ਅੰਮ੍ਰਿਤਸਰ ਤੋਂ ਦਿੱਲੀ ਲਈ ਚੱਲੇਗੀ ਵਿਸ਼ੇਸ਼ ਵੰਦੇ ਭਾਰਤ ਰੇਲਗੱਡੀ

ਫ਼ਿਰੋਜ਼ਪੁਰ ,11 ਮਈ (ਰਾਕੇਸ਼ ਚਾਵਲਾ, ਕੁਲਬੀਰ ਸਿੰਘ ਸੋਢੀ) - ਯਾਤਰੀਆਂ ਦੀ ਸਹੂਲਤ ਲਈ, ਉੱਤਰੀ ਰੇਲਵੇ ਨੇ ਕੱਲ੍ਹ 12 ਮਈ ਨੂੰ ਅੰਮ੍ਰਿਤਸਰ ਰੇਲਵੇ ਸਟੇਸ਼ਨ ਤੋਂ ਇਕ ਪਾਸੇ ਰਾਖਵੀਂ ਵੰਦੇ ਭਾਰਤ ਸਪੈਸ਼ਲ ਟ੍ਰੇਨ 02464 ਚਲਾਉਣ ਦਾ ਫ਼ੈਸਲਾ ਕੀਤਾ ਹੈ। ਇਹ ਵੰਦੇ ਭਾਰਤ ਸਪੈਸ਼ਲ ਟ੍ਰੇਨ 02464 ਕੱਲ੍ਹ ਅੰਮ੍ਰਿਤਸਰ ਸਟੇਸ਼ਨ ਤੋਂ 15:55 (3:55 ਵਜੇ) ਚੱਲੇਗੀ ਅਤੇ ਅੰਤ ਵਿਚ 22:25 (10:25 ਵਜੇ) ਦਿੱਲੀ ਪਹੁੰਚੇਗੀ। ਰਸਤੇ ਵਿਚ ਬਿਆਸ, ਜਲੰਧਰ ਸ਼ਹਿਰ, ਲੁਧਿਆਣਾ ਅਤੇ ਅੰਬਾਲਾ ਛਾਉਣੀ ਸਟੇਸ਼ਨਾਂ 'ਤੇ ਰੁਕੇਗੀ।