ਆਦਮਪੁਰ, 16 ਅਪ੍ਰੈਲ ( ਹਰਪ੍ਰੀਤ ਸਿੰਘ)- ਡਾ. ਭੀਮ ਰਾਓ ਅੰਬੇਡਕਰ ਦੇ ਜਨਮ ਦਿਨ ਨੂੰ ਸਮਰਪਿਤ ਵਿਸ਼ਾਲ ਚੇਤਨਾ ਮਾਰਚ ਪਿੰਡ ਚੁਖਿਆਰਾ ਤੋਂ ਸ਼ੁਰੂ ਹੋਇਆ, ਜਿਸ ਨੂੰ ਐਡਵੋਕੇਟ ਬਲਵਿੰਦਰ ਕੁਮਾਰ ਇੰਜੀਨੀਅਰ ਜਸਵੰਤ ਰਾਏ ਸਾਬਕਾ ਵਿਧਾਇਕ ਰਜਿੰਦਰ ਕੁਮਾਰ ਵਲੋਂ ਝੰਡੀ ਦਿਖਾ ਕੇ ਰਵਾਨਾ ਕੀਤਾ ਗਿਆ | ਚੇਤਨਾ ਮਾਰਚ ਪਿੰਡ ਘੁੜਿਆਲ ਮਾਣਕੋ, ਮਸਾਣੀਆਂ, ਕਠਾਰ, ਬਹੋਦੀਪੁਰ, ਸ਼ਾਮਚੁਰਾਸੀ ਤੋਂ ਕਠਾਰ, ਕੂਪੁਰ, ਢੇਰਪੁਰ, ਖੁਰਦਪੁਰ ਰਾਮਨਗਰ ਸਮੇਤ ਹੋਰ ਪਿੰਡਾਂ 'ਚੋਂ ਲੰਘਦਾ ਪਿੰਡ ਚੁਖਿਆਰਾ ਵਿਖੇ ਸਮਾਪਤ ਹੋਇਆ | ਚੇਤਨਾ ਮਾਰਚ ਵਿੱਚ ਵੱਡੀ ਗਿਣਤੀ 'ਚ ਨੌਜਵਾਨ ਸਾਥੀ, ਬੀਬੀਆਂ, ਗੱਡੀਆਂ ਮੋਟਰਸਾਈਕਲਾਂ ਰਾਹੀਂ ਸ਼ਾਮਿਲ ਹੋਏ ਅਤੇ ਸਾਰੇ ਹੀ ਪਿੰਡਾਂ ਵਿੱਚ ਚੇਤਨਾ ਮਾਰਚ ਦਾ ਭਰਵਾਂ ਸਵਾਗਤ ਕੀਤਾ ਗਿਆ |
