ਮਹਿਤਪੁਰ, 11 ਜੁਲਾਈ (ਲਖਵਿੰਦਰ ਸਿੰਘ)-ਸੇਂਟ ਜੂਡਜ਼ ਕਾਨਵੈਂਟ ਸਕੂਲ ਮਹਿਤਪੁਰ ਨੇ ਹਰਿਆਲੀ ਦਿਵਸ ਸਕੂਲ ਦੇ ਵਿਹੜੇ ਵਿੱਚ ਬਹੁਤ ਉਤਸ਼ਾਹ ਅਤੇ ਖੁਸ਼ੀ ਨਾਲ ਮਨਾਇਆ। ਇਸ ਸਮਾਗਮ ਦੀ ਸ਼ੁਰੂਆਤ ਸਵੇਰ ਦੀ ਸਭਾ ਨਾਲ ਹੋਈ ਜੋ ਕਿ ਹਰਿਆਲੀ ਦਿਵਸ ਦੇ ਉੱਪਰ ਅਧਾਰਿਤ ਸੀ ,ਜਿਸਦੇ ਵਿੱਚ ਬੱਚਿਆਂ ਨੇ ਆਪਣੇ ਵਿਚਾਰ ਅਤੇ ਇੱਕ ਐਕਟ ਜਿਸਦੇ ਵਿੱਚ ਇਹ ਸਿੱਖਿਆ ਮਿਲੀ ਕਿ ਸਾਨੂੰ ਵੱਧ ਤੋਂ ਵੱਧ ਰੁੱਖ ਲਗਾਉਣੇ ਚਾਹੀਦੇ ਹਨ ਤੇ ਰੁੱਖਾਂ ਨੂੰ ਪਾਣੀ ਦੇ ਕੇ ਇਹਨਾਂ ਦੀ ਸੰਭਾਲ ਕਰਨੀ ਚਾਹੀਦੀ ਹੈ ਦੇ ਵਿਸ਼ੇ ਨੂੰ ਲਿਆ। ਪ੍ਰਿੰਸੀਪਲ ਫਾਦਰ ਸ਼ਿਬਨ ਦੁਆਰਾ ਵਿਦਿਆਰਥੀਆਂ ਨੂੰ ਦਰੱਖਤਾਂ ਦੀ ਮਹੱਤਤਾ ਬਾਰੇ ਦੱਸਿਆ ਗਿਆ ਅਤੇ ਵੱਧ ਤੋਂ ਵੱਧ ਆਪਣੇ ਆਲੇ ਦੁਆਲੇ ਨੂੰ ਹਰਾ ਬਣਾਉਣ ਲਈ ਕਿਹਾ ਗਿਆ। ਹਰਿਆਲੀ ਦਿਵਸ ਦੇ ਇਸ ਮੌਕੇ ’ਤੇ ਵਿਦਿਆਰਥੀ ਬਹੁਤ ਉਤਸ਼ਾਹ ਦੇ ਨਾਲ ਫਲ ਅਤੇ ਫੁੱਲਦਾਰ ਪੌਦੇ ਆਪਣੇ ਨਾਲ ਲੈ ਕੇ ਜੋ ਸਕੂਲ ਦੀ ਗਰਾਊਂਡ ਦੀਆਂ ਕਿਆਰੀਆਂ ਦੇ ਵਿੱਚ ਹਾਊਸ ਪ੍ਰਿੰਸੀਪਲ ਫਾਦਰ ਸਿਬਿਨ ਅਤੇ ਹਾਊਸ ਇੰਚਾਰਜ ਅਧਿਆਪਕਾਂ ਦੇ ਨਾਲ ਲਗਾਏ। ਇਸਦੇ ਨਾਲ ਹੀ ਸਾਰੇ ਵਿਦਿਆਰਥੀਆਂ ਨੇ ਇਹਨਾਂ ਪੌਦਿਆਂ ਨੂੰ ਹਰੇ ਭਰੇ ਰੱਖਣ ਦੀ ਜਿੰਮੇਵਾਰੀ ਉਠਾਈ। ਪ੍ਰੀ -ਪ੍ਰਾਈਮਰੀ ਦੇ ਵਿਦਿਆਰਥੀਆਂ ਦੁਆਰਾ ਅਲੱਗ ਅਲੱਗ ਫਲਾਂ ਅਤੇ ਸਬਜ਼ੀਆਂ ਦਾ ਰੂਪ ਧਾਰਨ ਕਰਕੇ ਇਹਨਾਂ ਦੀਆ ਵਿਸ਼ੇਸ਼ਤਾਵਾਂ ਬਾਰੇ ਦੱਸਿਆ ਗਿਆ।
