੀਵਾੜਾ ਸਾਹਿਬ (ਲੁਧਿਆਣਾ), 17 ਅਗਸਤ (ਮਨੋਜ ਕੁਮਾਰ) - ਅਜੇ ਮਹਿਜ ਕੁਝ ਦਿਨ ਹੀ ਹੋਏ ਸਨ ਕਿ ਸਤਲੁਜ ਰਾਹੋ ਪੁਲ 'ਤੇ ਭਾਰੀ ਵਾਹਨਾਂ ਨੂੰ ਰੋਕਣ ਲਈ ਲਗਾਏ ਲੋਹੇ ਦੇ ਭਾਰੀ ਗਾਡਰਾਂ ਤੋਂ ਬਾਅਦ ਆਮ ਲੋਕਾਂ ਨੇ ਸੁੱਖ ਦਾ ਸਾਹ ਲਿਆ ਸੀ ਕਿ ਸ਼ਾਇਦ ਹੁਣ ਪੁੱਲ ਕੁਝ ਸਮੇਂ ਲਈ ਬਚ ਜਾਵੇਗਾ ਪਰ ਬੀਤੀ ਰਾਤ ਕਿਸੇ ਸ਼ਰਾਰਤੀ ਦੀ ਸੋਚ ਨੇ ਇਸ ਲੋਹੇ ਦੇ ਗਾਡਰ ਨੂੰ ਪੁੱਟ ਦਿੱਤਾ। ਹਾਲਾਂਕਿ ਇਸ ਕੰਮ ਵਿਚ ਹੋਰ ਵੀ ਕਈ ਸਾਮਿਲ ਹੋ ਸਕਦੇ ਹਨ। ਪਰ ਇਸ ਸ਼ਰਾਰਤ ਨੇ ਇਸ ਪੁੱਲ ਦੇ ਭਵਿੱਖ 'ਤੇ ਫਿਰ ਸਵਾਲੀਆ ਨਿਸ਼ਾਨ ਖੜਾ ਕਰ ਦਿੱਤਾ ਹੈ। ਪਿਛਲੇ ਕੁਝ ਦਿਨਾਂ ਤੋਂ ਇਸ ਪੁੱਲ ਤੋਂ ਨਾਜਾਇਜ਼ ਮਾਈਨਿੰਗ ਦੀ ਆਵਾਜਾਈ ਟ੍ਰਾਲੀਆਂ ਦੇ ਰੂਪ ਵਿਚ ਸ਼ੁਰੂ ਹੋ ਗਈ ਸੀ ਤੇ ਪਿਛਲੇ ਦਿਨਾਂ ਦੌਰਾਨ ਅਕਸਰ ਇਸ ਪੁੱਲ ਤੋ ਸੈਂਕੜੇ ਟਿੱਪਰ ਆਰ ਪਾਰ ਹੁੰਦੇ ਸਨ।