ਆਲ ਇੰਡੀਆ ਅਗਰਵਾਲ ਸੰਮੇਲਨ ਦੌਰਾਨ ਡਾਂਡੀਆ ਨਾਈਟ ਕਰਵਾਈ

ਅ

ਅਜੀਤ ਡੈਸਕ 19-10-2026

ਸਿਰਸਾ, 18 ਅਕਤੂਬਰ (ਭੁਪਿੰਦਰ ਪੰਨੀਵਾਲੀਆ)- ਆਲ ਇੰਡੀਆ ਅਗਰਵਾਲ ਸੰਮੇਲਨ ਦੀ ਅਗਵਾਈ ਹੇਠ ਕਰਵਾਈ ‘ਡਾਂਡੀਆ ਨਾਈਟ’ ਸਮਾਗਮ ਵਿੱਚ ਸਿਰਸਾ ਵਾਸੀਆਂ ਦਾ ਉਤਸ਼ਾਹ ਅਤੇ ਖੁਸ਼ੀ ਆਪਣੇ ਸਿਖਰ ‘ਤੇ ਸੀ। ਨਵਰਾਤਰੀ ਦੇ ਸ਼ੁਭ ਮੌਕੇ ‘ਤੇ ਇਸ ਸ਼ਾਨਦਾਰ ਸਮਾਗਮ ਵਿੱਚ ਅਗਰਵਾਲ ਭਰਾਵਾਂ ਤੇ ਸ਼ਹਿਰ ਦੇ ਆਮ ਨਾਗਰਿਕਾਂ ਨੇ ਡਾਂਡੀਆ ਤੇ ਗਰਬਾ ਦੀਆਂ ਤਾਲਾਂ ‘ਤੇ ਆਨੰਦ ਮਾਣਿਆ। ਪ੍ਰਧਾਨ ਗੌਰਵ ਗੋਇਲ ਨੇ ਦੱਸਿਆ ਕਿ ਭਾਜਪਾ ਆਗੂ ਮਨੀਸ਼ ਸਿੰਗਲਾ, ਪ੍ਰਦੀਪ ਰਤੂਸਾਰੀਆ ਤੇ ਨਵੀਨ ਕੇਡੀਆ ਇਸ ਸਮਾਗਮ ਵਿੱਚ ਮੌਜੂਦ ਸਨ। ਉਨ੍ਹਾਂ ਅੱਗੇ ਕਿਹਾ ਕਿ ਸਮਾਗਮ ਦੀ ਸ਼ੁਰੂਆਤ ਮਹਾਰਾਜਾ ਅਗਰਸੇਨ ਤੇ ਦੇਵੀ ਦੁਰਗਾ ਦੀਆਂ ਮੂਰਤੀਆਂ ਦੇ ਸਾਹਮਣੇ ਦੀਵੇ ਜਗਾਉਣ ਤੇ ਇੱਕ ਵਿਸ਼ਾਲ ਆਰਤੀ ਨਾਲ ਹੋਈ। ਮੁੱਖ ਮਹਿਮਾਨ ਮਨੀਸ਼ ਸਿੰਗਲਾ ਨੇ ਆਪਣੇ ਸੰਬੋਧਨ ਵਿੱਚ ਕਿਹਾ ਕਿ ਅਜਿਹੇ ਸਮਾਗਮ ਸਮਾਜ ਵਿੱਚ ਏਕਤਾ, ਆਪਸੀ ਭਾਈਚਾਰਾ ਤੇ ਸੱਭਿਆਚਾਰਕ ਖੁਸ਼ਹਾਲੀ ਨੂੰ ਉਤਸ਼ਾਹਿਤ ਕਰਦੇ ਹਨ। ਉਨ੍ਹਾਂ ਅੱਗੇ ਕਿਹਾ ਕਿ ਅੱਜ ਦੇ ਆਧੁਨਿਕ ਯੁੱਗ ਵਿੱਚ ਜਦੋਂ ਲੋਕ ਆਪਣੀਆਂ ਜੜ੍ਹਾਂ ਤੋਂ ਦੂਰ ਹੋ ਰਹੇ ਹਨ, ਅਜਿਹੇ ਸਮਾਗਮ ਸਾਨੂੰ ਸਾਡੀ ਸੰਸਕ੍ਰਿਤੀ ਨਾਲ ਜੋੜਨ ਤੇ ਆਪਸੀ ਸਬੰਧਾਂ ਨੂੰ ਮਜ਼ਬੂਤ ਕਰਨ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦੇ ਹਨ। ਨਿਸ਼ੂਰਾਜ ਰਿਜ਼ੋਰਟ ਵਿਖੇ ਸ਼ਾਨਦਾਰ ਡਾਂਡੀਆ ਪ੍ਰੋਗਰਾਮ ਦੌਰਾਨ ਅਸਮਾਨ ਤੋਂ ਡਰੋਨਾਂ ਨੇ ਫੁੱਲਾਂ ਦੀ ਵਰਖਾ ਕੀਤੀ। ਸ਼ਾਮ ਨੂੰ ਹੋਰ ਵੀ ਖਾਸ ਬਣਾਉਣ ਲਈ, ਗੁਜਰਾਤ ਦੀ ਇੱਕ ਪੇਸ਼ੇਵਰ ਡਾਂਡੀਆ ਟੀਮ ਤੇ ਪ੍ਰਸਿੱਧ ਗਾਇਕਾ ਪਲਕ ਓਬਰਾਏ ਨੇ ਆਪਣੇ ਲਾਈਵ ਪ੍ਰਫਾਰਮੈਂਸ ਨਾਲ ਦਰਸ਼ਕਾਂ ਨੂੰ ਮੰਤਰਮੁਗਧ ਕੀਤਾ। ਦਿੱਲੀ ਤੋਂ ਆਈ ਡੀ.ਜੇ. ਸ਼ੀਨਾ ਨੇ ਦਰਸ਼ਕਾਂ ਨੂੰ ਮੰਤਰਮੁਗਧ ਕੀਤਾ। ਐਂਕਰ ਯਮਸ਼ਾ ਪਰਵਾਨ ਤੇ ਹਰਸ਼, ਜੋ ਕਿ ਦਿੱਲੀ ਤੋਂ ਵੀ ਆਏ ਸਨ, ਨੇ ਸਟੇਜ ਤੋਂ ਦਰਸ਼ਕਾਂ ਨੂੰ ਮੋਹਿਤ ਰੱਖਿਆ।

ਪਿਛਲੀ ਖ਼ਬਰ ਸੂਬੇ ’ਚ ਕਾਨੂੰਨ ਦਾ ਰਾਜ ਨਹੀਂ ਬਲਕਿ ਹਰ ਪਾਸੇ ਜੰਗਲ ਰਾਜ ਹੈ- ਸਾਬਕਾ ਵਿਧਾਇਕ ਕੰਬੋਜ ਅਗਲੀ ਖ਼ਬਰ ਖੇਤੀਬਾੜੀ ਮੰਤਰੀ ਵਲੋਂ ਡੱਬਵਾਲੀ ਮੰਡੀ ਦਾ ਦੌਰਾ, ਭਿੱਜੇ ਝੋਨੇ ਦੀ ਭਰਾਈ ਦਾ ਮੁੱਦਾ ਉੱਠਿਆ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

ਆਲ ਇੰਡੀਆ ਅਗਰਵਾਲ ਸੰਮੇਲਨ ਦੌਰਾਨ ਡਾਂਡੀਆ ਨਾਈਟ ਕਰਵਾਈ

Subscribers Only Story

ਸੰਬੰਧਿਤ ਖ਼ਬਰਾਂ