ਸੋਚ ਕੇ ਬੁੱਝੋ ਕੌਣ ਜਾਨਵਰ?

ਮਣ ਮਣ ਦੇ ਪੈਰ ਉਸ ਦੇ

ਕਈ ਕਵਿੰਟਲ ਭਾਰ |

ਅੰਕੁਸ਼ ਫੜ ਕੇ ਹੱਥ 'ਚ ਆਪਣੇ,
ਬੈਠਾ ਰਵ੍ਹੇ ਸਵਾਰ |

ਦੰਦ ਉਸ ਦੇ ਬਹੁਤ ਕੀਮਤੀ,
ਖੰਭੇ ਜਿੱਡੀਆਂ ਲੱਤਾਂ |

ਲੰਮੀ ਸੁੰਡ ਮੇਲ੍ਹਦੀ ਜਾਵੇ,
ਹੋਰ ਵੀ ਗੱਲਾਂ ਦੱਸਾਂ |

ਪੱਖਿਆਂ ਵਰਗੇ ਕੰਨ ਉਸ ਦੇ,
ਝੁੱਲਦੇ ਉਸ ਦੇ ਅੱਗੇ |

ਸ਼ਾਕਾਹਾਰੀ ਇਹ ਜਾਨਵਰ,
ਬਹੁਤਾ ਵੱਡਾ ਲੱਗੇ |

ਟਾਹਣ ਰੁੱਖਾਂ ਦੇ ਤੋੜੀ ਜਾਂਦਾ,
ਗੰਨੇ ਸ਼ੌਕ ਨਾਲ ਖਾਵੇ |

ਮਣਾਂ-ਮੰੂਹੀਂ ਇਹ ਪਾਣੀ ਪੀਂਦਾ,
ਤਾਕਤਵਰ ਕਹਾਵੇ |

ਵੱਡਾ ਢਿੱਡ ਤੇ ਦੰਦ ਦੇਖ ਕੇ,
ਬੱਚੇ ਉਸ ਤੋਂ ਡਰਦੇ |

ਬੜਾ ਖ਼ਤਰਨਾਕ ਇਹ ਲੱਗੇ,
ਗੱਲਾਂ ਉਸ ਦੀਆਂ ਕਰਦੇ |

ਫਲ, ਫੁੱਲ, ਖੱਲ ਵੀ ਚਟਮ ਕਰ ਜਾਂਦਾ
ਖੱਲ ਉਸ ਦੀ ਮੋਟੀ |

ਸੋਚ ਕੇ ਬੁੱਝੋ ਕੌਣ ਜਾਨਵਰ?
ਨਹੀਂ ਤਾਂ ਕਿਸਮਤ ਖੋਟੀ |

-ਆਤਮਾ ਸਿੰਘ ਚਿੱਟੀ
ਪਿੰਡ ਤੇ ਡਾਕ: ਚਿੱਟੀ, ਜ਼ਿਲ੍ਹਾ ਜਲੰਧਰ |
ਮੋਬਾਈਲ : 99884-69564