ਦਿੱਲੀ ਕਮੇਟੀ ਮੈਂਬਰ ਖੰਨਾ ਨੇ ਚੋਣਾਂ ਸੰਬੰਧੀ ਮਾਮਲੇ ’ਚ ਜਿੱਤੀ ਅਦਾਲਤੀ ਲੜਾਈ

ਨਵੀਂ ਦਿੱਲੀ,4 ਅਗਸਤ(ਜਗਤਾਰ ਸਿੰਘ)-ਦਿੱਲੀ ਗੁਰਦੁਆਰਾ ਚੋਣ ਹਲਕਾ ਮਾਲਵੀਆ ਨਗਰ ਤੋਂ ਦਿੱਲੀ ਸਿੱਖ ਗੁਰਦੁਆਰਾ ਕਮੇਟੀ ਦੇ ਮੈਂਬਰ ਗੁਰਪ੍ਰੀਤ ਸਿੰਘ ਖੰਨਾ ਨੇ, ਆਪਣੀ ਚੋਣ ਨਾਲ ਸੰਬੰਧਿਤ ਅਦਾਲਤੀ ਲੜਾਈ ਜਿੱਤ ਲਈ ਹੈ। ਦੱਸਣਯੋਗ ਹੈ ਕਿ ਦਿੱਲੀ ਕਮੇਟੀ ਮੈਂਬਰ ਗੁਰਪ੍ਰੀਤ ਸਿੰਘ ਖੰਨਾ ਅਤੇ ਪਿਛਲੀਆਂ ਗੁਰਦੁਆਰਾ ਚੋਣਾਂ ਵਿਚ ਉਨ੍ਹਾਂ ਦੇ ਵਿਰੋਧੀ ਉਮੀਦਵਾਰ ਓਂਕਾਰ ਸਿੰਘ ਰਾਜਾ ਵਿਚਕਾਰ ਇਹ ਮਾਮਲਾ ਅਦਾਲਤ ਵਿਚ ਚਲ ਰਿਹਾ ਸੀ।