ਡੀ. ਏ. ਵੀ. ਕਾਲਜ ਫਾਰ ਵੁਮੈਨ ਵਿਖੇ ‘ਰਾਸ਼ਟਰੀ ਹੈਂਡਲੂਮ ਦਿਵਸ’ ਮੌਕੇ ਮਾਡਲਿੰਗ ਮੁਕਾਬਲਾ ਕਰਵਾਇਆ

ਯਮੁਨਾਨਗਰ , 7 ਅਗਸਤ ({ ਗੁਰਦਿਆਲ ਸਿੰਘ ਨਿਮਰ )-’ ਰਾਸ਼ਟਰੀ ਹੈਂਡਲੂਮ ਦਿਵਸ ’ ਮੌਕੇ ਡੀ . ਏ .

ਅ

ਅਜੀਤ ਡੈਸਕ 08-08-2026

ਯਮੁਨਾਨਗਰ , 7 ਅਗਸਤ ({ ਗੁਰਦਿਆਲ ਸਿੰਘ ਨਿਮਰ )-’ ਰਾਸ਼ਟਰੀ ਹੈਂਡਲੂਮ ਦਿਵਸ ’ ਮੌਕੇ ਡੀ . ਏ . ਵੀ . ਕਾਲਜ ਫਾਰ ਵੁਮੈਨ ਦੇ ਫੈਸ਼ਨ ਡਿਜ਼ਾਈਨਿੰਗ ਵਿਭਾਗ ਵਲੋਂ ‘ ਚਰਖਾ ਤੋਂ ਕਾਊਚਰ ’ ਦੇ ਬੈਨਰ ਹੇਠ ਸ਼ਾਨਦਾਰ ਮਾਡਲਿੰਗ ਮੁਕਾਬਲਾ ਕਰਵਾਇਆ ਗਿਆ । ਇਸ ਪ੍ਰੋਗਰਾਮ ਦਾ ਉਦੇਸ਼ ਭਾਰਤੀ ਹੈਂਡਲੂਮ ਅਤੇ ਰਵਾਇਤੀ ਕੱਪੜਿਆਂ ਦੀ ਅਮੀਰ ਵਿਰਾਸਤ ਨੂੰ ਆਧੁਨਿਕ ਫੈਸ਼ਨ ਨਾਲ ਜੋੜ ਕੇ ਉਤਸ਼ਾਹਿਤ ਕਰਨਾ ਸੀ । ਇਸ ਪ੍ਰੋਗਰਾਮ ਦੀ ਪ੍ਰਧਾਨਗੀ ਕਾਲਜ ਦੇ ਪ੍ਰਿੰ . ਡਾ . ਸੁਰਿੰਦਰ ਕੌਰ ਨੇ ਕੀਤੀ , ਜਦਕਿ ਫੈਸ਼ਨ ਡਿਜ਼ਾਈਨਿੰਗ ਵਿਭਾਗ ਦੀ ਮੁਖੀ ਮਨਜੀਤ ਕੌਰ ਨੇ ਪ੍ਰੋਗਰਾਮ ਦੇ ਸਫਲ ਪ੍ਰਬੰਧਾਂ ਦੌਰਾਨ ਵਿਸ਼ੇਸ਼ ਭੂਮਿਕਾ ਨਿਭਾਈ । ਇਸ ਮੌਕੇ ਡਾ . ਇੰਦੂ ਕਪੂਰ ਨੇ ਮੁੱਖ ਮਹਿਮਾਨ ਵਜੋਂ , ਜਦਕਿ ਡਾ . ਅਮਰਜੀਤ ਕੌਰ ਨੇ ਵਿਸ਼ੇਸ਼ ਮਹਿਮਾਨ ਵਜੋਂ ਸ਼ਿਰਕਤ ਕੀਤੀ । ਮੁਕਾਬਲੇ ਦੌਰਾਨ ਜੱਜਾਂ ਦੀ ਭੂਮਿਕਾ ਮਿਤੂ ਸਲੂਜਾ , ਕੋਮਲ ਅਤੇ ਵੰਦਨਾ ਸਪਰਾ ਵਲੋਂ ਨਿਭਾਈ ਗਈ । ਇਹ ਮੁਕਾਬਲਾ ਤਿੰਨ ਉਮਰ ਵਰਗਾਂ ‘ ਚ ਕਰਵਾਇਆ ਗਿਆ । ਪਹਿਲੇ ਵਰਗ ‘ ਚ 4 ਤੋਂ 10 ਸਾਲ , ਦੂਜੇ ਵਰਗ ‘ ਚ 15 ਤੋਂ 22 ਸਾਲ ਅਤੇ ਤੀਜੇ ਵਰਗ ‘ ਚ 23 ਸਾਲ ਤੋਂ ਵੱਧ ਉਮਰ ਦੇ ਭਾਗੀਦਾਰਾਂ ਨੇ ਹਿੱਸਾ ਲਿਆ । ਇਸ ਮੁਕਾਬਲੇ ‘ ਚ ਕੁੱਲ 43 ਭਾਗੀਦਾਰਾਂ ਵਲੋਂ ਹਿੱਸਾ ਲਿਆ ਗਿਆ । ਇਸ ਮੌਕੇ ਪਹਿਲੀ ਵਰਗ (4-10 ਸਾਲ ) ‘ ਚ ਜਿਨੀਆ ਜੈਨ ਨੇ ਪਹਿਲਾ , ਜੈਸਮੀਨ ਨੇ ਦੂਜਾ ਅਤੇ ਓਵੀਆ ਤੇ ਸਾਰਿਅਨ ਨੇ ਸਾਂਝੇ ਤੌਰ ‘ ਤੇ ਤੀਜਾ ਸਥਾਨ ਪ੍ਰਾਪਤ ਕੀਤਾ । ਇਸੇ ਤਰ੍ਹਾਂ ਦੂਜੇ ਵਰਗ (15-22 ਸਾਲ ) ‘ ਚ ਏਕਮਦੀਪ ਪਹਿਲੇ , ਅਲੀਸ਼ਾ ਦੂਜੇ ਤੇ ਅੰਜਲੀ ਤੀਜੇ ਸਥਾਨ ‘ ਤੇ ਰਹੀ , ਜਦਕਿ ਤੀਜੇ ਵਰਗ (23 ਸਾਲ ਤੋਂ ਵੱਧ ) ‘ ਚ ਜਾਨਵੀ ਤੇ ਮਿਤਾਲੀ ਨੇ ਸਾਂਝੇ ਤੌਰ ‘ ਤੇ ਪਹਿਲਾ , ਸੋਨੀਆ ਤੇ ਡਾ . ਸੁਨੀਤਾ ਕੌਸ਼ਿਕ ਨੇ ਸਾਂਝੇ ਤੌਰ ‘ ਤੇ ਦੂਜਾ ਅਤੇ ਕਨਿਕਾ ਗੋਇਲ ਨੇ ਤੀਜਾ ਸਥਾਨ ਪ੍ਰਾਪਤ ਕੀਤਾ । ਇਸ ਮੌਕੇ ਮਿਸ ਐਟੀਟਿਊਡ ਦਾ ਖ਼ਿਤਾਬ ਰਕਸ਼ਿਤਾ , ਮਿਸ ਐਲੀਗੈਂਟ ਦਾ ਖ਼ਿਤਾਬ ਰਾਸ਼ੀ , ਦਾ ਸਟਾਈਲ ਆਈਕਨ ਦਾ ਖ਼ਿਤਾਬ ਵੰਸ਼ਿਕਾ , ਮਿਸ ਕਨਫਿਡੈਂਟ ਦਾ ਖ਼ਿਤਾਬ ਚਾਹਤ , ਮਿਲੀਅਨ ਡਾਲਰ ਸਮਾਈਲ ਦਾ ਖ਼ਿਤਾਬ ਭੂਮਿਕਾ , ਮਿਸ ਫੈਸ਼ਨਿਸਟਾ ਦਾ ਖ਼ਿਤਾਬ ਨੈਨਸੀ , ਮਿਸ ਐਡੋਰੇਬਲ ਦਾ ਖ਼ਿਤਾਬ ਆਰਵੀ , ਮਿਸ ਚਿਕ ਦਾ ਖ਼ਿਤਾਬ ਸੰਜਨਾ ਅਤੇ ਕਿਊਟੀ ਪਾਈ ਦਾ ਖ਼ਿਤਾਬ ਕਨਵ ਸ਼ਰਮਾ ਨੂੰ ਦਿੱਤਾ ਗਿਆ । ਇਸ ਪ੍ਰੋਗਰਾਮ ‘ ਚ ਸੋਨੀਆ , ਨਿਧੀ , ਸਾਕਸ਼ੀ , ਅਦਿਤੀ ਅਤੇ ਪ੍ਰਵੀਨ ਮੁੱਖ ਪ੍ਰਤੀਯੋਗੀ ਸਨ ।

ਪਿਛਲੀ ਖ਼ਬਰ 77 ਵੇਂ ਵਣ ਮਹਾਂ ਉਤਸਵ ਦਾ ਦੂਜਾ ਪੜਾਅ ਭਰੇੜੀ ਕਲਾਂ ਵਿਖੇ ਕਰਵਾਇਆ ਭਰੇੜੀ ਕਲਾਂ ਪਿੰਡ ’ਚ 25 ਏਕੜ ਜ਼ਮੀਨ ’ਤੇ ਲਗਭਗ 5,... ਅਗਲੀ ਖ਼ਬਰ ਬਿਸ਼ਨਾ ਮੱਲ ਸਕੂਲ ਦੇ ਖਿਡਾਰੀਆਂ ਨੇ ਸੋਨ ਤਗਮੇ ਜਿੱਤੇ