ਕਿ੍ਸਚੀਅਨ ਭਲਾਈ ਬੋਰਡ ਵੈੱਲਫੇਅਰ ਨੇ ਸਤਿੰਦਰ ਨੂੰ ਹਲਕਾ ਭੁਲੱਥ ਦਾ ਚੇਅਰਮੈਨ ਕੀਤਾ ਨਿਯੁਕਤ

ਭੁਲੱਥ, 17 ਅਗਸਤ (ਮੇਹਰ ਚੰਦ ਸਿੱਧੂ)-ਸਬ-ਡਵੀਜ਼ਨ ਕਸਬਾ ਭੁਲੱਥ ਵਿਚ ਕਿ੍ਸਚੀਅਨ ਭਲਾਈ ਬੋਰਡ ਵੈੱਲਫੇਅਰ ਵੱਲੋਂ ਸਤਿੰਦਰ ਨੂੰ ਹਲਕਾ ਭੁਲੱਥ ਦਾ ਚੇਅਰਮੈਨ ਨਿਯੁਕਤ ਕੀਤਾ ਗਿਆ | ਇਸ ਮੌਕੇ ਨਵ-ਨਿਯੁਕਤ ਚੇਅਰਮੈਨ ਸਤਿੰਦਰ ਨੇ ਕਿਹਾ ਕਿ ਉਨ੍ਹਾਂ ਦਾ ਮੁੱਖ ਉਦੇਸ਼ ਮਸੀਹੀ ਭਾਈਚਾਰੇ ਦੇ ਲੋਕਾਂ ਨੂੰ ਪੇਸ਼ ਆ ਰਹੀਆਂ ਮੁਸ਼ਕਲਾਂ ਦਾ ਹੱਲ ਕਰਵਾਉਣਾ, ਮਸੀਹੀ ਭਾਈਚਾਰੇ ਵਿਚ ਏਕਤਾ ਬਣਾਈ ਰੱਖਣਾ ਅਤੇ ਭਾਈਚਾਰੇ ਲਈ ਆਉਣ ਵਾਲੀਆਂ ਸਰਕਾਰੀ ਭਲਾਈ ਸਕੀਮਾਂ ਦਾ ਲਾਭ ਲੋਕਾਂ ਤੱਕ ਪਹੁੰਚਾਉਣਾ ਹੋਵੇਗਾ | ਉਨ੍ਹਾਂ ਕਿਹਾ ਕਿ ਗਰੀਬ ਪਰਿਵਾਰਾਂ ਨੂੰ ਗਰੀਬੀ ਰੇਖਾ ਤੋਂ ਉੱਪਰ ਚੁੱਕਣ ਲਈ ਵੀ ਹਰ ਸੰਭਵ ਯਤਨ ਕੀਤੇ ਜਾਣਗੇ | ਇਸ ਮੌਕੇ ਵਾਈਸ ਪ੍ਰੈਜ਼ੀਡੈਂਟ ਸੁਖਵਿੰਦਰ, ਐਲਡਰ ਸਾਹਿਬ ਮਾਨੂ, ਨਡਾਲਾ ਬ੍ਰਾਂਚ ਦੇ ਪ੍ਰਧਾਨ ਐਡਵਿਨ ਪੋਲ, ਵਾਈਸ ਪ੍ਰਧਾਨ ਬਲਦੇਵ, ਮੁੱਖ ਸੇਵਾਦਾਰ ਹਰਭਜਨ ਸਿੰਘ ਸੋਨੀ, ਬਲਦੇਵ ਰਾਜ ਸਾਹਨੀ, ਬੱਗਾ ਮਸੀਹ, ਸੈਮ ਭੱਟੀ, ਹੈੱਪੀ, ਵਾਰਿਸ, ਮਿਲਨ ਮਸੀਹ, ਵਿਕਰਾਂਤ ਬੇਗੋਵਾਲ ਆਦਿ ਹਾਜ਼ਰ ਸਨ |