ਡੇਰਾ ਬਾਬਾ ਨਾਨਕ (ਗੁਰਦਾਸਪੁਰ), 30 ਜਨਵਰੀ (ਅਵਤਾਰ ਸਿੰਘ ਰੰਧਾਵਾ)-ਸਰਹੱਦੀ ਖੇਤਰ ਡੇਰਾ ਬਾਬਾ ਨਾਨਕ ਦੇ ਨਜ਼ਦੀਕ ਲੱਗਦੀ ਬੀ.ਐਸ.ਐਫ. ਦੀ ਪੋਸਟ ਬੀ.ਓ.ਪੀ. ਮੇਤਲਾ ਦੇ ਨੌਜਵਾਨਾਂ ਨੂੰ ਗਸ਼ਤ ਦੌਰਾਨ ਅਸਲਾ ਬਰਾਮਦ ਹੋਇਆ ਹੈ। ਜਾਣਕਾਰੀ ਮੁਤਾਬਕ ਬੀ.ਓ.ਪੀ. ਮੇਤਲਾ ਦੇ ਨੌਜਵਾਨ ਨੇੜਲੇ ਖੇਤਰ ਦੀ ਸਰਚ ਕਰ ਰਹੇ ਸਨ, ਇਸ ਮੌਕੇ ਉਨ੍ਹਾਂ ਨੂੰ ਇਕ ਲਾਵਾਰਿਸ ਪਿਆ ਪੈਕੇਟ ਵਿਖਾਈ ਦਿੱਤਾ, ਜਿਸ ਨੂੰ ਸ਼ੱਕ ਦੇ ਆਧਾਰ ਉਤੇ ਖੋਲ੍ਹਿਆ ਗਿਆ। ਪੈਕੇਟ ਵਿਚੋਂ ਦੋ ਪਿਸਟਲ 9 ਐਮ. ਐਮ.,10 ਰੌਂਦ ਅਤੇ ਚਾਰ ਮੈਗਜ਼ੀਨ ਬਰਾਮਦ ਹੋਏ। ਇਸ ਸੰਬੰਧੀ ਅਗਲੇਰੀ ਕਾਰਵਾਈ ਕਰਦੇ ਹੋਏ ਇਹ ਮਾਮਲਾ ਬੀ.ਐਸ.ਐਫ. ਵਲੋਂ ਸੰਬੰਧਿਤ ਪੁਲਿਸ ਨੂੰ ਸੌਂਪ ਦਿੱਤਾ ਗਿਆ ਹੈ। ਪੁਲਿਸ ਵਲੋਂ ਅਗਲੇਰੀ ਕਾਰਵਾਈ ਕੀਤੀ ਜਾ ਰਹੀ ਹੈ।