ਬਾਲੀਵੁਡ ਨੇ ਅਸ਼ਲੀਲਤਾ ਦੀਆਂ ਹੱਦਾਂ ਪਾਰ ਕੀਤੀਆਂ- ਕੰਗਨਾ ਰਣੌਤ

ਮੁੰਬਈ, 17 ਮਾਰਚ- ਅਦਾਕਾਰਾ ਨੋਰਾ ਫਤੇਹੀ ਦੇ ਗਾਣੇ ਨਾਲ ਜੁੜੇ ਵਿਵਾਦ 'ਤੇ ਟਿੱਪਣੀ ਕਰਦੇ ਹੋਏ, ਭਾਜਪਾ ਸੰਸਦ ਮੈਂਬਰ ਕੰਗਨਾ ਰਣੌਤ ਨੇ ਕਿਹਾ, "ਬਾਲੀਵੁੱਡ ਨੇ ਅਸ਼ਲੀਲਤਾ ਅਤੇ ਸਸਤੀਆਂ ਪੀ.ਆਰ ਚਾਲਾਂ ਦੀ ਪੈਰਵੀ ’ਚ ਹਰ ਹੱਦ ਪਾਰ ਕਰ ਦਿੱਤੀ ਹੈ।

ਪੂਰਾ ਦੇਸ਼ ਉਨ੍ਹਾਂ ਦੀ ਨਿੰਦਾ ਕਰ ਰਿਹਾ ਹੈ ਤੇ ਝਿੜਕ ਖਾ ਰਿਹਾ ਹੈ, ਪਰ ਫਿਰ ਵੀ ਮੈਨੂੰ ਨਹੀਂ ਲੱਗਦਾ ਕਿ ਉਨ੍ਹਾਂ ਵਿਚ ਕੋਈ ਸ਼ਰਮ ਦੀ ਭਾਵਨਾ ਹੈ। ਅਸੀਂ ਆਪਣੇ ਬਚਪਨ ਤੋਂ ਹੀ ਅਜਿਹੇ ਗਾਣੇ ਸੁਣਦੇ ਆ ਰਹੇ ਹਾਂ; ਇਹ ਕੋਈ ਹਾਲੀਆ ਘਟਨਾ ਨਹੀਂ ਹੈ। ਹਾਲਾਂਕਿ, ਸਮੇਂ-ਸਮੇਂ 'ਤੇ ਉਨ੍ਹਾਂ 'ਤੇ ਪਾਬੰਦੀਆਂ ਲਗਾਈਆਂ ਗਈਆਂ ਹਨ, ਅਤੇ ਮੈਨੂੰ ਲੱਗਦਾ ਹੈ ਕਿ ਇਸ ਸੰਬੰਧ ਵਿੱਚ ਹੋਰ ਵੀ ਸਖ਼ਤੀ ਦੀ ਲੋੜ ਹੈ। ਮੇਰਾ ਮੰਨਣਾ ਹੈ ਕਿ ਬਾਲੀਵੁੱਡ ਉਤੇ ਲਗਾਮ ਲਗਾਉਣੀ ਚਾਹੀਦੀ ਹੈ।"

ਜ਼ਿਕਰਯੋਗ ਹੈ ਕਿ ਸੰਜੇ ਦੱਤ ਦੀ ਅ ਰਹੀ ਫਿਲਮ ਕੇਡੀ-ਦਾ ਡੇਵਿਲ ਦਾ ਸੰਜੇ ਦੱਤ ਤੇ ਨੋਰਾ ਫਤੇਹੀ ਉਤੇ ਫਿਲਮਾਇਆ ਗਿਆ ਗੀਤ ਸਰਕੇ ਚੁਨਰ ਆਪਣੇ ਅਸ਼ਲੀਲ ਬੋਲਾਂ ਤੇ ਵੀਡੀਓਗ੍ਰਾਫੀ ਨੂੰ ਲੈ ਕੇ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ। ਹਾਲਾਂਕਿ ਇਸ ਰੌਲੇ-ਰੱਪੇ ਵਿਚਾਲੇ ਇਸ ਗੀਤ ਨੂੰ ਯੂਟਿਊਬ ਤੋਂ ਹਟਾ ਦਿੱਤਾ ਗਿਆ ਹੈ।