ਨਵੀਂ ਦਿੱਲੀ, 15 ਜੂਨ (ਡਾ. ਬਲਵਿੰਦਰ ਸਿੰਘ ਸੋਢੀ)-ਦਿੱਲੀ ਵਿਚ ਮੈਟਰੋ ਸਟੇਸ਼ਨਾਂ, ਚੌਕਾਂ ਤੇ ਹੋਰ ਥਾਵਾਂ ਦੇ ਨਾਂਅ ਬਦਲੇ ਜਾ ਰਹੇ ਹਨ | ਜੋ ਨਾਂਅ ਪਹਿਲਾਂ ਚੱਲ ਰਹੇ ਸਨ ਉਨ੍ਹਾਂ ਨੂੰ ਹਟਾ ਦਿੱਤਾ ਗਿਆ ਹੈ ਅਤੇ ਉਸ ਦੀ ਥਾਂ 'ਤੇ ਨਵੇਂ ਰੱਖੇ ਨਾਂਅ ਲਿਖੇ ਗਏ ਹਨ | ਇਸੇ ਲੜੀ ਵਿਚ ਹੁਣ ਸਕੂਰ ਬਸਤੀ ਤੇ ਪੰਜਾਬੀ ਬਾਗ ਦੇ ਨਜ਼ਦੀਕ ਬਿ੍ਟਾਨੀਆ ਚੌਕ ਦਾ ਨਾਂਅ ਬਦਲਿਆ ਗਿਆ ਹੈ ਅਤੇ ਹੁਣ ਇਸ ਦਾ ਨਾਂਅ ਅਸ਼ਵਨੀ ਕੁਮਾਰ ਚੋਪੜਾ ਚੌਕ ਰੱਖ ਦਿੱਤਾ ਗਿਆ ਹੈ | ਇਸ ਤੋਂ ਪਹਿਲਾਂ ਪੰਜਾਬੀ ਬਾਗ ਲਾਰੰਗ ਰੋਡ ਚੌਕ ਦਾ ਨਾਂਅ ਹਟਾ ਕੇ ਮਦਨ ਲਾਲ ਖੁਰਾਣਾ ਚੌਕ ਰੱਖਿਆ ਗਿਆ ਸੀ | ਨਵੇਂ ਰੱਖੇ ਨਾਂਅ ਪ੍ਰਤੀ ਲੋਕ ਧੋਖਾ ਵੀ ਖਾ ਜਾਂਦੇ ਹਨ ਅਤੇ ਉਨ੍ਹਾਂ ਦੇ ਦਿਮਾਗ ਵਿਚ ਅਕਸਰ ਪੁਰਾਣਾ ਨਾਂਅ ਹੀ ਯਾਦ ਰਹਿੰਦਾ ਹੈ | ਵਰਨਣਯੋਗ ਹੈ ਕਿ ਅਸ਼ਵਨੀ ਕੁਮਾਰ ਪੱਤਰਕਾਰ ਅਤੇ ਜਨਪ੍ਰਤੀਨਿਧੀ ਹੀ ਨਹੀਂ ਸਨ ਬਲਕਿ ਸਮਾਜ ਅਤੇ ਰਾਸ਼ਟਰ ਪ੍ਰਤੀ ਵੀ ਸਮਰਪਿਤ ਸਨ | ਅਸ਼ਵਨੀ ਕੁਮਾਰ ਚੋਪੜਾ ਸਾਲ 2014 ਤੋਂ 2019 ਤੱਕ ਕਰਨਾਲ ਲੋਕ ਸਭਾ ਖੇਤਰ ਤੋਂ ਸੰਸਦ ਮੈਂਬਰ ਰਹੇ ਸਨ |
