ਮਾਛੀਵਾੜਾ ਸਾਹਿਬ ,30 ਜਨਵਰੀ (ਮਨੋਜ ਕੁਮਾਰ) - ਅੱਜ ਸ਼ਾਮ ਕਰੀਬ 7 ਵਜੇ ਦੇ ਆਸ-ਪਾਸ ਸ਼ਹਿਰ ਦੇ ਦੋ ਪੈਟਰੋਲ ਪੰਪਾਂ 'ਤੇ ਲੁਟੇਰਿਆਂ ਨੇ ਪਿਸਤੌਲ ਦੀ ਨੋਕ 'ਤੇ ਪੰਪ ਦੇ ਮੁਲਾਜ਼ਮਾਂ ਤੋਂ ਨਕਦੀ ਖੋਹ ਕੇ ਫ਼ਰਾਰ ਹੋ ਗਏ । ਜਾਣਕਾਰੀ ਅਨੁਸਾਰ ਇਸ ਘਟਨਾ ਵਿਚ ਲੁਟੇਰਿਆਂ ਨੇ ਪਹਿਲਾਂ ਗੜ੍ਹੀ ਪੁੱਲ ਤੋਂ ਪਹਿਲਾਂ ਬੈਨੀਪਾਲ ਪੈਟਰੋਲ ਪੰਪ ਤੇ ਦੂਸਰਾ ਕੁਹਾੜਾ ਰੋਡ 'ਤੇ ਕਿਸੇ ਪੈਲੇਸ ਸਾਹਮਣੇ ਪੰਪ ਨੂੰ ਲੁੱਟ ਦਾ ਸ਼ਿਕਾਰ ਬਣਾਇਆ। ਫਿਲਹਾਲ ਕਿੰਨੀ ਨਕਦੀ ਸੀ ਇਹ ਤਾਂ ਪੰਪ ਮਾਲਕਾਂ ਵਲੋਂ ਜਾਣਕਾਰੀ ਤੋਂ ਬਾਅਦ ਹੀ ਪਤਾ ਲੱਗ ਸਕੇਗਾ। ਇਹ ਲੁਟੇਰੇ ਕਿਸੇ ਕਾਰ ਵਿਚ ਆਏ ਤੇ ਇਨ੍ਹਾਂ ਦੀ ਗਿਣਤੀ 4- 5 ਦੱਸੀ ਜਾ ਰਹੀ ਹੈ। ਘਟਨਾ ਦੀ ਜਾਣਕਾਰੀ ਮਿਲਦਿਆਂ ਹੀ ਐੱਸਐੱਸਪੀ ਖੰਨਾ ਤੇ ਹੋਰ ਸੀਨੀਅਰ ਅਧਿਕਾਰੀ ਮੌਕੇ 'ਤੇ ਪਹੁੰਚ ਗਏ ਹਨ ।