ਜਿਊਲਰ ਦੀ ਦੁਕਾਨ 'ਚ ਸਿਲੰਡਰ ਫਟਣ ਕਾਰਨ ਹੋਇਆ ਧਮਾਕਾ

ਸਮਰਾਲਾ (ਲੁਧਿਆਣਾ), 16 ਨਵੰਬਰ (ਗੋਪਾਲ ਸੋਫਤ)-ਅੱਜ ਸ਼ਾਮੀਂ ਕਰੀਬ 6 ਵਜੇ ਸਥਾਨਕ ਗੁਰੂ ਨਾਨਕ ਰੋਡ ਉਤੇ ਸਥਿਤ ਇਕ ਜਿਊਲਰ ਦੀ ਦੁਕਾਨ ਉਤੇ ਸਿਲੰਡਰ ਫਟਣ ਕਾਰਨ ਵੱਡਾ ਧਮਾਕਾ ਹੋਇਆ ਹੈ ਪਰ ਕਿਸੇ ਕਿਸਮ ਦਾ ਜਾਨੀ ਨੁਕਸਾਨ ਹੋਣ ਤੋਂ ਬਚਾਅ ਰਿਹਾ ਜਦਕਿ ਦੁਕਾਨ ਅੰਦਰ ਫਿਟਿੰਗ ਆਦਿ ਦਾ ਨੁਕਸਾਨ ਹੋਇਆ ਹੈ। ਜਾਣਕਾਰੀ ਅਨੁਸਾਰ ਸਥਾਨਕ ਪ੍ਰਦੀਪ ਜਿਊਲਰਜ਼ ਦੀ ਦੁਕਾਨ ਅੰਦਰ ਉਸ ਸਮੇਂ ਇਕ ਵੱਡਾ ਧਮਾਕਾ ਹੋਇਆ ਜਦੋਂ ਉਸ ਦਾ ਪੁੱਤਰ ਗੁਰਸੇਵਕ ਦੁਕਾਨ ਅੰਦਰ ਗਹਿਣੇ ਤਿਆਰ ਕਰ ਰਿਹਾ ਸੀ। ਛੋਟੇ ਗੈਸ ਸਿਲੰਡਰ ਨੂੰ ਅੱਗ ਲੱਗਣ 'ਤੇ ਗੁਰਸੇਵਕ ਤੇਜ਼ੀ ਨਾਲ ਦੁਕਾਨ ਤੋਂ ਬਾਹਰ ਆ ਗਿਆ। ਇਸ ਧਮਾਕੇ ਕਾਰਨ ਟੁੱਟੇ ਸ਼ੀਸ਼ੇ ਦਾ ਟੁਕੜਾ ਉਸ ਦੇ ਵੱਜਿਆ ਹੈ। ਧਮਾਕੇ ਦੀ ਆਵਾਜ਼ ਸੁਣ ਕੇ ਆਸ-ਪਾਸ ਦੇ ਦੁਕਾਨਦਾਰ ਆਪਣੀਆਂ ਦੁਕਾਨਾਂ ਤੋਂ ਬਾਹਰ ਆ ਗਏ।