ਜਲੰਧਰ, 23 ਜਨਵਰੀ (ਸ਼ੈਲੀ)- ਵੀਰਵਾਰ ਦੇਰ ਰਾਤ ਚੋਰਾਂ ਨੇ ਜਲੰਧਰ ਦੀ ਲਾਡੋਵਾਲੀ ਰੋਡ 'ਤੇ ਸਥਿਤ ਪ੍ਰੀਤ ਨਗਰ ਵਿਚ ਇੱਕ ਮਨਿਆਰੀ ਦੀ ਦੁਕਾਨ ਨੂੰ ਨਿਸ਼ਾਨਾ ਬਣਾਉਂਦੇ ਹੋਏ ਸ਼ਟਰ ਦੇ ਤਾਲੇ ਤੋੜ ਕੇ ਅੰਦਰੋਂ ਹਜ਼ਾਰਾਂ ਰੁਪਏ ਤੇ ਇਕ ਚਾਂਦੀ ਦਾ ਕੜਾ ਚੋਰੀ ਕਰ ਲਿਆ | ਇਹ ਘਟਨਾ ਉਦੋਂ ਸਾਹਮਣੇ ਆਈ ਜਦੋਂ ਦੁਕਾਨ ਮਾਲਕ ਦਾ ਬੇਟਾ ਸਵੇਰੇ 9 ਵਜੇ ਦੁਕਾਨ ਖੋਲ੍ਹਣ ਆਇਆ ਤੇ ਸ਼ਟਰ ਦੇ ਇੱਕ ਪਾਸੇ ਦੇ ਤਾਲੇ ਟੁੱਟੇ ਹੋਏ ਪਾਏ | ਦੁਕਾਨ ਮਾਲਕ ਮਨਮੋਹਨ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਦੀ ਪ੍ਰੀਤ ਨਗਰ, ਗਲੀ ਨੰਬਰ 2 'ਚ ਮੁਨਿਆਰੀ ਦੀ ਦੁਕਾਨ ਹੈ | ਉਨ੍ਹਾਂ ਦੀ ਦੁਕਾਨ 'ਚ ਨੋਟਾਂ ਵਾਲੇ ਹਾਰ ਵੀ ਹੁੰਦੇ ਹਨ | ਉਨ੍ਹਾਂ ਦੀ ਦੁਕਾਨ ਦੇ ਦੋਵੇਂ ਪਾਸੇ ਸ਼ਟਰ ਹਨ | ਉਨ੍ਹਾਂ ਦੱਸਿਆ ਕਿ ਅੱਜ ਸਵੇਰੇ 9 ਵਜੇ ਜਦੋਂ ਉਨ੍ਹਾਂ ਦਾ ਬੇਟਾ ਦੁਕਾਨ ਖੋਲ੍ਹਣ ਆਇਆ ਤਾਂ ਉਸ ਨੇ ਦੇਖਿਆ ਕਿ ਇਕ ਸ਼ਟਰ ਦੇ ੇ ਤਾਲੇ ਟੁੱਟੇ ਹੋਏ ਸਨ | ਜਦੋਂ ਉਹ ਅੰਦਰ ਗਿਆ ਤਾਂ ਦੇਖਿਆ ਕਿ ਅੰਦਰ ਚੋਰੀ ਹੋਈ ਹੈ | ਦੁਕਾਨ ਮਾਲਕ ਮਨਮੋਹਨ ਸਿੰਘ ਨੇ ਕਿਹਾ ਕਿ ਸੂਚਨਾ ਮਿਲਣ 'ਤੇ ਉਹ ਵੀ ਮੌਕੇ 'ਤੇ ਪਹੁੰਚੇ ਤੇ ਦੇਖਿਆ ਕਿ ਦੁਕਾਨ ਤੋਂ ਲਗਭਗ 50,000 ਰੁਪਏ ਤੇ ਇੱਕ 6 ਤੋਲੇ ਚਾਂਦੀ ਦਾ ਕੜਾ ਚੋਰੀ ਹੋ ਗਿਆ ਸੀ | ਇਸ ੇਂਬੰਧੀ ਥਾਣਾ ਬਾਰਾਂਦਰੀ ਦੀ ਪੁਲਿਸ ਨੂੰ ਸੂਚਨਾ ਦਿੱਤੀ ਗਈ ਹੈ | ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ |
