ਮਾਛੀਵਾੜਾ ਸਾਹਿਬ (ਲੁਧਿਆਣਾ), 4 ਅਗਸਤ (ਮਨੋਜ ਕੁਮਾਰ)- ਪਿਛਲੇ ਦਿਨੀਂ ਸ਼ਹਿਰ ਦੇ ਗੁਰੂ ਨਾਨਕ ਮਹੁੱਲੇ ਦੇ ਵਸਨੀਕ ਪਰਿਵਾਰ ਦੇ ਨਾਬਾਲਗ ਬੱਚੇ ਅਤੇ ਉਸਦੇ ਪਿਤਾ ਵਲੋ ਬਣਾਈ 15 ਲੱਖ ਰੁਪਏ ਦੀ ਝੂਠੀ ਚੋਰੀ ਕਹਾਣੀ ਦੇ ਮੁੱਖ ਦੋਸ਼ੀ ਪਿਓ ਪੁੱਤਰ ਫਿਲਹਾਲ ਪੁਲਿਸ ਦੀ ਗਿੑਫਤ ਤੋਂ ਬਾਹਰ ਹਨ। ਹਾਲਾਂਕਿ ਇਹ ਮਾਮਲਾ ਪੁਲਿਸ ਦੀ ਸੂਝ ਬੂਝ ਨਾਲ ਹੀ ਸਾਹਮਣੇ ਆਇਆ ਜਿਸ ਦੌਰਾਨ ਖੁਦ ਥਾਣਾ ਮੁਖੀ ਨੇ ਬਾਰੀਕੀ ਨਾਲ ਛਾਣਬੀਣ ਕੀਤੀ ਤੇ ਇਸ ਮਾਮਲੇ ਵਿਚ ਬਿਨ੍ਹਾਂ ਵਜਾ ਬਲੀ ਦਾ ਬੱਕਰਾ ਬਨਣ ਜਾ ਰਹੇ ਸੁਨਿਆਰ ਦੀ ਬੇਗੁਨਾਹੀ ਵੀ ਸਾਹਮਣੇ ਆਈ।
ਫਿਲਹਾਲ ਥਾਣਾ ਮੁਖੀ ਚਰਨਜੀਤ ਸਿੰਘ ਨੇ ਗੱਲਬਾਤ ਦੌਰਾਨ ਇਸ ਗੱਲ ਦਾ ਭਰੋਸਾ ਦਿੱਤਾ ਕਿ ਬਹੁਤ ਜਲਦ ਦੋਸ਼ੀ ਪੁਲਿਸ ਅੜਿੱਕੇ ਹੋਣਗੇ ਤੇ ਮਾਮਲੇ ਦੇ ਹਰ ਪਹਿਲੂ ਦਾ ਹੋਰ ਸੱਚ ਵੀ ਸਾਹਮਣੇ ਆਵੇਗਾ।
