ਵਿਅਕਤੀ ਦੀ ਬੁਰੀ ਤਰ੍ਹਾਂ ਕੁੱਟਮਾਰ

ਰਾਮਾਂ ਮੰਡੀ, (ਬਠਿੰਡਾ), 13 ਨਵੰਬਰ (ਤਰਸੇਮ ਸਿੰਗਲਾ)- ਬੀਤੀ ਦੇਰ ਮਲਕਾਣਾ ਪਿੰਡ ਰੋਡ ’ਤੇ ਇਕ ਵਿਅਕਤੀ ’ਤੇ ਕੁਝ ਅਣਪਛਾਤੇ ਵਿਅਕਤੀਆਂ ਵਲੋਂ ਹਮਲਾ ਕਰਕੇ ਉਸ ਦੀ ਕੁੱਟਮਾਰ ਕੀਤੀ ਜਾਣ ਦਾ ਸਮਾਚਾਰ ਹੈ। ਇਸ ਹਮਲੇ ਵਿਚ ਉਕਤ ਵਿਅਕਤੀ ਦੀਆਂ ਲੱਤਾਂ ਬਾਹਾਂ ਫਰੈਕਚਰ ਹੋ ਗਈਆਂ ਹਨ। ਵਾਰਦਾਤ ਦੀ ਸੂਚਨਾ ਮਿਲਣ ’ਤੇ ਹੈਲਪ ਲਾਇਨ ਵੈਲਫੇਅਰ ਸੁਸਾਇਟੀ ਦੇ ਪ੍ਰਧਾਨ ਬੋਬੀ ਲੈਹਰੀ ਆਪਣੇ ਵਲੰਟੀਅਰਜ਼ ਦੇ ਨਾਲ ਐਂਬੂਲੈਂਸ ਲੈ ਕੇ ਉਥੇ ਪਹੁੰਚੇ ਅਤੇ ਜ਼ਖ਼ਮੀ ਵਿਅਕਤੀ ਨੂੰ ਸਿਵਲ ਹਸਪਤਾਲ ਰਾਮਾਂ ਮੰਡੀ ਦਾਖਲ ਕਰਵਾਇਆ ਗਿਆ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਜ਼ਖ਼ਮੀ ਜਸਪ੍ਰੀਤ ਸਿੰਘ ਪੁੱਤਰ ਸੁਖਪਾਲ ਸਿੰਘ ਵਾਸੀ ਪਿੰਡ ਮਲਕਾਣਾ ਰਿਫਾਇਨਰੀ ਦੇ ਗੈਸ ਪਲਾਂਟ ਵਿਚ ਠੇਕੇ ’ਤੇ ਲੱਗਿਆ ਹੋਇਆ ਹੈ ਅਤੇ ਬੀਤੀ ਰਾਤ ਆਪਣੀ ਕਾਰ ਰਾਹੀਂ ਉਹ ਡਿਊਟੀ ਤੋਂ ਆਪਣੇ ਪਿੰਡ ਮਲਕਾਣਾ ਪਰਤ ਰਿਹਾ ਸੀ। ਸਮਾਚਾਰ ਲਿਖੇ ਜਾਣ ਤੱਕ ਰਾਮਾਂ ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਸੀ। ਇਸ ਕਾਰਨ ਪਤਾ ਨਹੀਂ ਲੱਗ ਸਕਿਆ ਕਿ ਮਾਮਲਾ ਲੁੱਟ ਖੋਹ ਦਾ ਹੈ ਜਾਂ ਰੰਜਿਸ਼ ਦਾ ਹੈ।