ਭੁਵਨੇਸ਼ਵਰ, 27 ਜੂਨ (ਪੀ.ਟੀ.ਆਈ.)-ਕੇਰਲ ਦੀ ਲੰਬੀ ਛਾਲ ਮਾਰਨ ਵਾਲੀ ਐਂਸੀ ਸੋਜਨ ਨੇ ਇੱਥੇ ਰਾਸ਼ਟਰੀ ਅੰਤਰ-ਰਾਜ ਚੈਂਪੀਅਨਸ਼ਿਪ ਦੌਰਾਨ ਭਾਰਤੀ ਐਥਲੈਟਿਕਸ ਦੇ ਇਕ ਯਾਦਗਾਰੀ ਦਿਨ ’ਤੇ ਮਹਾਨ ਅੰਜੂ ਬੌਬੀ ਜਾਰਜ ਦੇ 22 ਸਾਲ ਪੁਰਾਣੇ ਰਾਸ਼ਟਰੀ ਰਿਕਾਰਡ ਨੂੰ ਤੋੜਿਆ, 25 ਸਾਲਾ ਐਂਸੀ ਨੇ ਆਪਣੀ 5ਵੀਂ ਕੋਸ਼ਿਸ਼ ਵਿਚ 6.88 ਮੀਟਰ ਦੀ ਸ਼ਾਨਦਾਰ ਛਾਲ ਮਾਰ ਕੇ 6.83 ਮੀਟਰ ਦੇ ਪਿਛਲੇ ਰਾਸ਼ਟਰੀ ਰਿਕਾਰਡ ਨੂੰ ਬਿਹਤਰ ਬਣਾਇਆ, ਜੋ ਅੰਜੂ ਨੇ 2004 ਦੇ ਏਥਨਜ਼ ਓਲੰਪਿਕ ਦੌਰਾਨ ਬਣਾਇਆ ਸੀ। ਉਸਨੇ ਐਥਲੈਟਿਕਸ ਫੈਡਰੇਸ਼ਨ ਆਫ ਇੰਡੀਆ (ਏ.ਐੱਫ.ਆਈ.) ਵਲੋਂ ਬਣਾਏ ਗਏ 6.48 ਮੀਟਰ ਦੇ ਏਸ਼ੀਆਈ ਖੇਡਾਂ ਦੇ ਕੁਆਲੀਫਾਈਂਗ ਮਾਰਕ ਨੂੰ ਵੀ ਬਿਹਤਰ ਬਣਾਇਆ।
