ਬੱਚਿਓ, ਅੱਜਕਲ੍ਹ ਘਰਾਂ 'ਚ ਚਿੜੀਆਂ ਆਉਣਗੀਆਂ |
ਕੱਖ, ਤੀਲੇ ਚੁਗ-ਚੁਗ ਕੇ ਉਹ ਲਿਆਉਣਗੀਆਂ |
ਤੁਹਾਡੇ ਘਰਾਂ ਵਿਚ ਥਾਂ ਸੁਰੱਖਿਅਤ ਜੋ ਮਿਲਗੀ,
ਉਥੇ ਹੀ ਉਹ ਸੋਹਣਾ ਆਲ੍ਹਣਾ ਪਾਉਣਗੀਆਂ |
ਤੁਸੀਂ ਨਾ ਭਜਾਇਓ ਦੇਖ ਕੇ ਡਿੱਗਦੇ ਕੱਖ, ਤੀਲੇ,
ਬੱਸ ਦੋ ਚਾਰ ਦਿਨਾਂ 'ਚ ਕੰਮ ਮੁਕਾਉਣਗੀਆਂ |
ਤੁਹਾਥੋਂ ਕੁਝ ਨਾ ਮੰਗਣਾ ਬਸ ਥੋੜ੍ਹੀ ਥਾਂ ਬਦਲੇ,
ਰੋਜ਼ ਤੁਹਾਨੂੰ ਮਿੱਠੇ-ਮਿੱਠੇ ਗੀਤ ਸੁਣਾਉਣਗੀਆਂ |
ਰੁੱਖਾਂ, ਪੰਛੀਆਂ ਬਾਝੋਂ ਇਹ ਮਨੁੱਖ ਅਧੂਰਾ ਹੈ,
'ਸੰਧੂਆ' ਸਾਨੂੰ ਇਹ ਗੱਲ ਸਮਝਾਉਣਗੀਆਂ |
-ਹਰਭਿੰਦਰ ਸਿੰਘ ਸੰਧੂ
ਮੋਬਾਈਲ : 97810-81888
