ਜੇ . ਡੀ ਸਰਬੱਤ ਦਾ ਭਲਾ ਟਰੱਸਟ ਵਲੋਂ ਪਿੰਡ ਕਢਿਆਣਾ ਵਿਖੇ ਲਗਾਇਆ ਜੰਗਲ ਮਨਜਿੰਦਰ ਸਿੰਘ ਅਟਵਾਲ ਵਲੋਂ ਦਾਨ ਕੀਤੀ 2 ਕਨਾਲ ਜ਼ਮੀਨ ’ਚ ਲਗਾਏ 550 ਬੂਟੇ

ਆਦਮਪੁਰ, 30 (ਹਰਪ੍ਰੀਤ ਸਿੰਘ)- ਬੀ. ਜੇ.

ਅ

ਅਜੀਤ ਡੈਸਕ 31-08-2026

ਆਦਮਪੁਰ, 30 (ਹਰਪ੍ਰੀਤ ਸਿੰਘ)- ਬੀ.ਜੇ.ਡੀ ਸਰਬੱਤ ਦਾ ਭਲਾ ਟਰੱਸਟ ਸਰਕਲ ਆਦਮਪੁਰ ਵਲੋਂ ਇਲਾਕੇ ਵਿੱਚ ਜੰਗਲ ਲਗਾਉਣ ਦੀ ਵਿੱਢੀ ਗਈ ਵਿਸ਼ੇਸ਼ ਮੁਹਿੰਮ ਤਹਿਤ ਪਿੰਡ ਕਢਿਆਣਾ ਵਿਖੇ ਇੱਕ ਪਰਿਵਾਰ ਵਲੋਂ ਦਾਨ ਕੀਤੀ ਜ਼ਮੀਨ ‘ਤੇ ਨਵਾਂ ਜੰਗਲ ਲਗਾਇਆ ਗਿਆ ਹੈ। ਪ੍ਰਧਾਨ ਪਰਮਿੰਦਰ ਸਿੰਘ ਖੁਰਦਪੁਰ ਨੇ ਦੱਸਿਆ ਕਿ ਉਨ੍ਹਾਂ ਦੀ ਸੰਸਥਾ ਪਿਛਲੇ ਇੱਕ ਦਹਾਕੇ ਤੋਂ ਲਗਾਤਾਰ ਸਮਾਜ ਸੇਵਾ ਦੇ ਕੰਮਾਂ ਵਿੱਚ ਸਰਗਰਮ ਹੈ। ਸੰਸਥਾ ਵਲੋਂ ਲੋੜਵੰਦ ਪਰਿਵਾਰਾਂ ਨੂੰ ਰਾਸ਼ਨ ਪਹੁੰਚਾਉਣ, ਕੁਦਰਤੀ ਆਫ਼ਤਾਂ ਵੇਲੇ ਰਾਹਤ ਸਮੱਗਰੀ ਵੰਡਣ, ਪਾਣੀ ਦੀਆਂ ਟੈਂਕੀਆਂ ਅਤੇ ਫਾਇਰ ਸਿਸਟਮ ਰਾਹੀਂ ਅੱਗਜਨੀ ਦੌਰਾਨ ਸੇਵਾਵਾਂ ਦੇਣ ਤੋਂ ਇਲਾਵਾ ਹਜ਼ਾਰਾਂ ਦੀ ਗਿਣਤੀ ਵਿੱਚ ਬੂਟੇ ਲਗਾਏ ਜਾ ਚੁੱਕੇ ਹਨ। ਉਨ੍ਹਾਂ ਦੱਸਿਆ ਕਿ ਸੰਸਥਾ ਸ਼ੁਰੂਆਤ ਵਿੱਚ ਮੁੱਖ ਤੌਰ ‘ਤੇ ਖੂਨਦਾਨ ਕੈਂਪ ਲਗਾਉਂਦੀ ਸੀ, ਜਿਸ ਤੋਂ ਇਕੱਠਾ ਕੀਤਾ ਖੂਨ ਥੈਲਾਸੀਮੀਆ ਪੀੜਤ ਬੱਚਿਆਂ ਲਈ ਭੇਜਿਆ ਜਾਂਦਾ ਹੈ ਪਰ ਵਿਕਾਸ ਦੇ ਨਾਂ ‘ਤੇ ਹੋ ਰਹੀ ਰੁੱਖਾਂ ਦੀ ਅੰਧਾਧੁੰਦ ਕਟਾਈ ਨੂੰ ਦੇਖਦਿਆਂ ਸੰਸਥਾ ਨੇ ਵਾਤਾਵਰਨ ਸੰਭਾਲ ਲਈ ਹਰਿਆਵਲ ਮੁਹਿੰਮ ਸ਼ੁਰੂ ਕਰਨ ਦਾ ਫੈਸਲਾ ਕੀਤਾ । ਇਸ ਮੁਹਿੰਮ ਤਹਿਤ ਪਿੰਡ ਕਢਿਆਣਾ ਦੇ ਦਾਨੀ ਸੱਜਣ ਮਨਜਿੰਦਰ ਸਿੰਘ ਅਟਵਾਲ ਅਤੇ ਉਨ੍ਹਾਂ ਦੇ ਪਰਿਵਾਰ ਵਲੋਂ ਆਪਣੇ ਸਵਰਗਵਾਸੀ ਪਿਤਾ ਇਕਬਾਲ ਸਿੰਘ ਅਟਵਾਲ ਦੀ ਮਿੱਠੀ ਯਾਦ ਵਿੱਚ 2 ਕਨਾਲ ਜ਼ਮੀਨ ਜੰਗਲ ਲਈ ਦਾਨ ਕੀਤੀ ਗਈ ਹੈ। ਇਸ ਜ਼ਮੀਨ ਵਿੱਚ ਕਰੀਬ 550 ਹਵਾਦਾਰ, ਛਾਂਦਾਰ, ਫਲਦਾਰ ਅਤੇ ਮੈਡੀਕਲ ਗੁਣਾਂ ਵਾਲੇ ਪੌਦੇ ਲਗਾਏ ਗਏ ਹਨ। ਇਸ ਤੋਂ ਪਹਿਲਾਂ ਵੀ ਸੰਸਥਾ ਵੱਲੋਂ ਪਿੰਡ ਚੁਖਿਆਰਾ ਵਿਖੇ 565 ਰੁੱਖਾਂ ਦਾ ਜੰਗਲ ਲਗਾਇਆ ਜਾ ਚੁੱਕਾ ਹੈ। ਟਰੱਸਟ ਨੇ ਐਲਾਨ ਕੀਤਾ ਕਿ ਜੇਕਰ ਕੋਈ ਵੀ ਵਿਅਕਤੀ ਆਪਣੀ ਜ਼ਮੀਨ ਵਿੱਚ ਅਜਿਹਾ ਜੰਗਲ ਲਗਵਾਉਣਾ ਚਾਹੁੰਦਾ ਹੈ ਤਾਂ ਉਹ ਸੰਪਰਕ ਕਰ ਸਕਦਾ ਹੈ, ਬਸ਼ਰਤੇ ਜ਼ਮੀਨ ਮਾਲਕ ਨੂੰ ਭਵਿੱਖ ਵਿੱਚ ਜੰਗਲ ਨਾ ਕੱਟਣ ਦੀ ਸ਼ਰਤ ਮਾਨਣੀ ਪਵੇਗੀ। ਇਸ ਪ੍ਰੋਜੈਕਟ ਵਿੱਚ ਸੰਤ ਬਾਬਾ ਸੇਵਾ ਸਿੰਘ ਖੰਡੂਰ ਸਾਹਿਬ ਵਾਲਿਆਂ ਦਾ ਵਿਸ਼ੇਸ਼ ਸਹਿਯੋਗ ਰਿਹਾ । ਇਸ ਮੌਕੇ ਸਰਪੰਚ ਤੀਰਥ ਕਢਿਆਣਾ, ਮਨਪ੍ਰੀਤ ਰਾਮਨਗਰ, ਮਹੀਰ ਸਿੰਘ, ਸੁੱਖੀ ਨਾਜ਼ਕਾਂ, ਕੁਲਵਿੰਦਰ ਬਾਘਾ, ਜੀਵਨ ਸਿੰਘ, ਮੰਗਾਂ ਬਡਾਲਾ, ਅਵੀ, ਅਸ਼ਵਨੀ ਕਰਵਲ, ਗਗਨਦੀਪ ਪਵਾਰ, ਦਿਲਸ਼ਾਦ ਰਾਮ ਨਗਰ, ਵਰਿੰਦਰ ਸਾਰੋਵਾਦ ਸਮੇਤ ਵੱਡੀ ਗਿਣਤੀ ਵਿੱਚ ਸੰਗਤਾਂ ਹਾਜ਼ਰ ਸਨ।

ਪਿਛਲੀ ਖ਼ਬਰ ਰੈੱਡ ਰੀਬਨ ਮੈਰਾਥਨ ਦੌੜ ਵਿਚ ਮਿੱਠੜਾ ਕਾਲਜ ਦੇ ਵਿਦਿਆਰਥੀ ਨੇ ਪਹਿਲਾ ਸਥਾਨ ਲਿਆ ਅਗਲੀ ਖ਼ਬਰ ਪੁਲਿਸ ਮੁਲਾਜ਼ਮਾਂ ਦੀ ਘਾਟ ਨਾਲ ਜੂਝ ਰਿਹਾ ਜਲੰਧਰ ਦਿਹਾਤੀ ਦਾ ਥਾਣਾ ਮਹਿਤਪੁਰ 111 ਮੁਲਾਜ਼ਮਾਂ ਨਾਲ ਮਨਜ਼ੂਰ ਥਾਣੇ ’ਚ ਦਰਜਨ...

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

Subscribers Only Story

ਸੰਬੰਧਿਤ ਖ਼ਬਰਾਂ