ਗਡਾਊਨ ਦੀ ਭੰਨ-ਤੋੜ ਕਰਨ ਵਾਲਿਆਂ ਵਿਰੁੱਧ ਮਾਮਲਾ ਦਰਜ

ਅ

ਅਜੀਤ ਡੈਸਕ 09-10-2026

ਕੋਟਕਪੂਰਾ , 8 ਅਕਤੂਬਰ ( ਮੋਹਰ ਸਿੰਘ ਗਿੱਲ )- ਕਰਨ ਕੁਮਾਰ ਕਟਾਰੀਆ ਪੁੱਤਰ ਹਰੀਸ਼ ਕਟਾਰੀਆ ਵਾਸੀ ਜੌੜੀਆਂ ਚੱਕੀਆਂ ਕੋਟਕਪੂਰਾ ਨੇ ਸ਼ਹਿਰੀ ਪੁਲਿਸ ਕੋਟਕਪੂਰਾ ਨੂੰ ਬਿਆਨ ਦੇ ਕੇ ਦੱਸਿਆ ਕਿ ਉਸ ਦੀ ਬਠਿੰਡਾ ਰੋਡ ’ ਤੇ ਮੋਬਾਈਲ ਦੀ ਦੁਕਾਨ ਹੈ ਅਤੇ ਤਿੰਨਕੋਣੀ ’ ਤੇ ਹੀ ਦਾ ਗਡਾਊਨ ਹੈ । ਮਿਤੀ 05.10.2026 ਨੂੰ ਮੁਦਈ ਦੁਕਾਨ ਅਤੇ ਗਡਾਊਨ ਬੰਦ ਕਰਕੇ ਘਰ ਜਾ ਕੇ ਸੌਂ ਗਿਆ । ਜਦ ਮੁਦਈ ਨੇ ਰਾਤ ਨੂੰ ਵਕਤ ਕਰੀਬ 02.40 ’ ਤੇ ਆਪਣੇ ਮੋਬਾਇਲ ’ ਤੇ ਦੁਕਾਨ ਅਤੇ ਗਡਾਊਨ ਦੇ ਕੈਮਰੇ ਚੈਕ ਕੀਤੇ ਤਾਂ ਉਸ ਨੇ ਵੇਖਿਆ ਕਿ ਵਕਤ ਕਰੀਬ 01.30 ਏ . ਐਮ ਨੂੰ ਕੁਝ ਵਿਅਕਤੀਆਂ ਨੇ ਮੁਦਈ ਦੇ ਗਡਾਊਨ ਦਾ ਤਾਲਾ ਤੋੜ ਕੇ ਗਡਾਊਨ ਦੀ ਕਾਫੀ ਭੰਨ ਤੋੜ ਕੀਤੀ । ਜਦ ਮੁਦਈ ਕੈਮਰੇ ਵੇਖ ਕੇ ਆਪਣੇ ਸਾਥੀ ਨੂੰ ਨਾਲ ਲੈ ਕੇ ਗਡਾਊਨ ’ ਤੇ ਆ ਰਿਹਾ ਸੀ ਤਾਂ ਉਨ੍ਹਾਂ ਨੇ ਮੁਦਈ ਨੂੰ ਕਥਿਤ ਮਾਰ ਦੇਣ ਦੀ ਨੀਅਤ ਨਾਲ ਫ਼ਾਇਰ ਕੀਤਾ । ਮੁਦਈ ਨੇ ਲੁਕ ਕੇ ਆਪਣੀ ਜਾਨ ਬਚਾਈ । ਮੁਦਈ ਦੇ ਗਡਾਊਨ ਦੇ ਬੈਕਸਾਈਡ ’ ਤੇ ਇਕ ਹੋਰ ਵਿਅਕਤੀ ਦਾ ਘਰ ਹੈ । ਜਿਸ ਨੇ ਵੀ ਦੱਸਿਆ ਕਿ ਜਦ ਉਹ ਵੀ ਬਾਹਰ ਨਿਕਲ ਕੇ ਦੇਖਣ ਲੱਗਾ ਤਾਂ ਉਕਤਾਨ ਵਿਅਕਤੀਆਂ ਨੇ ਉਸ ’ ਤੇ ਵੀ ਫਾਇਰ ਕੀਤਾ । ਉਸ ਨੇ ਘਰ ਵੜ ਕੇ ਜਾਨ ਬਚਾਈ । ਫਿਰ ਥਾਣੇ ਦੀ ਸਰਕਾਰੀ ਗੱਡੀ ਆਉਣ ’ ਤੇ ਸਾਰੇ ਜਣੇ ਮੌਕਾ ਤੋਂ ਭੱਜ ਗਏ । ਇਸ ਸਬੰਧ ’ ਚ ਸ਼ਹਿਰੀ ਥਾਣਾ ਕੋਟਕਪੂਰਾ ਦੀ ਪੁਲਿਸ ਨੇ 6 ਵਿਅਕਤੀਆਂ ਅਤੇ 10-12 ਨਾਮਾਲੂਮ ਵਿਅਕਤੀਆਂ ਵਿਰੁੱਧ ਮਾਮਲਾ ਦਰਜ ਕਰਕੇ ਪੜਤਾਲ ਆਰੰਭ ਕਰ ਦਿੱਤੀ ਹੈ ।

ਪਿਛਲੀ ਖ਼ਬਰ ਜ਼ਿਲ੍ਹਾ ਪੱਧਰੀ ਮੁਕਾਬਲਿਆਂ ’ਚ ਦਸਮੇਸ਼ ਪਬਲਿਕ ਸਕੂਲ ਦੇ ਵਿਦਿਆਰਥੀ ਛਾਏ ਅਗਲੀ ਖ਼ਬਰ ਵੋਟ ਚੋਰੀ ਤੇ ਐਸ. ਆਈ. ਆਰ. ਖ਼ਿਲਾਫ਼ ਕਾਂਗਰਸ ਵਲੋਂ ਮਲੋਟ ’ਚ ਰੋਸ ਮਾਰਚ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

ਗਡਾਊਨ ਦੀ ਭੰਨ-ਤੋੜ ਕਰਨ ਵਾਲਿਆਂ ਵਿਰੁੱਧ ਮਾਮਲਾ ਦਰਜ

Subscribers Only Story

ਸੰਬੰਧਿਤ ਖ਼ਬਰਾਂ