ਨਡਾਲਾ, 21 ਜਨਵਰੀ (ਰਘਬਿੰਦਰ ਸਿੰਘ)- ਨਡਾਲਾ ਵਿਖੇ ਪ੍ਰਵਾਸੀ ਮਜ਼ਦੂਰ ਬਿਕਰਮ ਕੁਮਾਰ ਨੇ ਇਮਾਨਦਾਰੀ ਦੀ ਸ਼ਾਨਦਾਰ ਮਿਸਾਲ ਪੇਸ਼ ਕਰਦੇ ਹੋਏ ਇਕ ਲੱਭਿਆ ਹੋਇਆ ਪਰਸ ਉਸ ਦੇ ਅਸਲ ਮਾਲਕ ਸੁਰਜੀਤ ਸਿੰਘ ਵਾਸੀ ਟਾਂਡੀ ਦਾਖਲੀ ਤੱਕ ਸੁਰੱਖਿਅਤ ਤਰੀਕੇ ਨਾਲ ਪਹੁੰਚਾਇਆ | ਗੱਲਬਾਤ ਕਰਦਿਆਂ ਠੇਕੇਦਾਰ ਵਿਨੋਦ ਕੁਮਾਰ ਨੇ ਦੱਸਿਆ ਕਿ ਪ੍ਰਵਾਸੀ ਮਜ਼ਦੂਰ ਵਿਕਰਮ ਕੁਮਾਰ ਨੂੰ ਇੱਕ ਕਾਲੇ ਰੰਗ ਦਾ ਪਰਸ ਢਿਲਵਾਂ ਰੋਡ ਖਾਨ ਕਲੀਨਿਕ ਵਾਲੀ ਕਲੋਨੀ 'ਚੋਂ ਡਿੱਗਿਆ ਹੋਇਆ ਮਿਲਿਆ, ਜਿਸ ਵਿਚ ਕਰੀਬ ਪੰਜ ਹਜ਼ਾਰ ਨਗਦ ਰਾਸ਼ੀ ਤੇ ਜ਼ਰੂਰੀ ਦਸਤਾਵੇਜ਼ ਮੌਜੂਦ ਸਨ ਤਾਂ ਦਸਤਾਵੇਜ਼ ਦੇ ਆਧਾਰ ਤੇ ਉਕਤ ਪਰਸ ਦੇ ਮਾਲਕ ਤੱਕ ਸੰਪਰਕ ਕਰਕੇ ਪਰਸ ਉਨ੍ਹਾਂ ਦੇ ਹਵਾਲੇ ਕਰ ਦਿੱਤਾ |
