ਏਸ਼ੀਅਨ ਚੈਂਪੀਅਨਜ਼ ਟਰਾਫੀ : ਭਾਰਤ ਨੇ ਜਾਪਾਨ ਨੂੰ 3-0 ਨਾਲ ਹਰਾਇਆ

ਰਾਜਗੀਰ (ਬਿਹਾਰ), 17 ਨਵੰਬਰ (ਏਐਨਆਈ ): ਭਾਰਤੀ ਮਹਿਲਾ ਹਾਕੀ ਟੀਮ ਨੇ ਰਾਜਗੀਰ ਹਾਕੀ ਸਟੇਡੀਅਮ ਵਿਚ ਬਿਹਾਰ ਮਹਿਲਾ ਏਸ਼ੀਅਨ ਚੈਂਪੀਅਨਜ਼ ਟਰਾਫੀ ਰਾਜਗੀਰ 2024 ਦੇ ਗਰੁੱਪ ਪੜਾਅ ਦੇ ਆਪਣੇ ਆਖਰੀ ਮੈਚ ਵਿਚ ਜਾਪਾਨ ਨੂੰ 3-0 ਨਾਲ ਹਰਾਇਆ। ਜਾਪਾਨ ਨੇ ਖੇਡ ਦੇ ਪਹਿਲੇ ਅੱਧ 'ਚ ਸ਼ਾਨਦਾਰ ਰੱਖਿਆ ਦਾ ਪ੍ਰਦਰਸ਼ਨ ਕੀਤਾ ਪਰ ਦੂਜੇ ਹਾਫ 'ਚ ਨਵਨੀਤ ਕੌਰ (37') ਅਤੇ ਦੀਪਿਕਾ (47', 48') ਦੇ ਗੋਲਾਂ ਨੇ ਭਾਰਤ ਦੀ ਜਿੱਤ 'ਤੇ ਮੋਹਰ ਲਗਾ ਦਿੱਤੀ। ਇਸ ਨਤੀਜੇ ਦੇ ਨਾਲ, ਭਾਰਤ, ਹਾਕੀ ਇੰਡੀਆ ਦੀ ਇਕ ਪ੍ਰੈੱਸ ਰਿਲੀਜ਼ ਦੇ ਅਨੁਸਾਰ, 19 ਨਵੰਬਰ ਨੂੰ ਸੈਮੀਫਾਈਨਲ ਵਿਚ, ਇਕ ਵੀ ਅੰਕ ਘਟਾਏ ਬਿਨਾਂ ਸਾਰਣੀ ਵਿੱਚ ਸਿਖਰ 'ਤੇ ਪਹੁੰਚ ਗਿਆ ਹੈ ।