ਨਿਤਿਆ ਰਮਨ ਨੇ ਲਾਸ ਏਂਜਲਸ ਦੀ ਵਾਗਡੋਰ ਸੰਭਾਲੀ
ਸੈਕਰਾਮੈਂਟੋ, 7 ਨਵੰਬਰ (ਹੁਸਨ ਲੜੋਆ ਬੰਗਾ)-ਕੇਰਲ ’ਚ ਜਨਮੀ ਨਿਤਿਆ ਰਮਨ ਨੇ ਲਾਸ ਏਂਜਲਸ ਦੇ ਮੇਅਰ ਦਾ ਅਹੁਦਾ ਸੰਭਾਲ ਲਿਆ ਹੈ| ਉਹ ਇਸ ਸ਼ਹਿਰ ਦੀ ਪਹਿਲੀ ਭਾਰਤੀ-ਅਮਰੀਕੀ ਮੇਅਰ ਬਣੀ ਹੈ| ਮੌਜੂਦਾ ਮੇਅਰ ਕਾਰੇਨ ਬੈਸ ਨੇ ਆਪਣੀ ਹਾਰ ਮੰਨ ਲਈ ਹੈ ਤੇ ਉਨਾਂ ਨੇ ਸੱਤਾ ਦੇ ਸੁਚਾਰੂ ਤਬਾਦਲੇ ਦਾ ਭਰੋਸਾ ਦਿੱਤਾ ਹੈ| 5 ਨਵੰਬਰ ਨੂੰ ‘ਐਕਸ’ ’ਤੇ ਲਿਖਦਿਆਂ ਨਿਤਿਆ ਰਮਨ ਨੇ ਕਿਹਾ ਕਿ ਲਾਸ ਏਂਜਲਸ, ਤੁਹਾਡੀ ਅਗਲੀ ਮੇਅਰ ਬਣਨਾ ਮੇਰੇ ਲਈ ਬਹੁਤ ਮਾਣ ਵਾਲੀ ਗੱਲ ਹੈ| ਤਾਜ਼ਾ ਚੋਣ ਨਤੀਜਿਆਂ ਮੁਤਾਬਕ, ਨਿਤਿਆ ਰਮਨ ਨੂੰ 460,772 ਵੋਟਾਂ (52. 70 ਫ਼ੀਸਦੀ) ਮਿਲੀਆਂ, ਜਦ ਕਿ ਕਾਰੇਨ ਬੈਸ ਨੂੰ 413,519 ਵੋਟਾਂ (47.
ਸੈਕਰਾਮੈਂਟੋ, 7 ਨਵੰਬਰ (ਹੁਸਨ ਲੜੋਆ ਬੰਗਾ)-ਕੇਰਲ ’ਚ ਜਨਮੀ ਨਿਤਿਆ ਰਮਨ ਨੇ ਲਾਸ ਏਂਜਲਸ ਦੇ ਮੇਅਰ ਦਾ ਅਹੁਦਾ ਸੰਭਾਲ ਲਿਆ ਹੈ| ਉਹ ਇਸ ਸ਼ਹਿਰ ਦੀ ਪਹਿਲੀ ਭਾਰਤੀ-ਅਮਰੀਕੀ ਮੇਅਰ ਬਣੀ ਹੈ| ਮੌਜੂਦਾ ਮੇਅਰ ਕਾਰੇਨ ਬੈਸ ਨੇ ਆਪਣੀ ਹਾਰ ਮੰਨ ਲਈ ਹੈ ਤੇ ਉਨਾਂ ਨੇ ਸੱਤਾ ਦੇ ਸੁਚਾਰੂ ਤਬਾਦਲੇ ਦਾ ਭਰੋਸਾ ਦਿੱਤਾ ਹੈ| 5 ਨਵੰਬਰ ਨੂੰ ‘ਐਕਸ’ ’ਤੇ ਲਿਖਦਿਆਂ ਨਿਤਿਆ ਰਮਨ ਨੇ ਕਿਹਾ ਕਿ ਲਾਸ ਏਂਜਲਸ, ਤੁਹਾਡੀ ਅਗਲੀ ਮੇਅਰ ਬਣਨਾ ਮੇਰੇ ਲਈ ਬਹੁਤ ਮਾਣ ਵਾਲੀ ਗੱਲ ਹੈ| ਤਾਜ਼ਾ ਚੋਣ ਨਤੀਜਿਆਂ ਮੁਤਾਬਕ, ਨਿਤਿਆ ਰਮਨ ਨੂੰ 460,772 ਵੋਟਾਂ (52.70 ਫ਼ੀਸਦੀ) ਮਿਲੀਆਂ, ਜਦ ਕਿ ਕਾਰੇਨ ਬੈਸ ਨੂੰ 413,519 ਵੋਟਾਂ (47.30 ਫ਼ੀਸਦੀ) ਪ੍ਰਾਪਤ ਹੋਈਆਂ| ਸਵੇਰ ਦੇ ਅੰਕੜਿਆਂ ਵਿਚ ਰਮਨ ਦੀ ਲੀਡ 34,654 ਵੋਟਾਂ ਸੀ, ਜੋ ਹੁਣ ਵੱਧ ਕੇ 47,253 ਵੋਟਾਂ ਹੋ ਗਈ ਹੈ| ਇਹ ਅੰਕੜੇ ਅਜੇ ਵੀ ਗੈਰ-ਅਧਿਕਾਰਤ ਹਨ ਕਿਉਂਕਿ ਚੋਣ ਅਮਲਾ 3 ਨਵੰਬਰ ਨੂੰ ਹੋਈਆਂ ਵੋਟਾਂ ਦੀ ਗਿਣਤੀ ਤੇ ਪ੍ਰਕਿਰਿਆ ਵਿੱਚ ਜੁਟਿਆ ਹੋਇਆ ਹੈ| ਕਾਰੇਨ ਬੈਸ ਨੇ ‘ਐਕਸ’ ’ਤੇ ਇਕ ਪੋਸਟ ਰਾਹੀਂ ਆਪਣੀ ਹਾਰ ਦੀ ਪੁਸ਼ਟੀ ਕੀਤੀ ਹੈ ਤੇ ਨਿਤਿਆ ਰਮਨ ਨੂੰ ਵਧਾਈ ਦਿੱਤੀ ਹੈ| ਰਮਨ ਨੇ ਦੱਸਿਆ ਕਿ ਉਨਾਂ ਨੇ ਬੈਸ ਨਾਲ ਗੱਲਬਾਤ ਕੀਤੀ ਹੈ ਤੇ ਉਨਾਂ ਦੀ ਅਗਵਾਈ ਅਤੇ ਦਹਾਕਿਆਂ ਦੀ ਜਨਤਕ ਸੇਵਾ ਲਈ ਧੰਨਵਾਦ ਪ੍ਰਗਟਾਇਆ ਹੈ| ਅਹੁਦਾ ਛੱਡ ਰਹੇ ਮੇਅਰ ਕਾਰੇਨ ਬੈਸ ਨੇ ਵੀ ਆਪਣੇ ਸਮਰਥਕਾਂ ਦਾ ਧੰਨਵਾਦ ਕੀਤਾ ਹੈ ਅਤੇ ਕਿਹਾ ਕਿ ਉਹ ਸ਼ਹਿਰ ਲਈ ਕੰਮ ਕਰਨਾ ਜਾਰੀ ਰੱਖਣਗੇ|
