16-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 06-04-2026

ਕੋਟਲਾ ਰੋਡ ਦੀ ਲੰਬੇ ਸਮੇਂ ਤੋਂ ਹਾਲਤ ਖ਼ਰਾਬ ਹੋਣ ਕਰਕੇ ਕਈ ਸਨਅਤਕਾਰਾਂ 'ਚ ਰੋਸ

ਅਜੀਤ ਡੈਸਕ 06-04-2026
ਜਲੰਧਰ, 5 ਅਪ੍ਰੈਲ (ਸ਼ਿਵ)-ਸ਼ਹਿਰ ਦੇ ਕਈ ਇਲਾਕਿਆਂ 'ਚ ਅਜੇ ਵੀ ਟੁੱਟੀਆਂ ਸੜਕਾਂ ਹਨ ਪਰ ਸਨਅਤੀ ਖੇਤਰ ਦੀਆਂ ਕਈ ਸੜਕਾਂ ਦੇ ਖ਼ਰਾਬ ਹੋਣ ਕਰਕੇ ਲੋਕਾਂ ਨੂੰ ਕਾਫ਼ੀ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ | ਲੰਬਾ ਪਿੰਡ ਚੌਕ ਤੋਂ ਕੋਟਲਾ ਰੋਡ 'ਤੇ ਕਈ ਫ਼ੈਕਟਰੀਆਂ ਹਨ | ਕਾਰੋਬਾਰੀਆਂ ਦਾ ਕਹਿਣਾ ਸੀ ਕਿ ਲੰਬੇ ਸਮੇਂ ਤੋਂ ਇਸ ਸੜਕ ਨੂੰ ਨਹੀਂ ਬਣਾਇਆ ਗਿਆ ਹੈ | ਸਨਅਤਕਾਰ ਅਸ਼ਵਨੀ ਸਖੂਜਾ ਤੇ ਰਮਨ ਸਖੂਜਾ ਨੇ ਜਾਣਕਾਰੀ ਦਿੰਦੇ ਹੋਏ ਕਿਹਾ ਕਿ ਕੰਮ ਲਈ ਕਈ ਬਾਰ ਬਾਹਰੋਂ ਵੀ ਵਪਾਰੀ ਆਉਂਦੇ ਹਨ ਤੇ ਉਨ੍ਹਾਂ ਦੀਆਂ ਗੱਡੀਆਂ ਤੋਂ ਇਲਾਵਾ ਸਾਮਾਨ ਲੈ ਕੇ ਜਾਣ ਤੇ ਲਿਆਉਣ ਵਾਲੀਆਂ ਗੱਡੀਆਂ ਦੇ ਟੁੱਟੀਆਂ ਸੜਕਾਂ ਹੋਣ ਕਰਕੇ ਕਾਫ਼ੀ ਨੁਕਸਾਨ ਹੁੰਦਾ ਹੈ | ਉਨ੍ਹਾਂ ਮੰਗ ਕੀਤੀ ਕਿ ਸਨਅਤੀ ਖੇਤਰ ਵਲੋਂ ਹਰ ਸਾਲ ਕਰੋੜਾਂ ਰੁਪਏ ਦੇ ਟੈਕਸਾਂ ਦੀ ਅਦਾਇਗੀ ਕੀਤੀ ਜਾਂਦੀ ਹੈ ਪਰ ਉਨ੍ਹਾਂ ਨੂੰ ਸਹੂਲਤਾਂ ਵੀ ਦੇਣੀਆਂ ਚਾਹੀਦੀਆਂ ਹਨ | ਇਸ ਰਸਤੇ ਕਈ ਬਾਰ ਹਾਦਸੇ ਹੋ ਚੁੱਕੇ ਹਨ | ਓਧਰ ਕਈ ਲੋਕਾਂ ਦਾ ਕਹਿਣਾ ਸੀ ਕਿ ਆਦਮਪੁਰ ਤੋਂ ਪਾਈਪਾਂ ਰਾਹੀਂ ਪਾਣੀ ਲਿਆ ਕੇ ਸ਼ਹਿਰੀਆਂ ਨੂੰ ਸਪਲਾਈ ਕਰਨ ਵਾਲਾ ਜਿਹੜਾ ਕਰੀਬ 825 ਕਰੋੜ ਦਾ ਸਤਹੀ ਜਲ ਪ੍ਰਾਜੈਕਟ ਹੈ | ਉਸ ਦੇ ਤਹਿਤ ਸ਼ਹਿਰ 'ਚ ਪਾਈਪਾਂ ਪਾਉਣ ਲਈ ਕਈ ਸੜਕਾਂ ਤੋੜੀਆਂ ਜਾਂਦੀਆਂ ਹਨ ਪਰ ਉਨ੍ਹਾਂ ਨੂੰ ਜਲਦੀ ਨਹੀਂ ਬਣਾਇਆ ਜਾਂਦਾ ਹੈ | ਟੁੱਟੀਆਂ ਸੜਕਾਂ ਕਰਕੇ ਲੋਕ ਸਾਲੋ-ਸਾਲ ਪ੍ਰੇਸ਼ਾਨ ਰਹਿੰਦੇ ਹਨ | ਜੀ. ਟੀ. ਬੀ. ਨਗਰ ਤੋਂ ਇਲਾਵਾ ਪਹਿਲਾਂ ਕਪੂਰਥਲਾ ਰੋਡ ਤੇ ਨਕੋਦਰ ਰੋਡ ਦੀਆਂ ਟੁੱਟੀਆਂ ਸੜਕਾਂ ਹੋਣ ਕਰਕੇ ਲੋਕਾਂ ਨੂੰ ਕਾਫ਼ੀ ਪੇ੍ਰਸ਼ਾਨੀ ਦਾ ਸਾਹਮਣਾ ਕਰਨਾ ਪੈਂਦਾ ਹੈ | ਇਸੇ ਤਰ੍ਹਾਂ ਨਾਲ ਹੁਣ ਪਠਾਨਕੋਟ ਚੌਕ ਤੋਂ ਲੈ ਕੇ ਬੇਅੰਤ ਸਿੰਘ ਪਾਰਕ ਦੇ ਅੰਡਰ ਗਰਾਊਾਡ ਵਾਟਰ ਟੈਂਕ ਤੱਕ ਪਾਈਪ ਪਾਉਣ ਦਾ ਕੰਮ ਚੱਲ ਰਿਹਾ ਹੈ | ਇਹ ਪਾਈਪ ਟਰਾਂਸਪੋਰਟ ਨਗਰ ਤੱਕ ਪੈ ਚੁੱਕਾ ਹੈ | ਲੋਕਾਂ ਦਾ ਕਹਿਣਾ ਸੀ ਕਿ ਇਸ ਥਾਂ 'ਤੇ ਪਾਈਪ ਪਾਏ ਨੂੰ ਕਾਫ਼ੀ ਸਮਾਂ ਹੋ ਗਿਆ ਹੈ | ਇਸ ਸੜਕ 'ਤੇ ਕਾਫ਼ੀ ਟ੍ਰੈਫਿਕ ਹੁੰਦਾ ਹੈ ਤੇ ਲੋਕਾਂ ਨੂੰ ਟੁੱਟੀ ਸੜਕ ਹੋਣ ਕਰਕੇ ਕਾਫ਼ੀ ਪੇ੍ਰਸ਼ਾਨੀ ਦਾ ਸਾਹਮਣਾ ਕਰਨਾ ਪੈਂਦਾ ਹੈ | ਨੈਸ਼ਨਲ ਹਾਈਵੇ ਅਥਾਰਿਟੀ ਆਫ਼ ਇੰਡੀਆ ਨੂੰ ਇਸ ਖ਼ਰਾਬ ਹੋਈ ਸੜਕ ਦੇ ਹਿੱਸੇ 'ਤੇ ਚਾਹੇ ਅਸਥਾਈ ਤੌਰ 'ਤੇ ਹੀ ਸੜਕ ਬਣਾਉਣੀ ਚਾਹੀਦੀ ਹੈ ਕਿਉਂਕਿ ਟਰਾਂਸਪੋਰਟ ਨਗਰ ਤੋਂ ਆਉਂਦੇ ਲੋਕਾਂ ਨੂੰ ਪਠਾਨਕੋਟ ਚੌਕ ਵੱਲ ਜਾਣਾ ਪੈਂਦਾ ਹੈ ਤਾਂ ਇਸ ਕਰਕੇ ਇਸ ਜਗਾ 'ਤੇ ਟ੍ਰੈਫਿਕ ਕਾਫ਼ੀ ਹੁੰਦਾ ਹੈ |
ਡਾ. ਅੰਬੇਡਕਰ ਚੌਕ ਦੇ ਕੋਲ ਪੂਰੀ ਨਹੀਂ ਬਣਾਈ ਸੜਕ
ਡਾ. ਭੀਮ ਰਾਓ ਅੰਬੇਡਕਰ (ਨਕੋਦਰ ਚੌਕ) ਤੋਂ ਲੈ ਕੇ ਫੁੱਟਬਾਲ ਚੌਕ ਵੱਲ ਸਰਫੇਸ ਵਾਟਰ ਪ੍ਰਾਜੈਕਟ ਦੀਆਂ ਜਿਹੜੀਆਂ ਪਾਈਪਾਂ ਪਾਈਆਂ ਗਈਆਂ ਸੀ | ਉਸ ਤੋਂ ਬਾਅਦ ਨਿਗਮ ਨੇ ਲੰਬੇ ਸਮੇਂ ਬਾਅਦ ਸੜਕ ਤਾਂ ਬਣਾ ਦਿੱਤੀ ਹੈ ਪਰ ਚੌਕ ਦੇ ਨਾਲ ਹੀ ਕੁਝ ਹਿੱਸਾ ਛੱਡ ਦਿੱਤਾ ਗਿਆ ਹੈ ਜਿਸ 'ਤੇ ਕਈ ਬਾਰ ਲੰਘਣ ਵਾਲਿਆਂ ਨੂੰ ਹਾਦਸਾ ਹੋਣ ਦੀ ਸ਼ੰਕਾ ਬਣੀ ਰਹਿੰਦੀ ਹੈ | ਲੋਕਾਂ ਦਾ ਕਹਿਣਾ ਸੀ ਕਿ ਇਸ ਹਿੱਸੇ ਦੇ ਨਾ ਬਣਨ ਕਰਕੇ ਪਾਣੀ ਭਰਿਆ ਰਹਿੰਦਾ ਹੈ ਤੇ ਲੋਕਾਂ ਨੂੰ ਇਸ ਜਗ੍ਹਾ 'ਤੇ ਕੋਈ ਹਾਦਸੇ ਦਾ ਸ਼ਿਕਾਰ ਹੋਣਾ ਪੈ ਸਕਦਾ ਹੈ | ਲੋਕਾਂ ਨੇ ਮੇਅਰ ਵਨੀਤ ਧੀਰ ਤੋਂ ਮੰਗ ਕੀਤੀ ਹੈ ਕਿ ਇਸ ਸੜਕ ਦੇ ਰਹਿ ਗਏ ਹਿੱਸੇ ਨੂੰ ਬਣਾਉਣ ਲਈ ਠੇਕੇਦਾਰ ਨੂੰ ਹਦਾਇਤ ਦੇਣੀ ਚਾਹੀਦੀ ਹੈ |
ਪਿਛਲੀ ਖ਼ਬਰ • ਸਾਰਾ ਦਿਨ ਸੜਕਾਂ 'ਤੇ ਖੜ੍ਹੀਆਂ ਰਹਿੰਦੀਆਂ ਗੱਡੀਆਂ ਨੂੰ ਨਹੀਂ ਕੀਤਾ ਜਾਂਦਾ ਟੋਅ • ਸੜਕਾਂ ਤੋਂ ਕਬਜ਼ੇ ਨਾ ਹਟਾਉਣ ਕ... ਅਗਲੀ ਖ਼ਬਰ ਨਸ਼ੇ ਦਾ ਸੇਵਨ ਕਰਦੇ 2 ਵਿਅਕਤੀਆਂ ਨੂੰ ਕੀਤਾ ਕਾਬੂ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।