ਰੁੱਖ ਨੇ ਬੱਚਿਓ ਜਾਨ ਅਸਾਡੀ
ਇਨ੍ਹਾਂ ਨਾਲ ਹੀ ਸ਼ਾਨ ਅਸਾਡੀ।
ਨਾ ਰਹੇ ਰੁੱਖ, ਨਹੀਂ ਅਸਾਂ ਵੀ ਰਹਿਣਾ,
ਮੰਨ ਲਓ ਹੀਰਿਓ ਸਾਡਾ ਕਹਿਣਾ।
ਰੁੱਖ ਨੇ ਸਾਨੂੰ ਫਲ, ਫੁੱਲ ਦਿੰਦੇ,
ਦੇਣ ਹਵਾ, ਨਾ ਮੁੱਲ ਕੋਈ ਲੈਂਦੇ।
ਫਰਨੀਚਰ ਲਈ ਲੱਕੜੀ ਦੇਵਣ,
ਆਖਰੀ ਸਾਹ ਤੱਕ ਸਾਨੂੰ ਸੇਵਣ।
ਮਰੀਏ ਅਸੀਂ ਤਾਂ ਇਹ ਬਲ ਜਾਵਣ,
ਰਾਖ਼ ਅਸਾਡੀ 'ਚ ਰਲ ਜਾਵਣ।
ਬੱਚਿਓ, ਇਹ ਨੇ ਦਾਤ ਅਮੁੱਲੀ,
ਵੇਖੋ ਫਿਰੇ ਲੋਕਾਈ ਭੁੱਲੀ।
ਨਾ ਕੱਟੋ ਰੁੱਖ, ਨਾ ਕੱਟਣ ਦੇਵੋ,
ਜਾਨ ਲਗਾ ਕੇ ਇਨ੍ਹਾਂ ਨੂੰ ਸੇਵੋ।
ਇਹ ਨੇ ਕੁਦਰਤ ਮਾਂ ਦੇ ਜਾਏ,
ਉਸ ਹੀ ਸਾਡੀ ਝੋਲੀ ਪਾਏ।
ਛੁੱਟਿਆ ਨਾ ਜੇ ਝੱਲ ਅਸਾਡਾ,
ਮੁਸ਼ਕਿਲ ਹੋ ਜਾਊ ਕੱਲ੍ਹ ਅਸਾਡਾ।
ਸਮਝੋ ਆਪ, ਸਭ ਨੂੰ ਸਮਝਾਓ,
ਰੁੱਖ ਬਚਾਓ, ਰੁੱਖ ਲਗਾਓ।
-ਪ੍ਰੋ. ਪਰਮਜੀਤ ਸਿੰਘ ਨਿੱਕੇ ਘੁੰਮਣ
410, ਚੰਦਰ ਨਗਰ, ਬਟਾਲਾ।
ਮੋਬਾਈਲ : 97816-46008
