ਦੋ ਧਿਰਾਂ ਦੀ ਲੜਾਈ ਵਿਚ ਇਕ ਔਰਤ ਸਮੇਤ ਸੱਤ ਵਿਅਕਤੀ ਜ਼ਖਮੀ ਕੁੱਝ ਸਮਾਂ ਪਏ ਮੀਂਹ ਨਾਲ ਚੱਢਾ ਮਾਰਕੀਟ ਨੇ ਛੱਪੜ ਦਾ ਰੂਪ ਧਾਰਿਆ ਕਈ ਦੁਕਾਨਦਾਰ ਪਾਣੀ ਦੇ ਚਲਦਿਆਂ ਦੁਕਾਨਾਂ ਬੰਦ ਕਰਕੇ ਚਲੇ ਗਏ

ਫਗਵਾੜਾ, 3 ਅਗਸਤ (ਹਰਜੋਤ ਸਿੰਘ ਚਾਨਾ)- ਅੱਜ ਕੁੱਝ ਸਮੇਂ ਪਏ ਮੀਂਹ ਨਾਲ ਚੱਢਾ ਮਾਰਕੀਟ ਪੂਰੀ ਤਰ੍ਹਾਂ ਛੱਪੜ ਦਾ ਰੂਪ ਧਾਰਨ ਕਰ ਗਈ ਜਿਸ ਕਾਰਨ ਦੁਕਾਨਦਾਰਾ ਤੇ ਆਮ ਲੋਕਾਂ ਨੂੰ ਬਹੁਤ ਮੁਸ਼ਕਿਲ ਦਾ ਸਾਹਮਣਾ ਕਰਨਾ ਪਿਆ ਇੱਥੋਂ ਤੱਕ ਕਿ ਪਾਣੀ ਦੀ ਨਿਕਾਸੀ ਨਾ ਹੋਣ ਕਾਰਨ ਕਈ ਦੁਕਾਨਦਾਰ ਤਾਂ ਆਪਣੀਆਂ ਦੁਕਾਨਾਂ ਬੰਦ ਕਰਕੇ ਹੀ ਘਰਾਂ ਨੂੰ ਚਲੇ ਗਏ | ਗੱਲਬਾਤ ਕਰਦਿਆਂ ਚੱਢਾ ਮਾਰਕੀਟ ਦੇ ਦੁਕਾਨਾਂ ਨੇ ਕਿਹਾ ਕਿ ਚੱਢਾ ਮਾਰਕੀਟ ਦਾ ਹਾਲ ਤਾਂ ਇੰਨਾ ਬੁਰਾ ਹੈ ਕਿ ਪਾਣੀ ਦੀ ਨਿਕਾਸੀ ਹੀ ਨਹੀਂ ਹੋ ਰਹੀ ਤੇ ਹੁਣ ਪਿਛਲੇ ਦਿਨੀਂ ਬੰਗਾ ਰੋਡ ਦੀ ਸੜਕ ਬਣਾ ਦਿੱਤੀ ਗਈ ਪਰ ਬੰਦ ਪਏ ਨਾਲਿਆਂ ਵੱਲ ਕਿਸੇ ਨੇ ਵੀ ਧਿਆਨ ਨਹੀਂ ਦਿੱਤਾ ਜਿਸ ਦਾ ਸੰਤਾਪ ਉਹ ਭੋਗ ਰਹੇ ਹਨ | ਉਨ੍ਹਾਂ ਕਿਹਾ ਕਿ ਕਈ ਵਾਰ ਉਹ ਨਗਰ ਨਿਗਮ ਨੂੰ ਲਿਖਤੀ ਵੀ ਦੇ ਚੁੱਕੇ ਹਨ ਤੇ ਕਈ ਅਧਿਕਾਰੀ ਤੇ ਸਿਆਸੀ ਆਗੂ ਵੀ ਮੌਕਾ ਦੇਖ ਚੁੱਕੇ ਹਨ ਪਰ ਕੋਈ ਸੁਣਵਾਈ ਨਹੀਂ ਹੈ | ਉਨ੍ਹਾਂ ਕਿਹਾ ਕਿ ਬੰਗਾ ਰੋਡ ’ਤੇ ਬੰਦ ਪਏ ਨਾਲਿਆਂ ਕਾਰਨ ਇਹ ਸਮੱਸਿਆ ਬਹੁਤ ਵੱਧ ਗਈ ਹੈ ਕਿਉਂਕਿ ਪਾਣੀ ਦੀ ਨਿਕਾਸੀ ਨਹੀਂ ਹੋ ਰਹੀ ਤੇ ਪਿਛਲੇ ਦਿਨੀਂ ਪ੍ਰਸ਼ਾਸਨ ਨੇ ਇਸ ਸਬੰਧੀ ਸਰਗਰਮੀ ਜ਼ਰੂਰ ਦਿਖਾਈ ਸੀ ਪਰ ਉਹ ਕੁੱਝ ਵੀ ਨਹੀਂ ਬਣ ਸਕਿਆ| ਉਨ੍ਹਾਂ ਨਗਰ ਨਿਗਮ ਤੋਂ ਮੰਗ ਕੀਤੀ ਕਿ ਉਨ੍ਹਾਂ ਦੀ ਇਸ ਸਮੱਸਿਆ ਦਾ ਹੱਲ ਕਰਵਾਇਆ ਜਾਵੇ |