ਸਿੱਖ ਸੇਵਾ ਸੁਸਾਇਟੀ ਇਕਾਈ ਮੌੜ ਨਾਭਾ ਵਲੋਂ ਰਾਸ਼ਨ ਵੰਡ ਤੋਂ ਇਲਾਵਾ ਲੋੜਵੰਦਾਂ ਦੀ ਕੀਤੀ ਮਦਦ

ਸ਼ਹਿਣਾ, 14 ਅਗਸਤ (ਸੁਰੇਸ਼ ਗੋਗੀ)-ਸਿੱਖ ਸੇਵਾ ਸੁਸਾਇਟੀ ਇਕਾਈ ਮੌੜ ਨਾਭਾ ਨੇ ਮਹੀਨਾਵਾਰ ਸਮਾਗਮ ਦੌਰਾਨ ਜਿੱਥੇ ਲੋੜਵੰਦ ਪਰਿਵਾਰਾਂ ਨੂੰ ਰਾਸ਼ਨ ਵੰਡਿਆ, ੳੁੱਥੇ ਲੋੜਵੰਦ ਪਰਿਵਾਰਾਂ ਦੀ ਆਰਥਿਕ ਮਦਦ ਵੀ ਕੀਤੀ। ਸਿੱਖ ਸੇਵਾ ਸੁਸਾਇਟੀ ਪੰਜਾਬ ਦੇ ਆਗੂ ਭਾਈ ਜਗਸੀਰ ਸਿੰਘ ਮੌੜ ਨੇ ਦੱਸਿਆ ਕਿ ਰਾਸ਼ਨ ਵੰਡ ਸਮਾਗਮ ਦੌਰਾਨ 24 ਪਰਿਵਾਰਾਂ ਨੂੰ ਹਰਪਾਲ ਸਿੰਘ ਹੈਪੀ ਇੰਗਲੈਂਡ, 9 ਪਰਿਵਾਰਾਂ ਨੂੰ ਡਾ: ਕਮਲਜੀਤ ਸਿੰਘ ਕੈਲੇਫੋਰਨੀਆ, 8 ਪਰਿਵਾਰਾਂ ਨੂੰ ਲਖਵਿੰਦਰ ਸਿੰਘ ਇਟਲੀ, 5 ਪਰਿਵਾਰਾਂ ਨੂੰ ਮਨਦੀਪ ਤੇ ਲਵਪ੍ਰੀਤ ਸਿੰਘ ਕੈਨੇਡਾ, 6 ਪਰਿਵਾਰ ਨੂੰ ਚਰਨਜੀਤ ਸਿੰਘ ਬਰਾੜ ਸਿੰਘਾਪੁਰ, 3 ਪਰਿਵਾਰਾਂ ਨੂੰ ਰਵਿੰਦਰਜੋਤ ਕੌਰ ਬਰੈਪਟਨ, 3 ਪਰਿਵਾਰਾਂ ਨੂੰ ਪਿੰਕੀ ਸ਼ਰਮਾ ਤੇ ਅੰਕੁਰ ਸ਼ਰਮਾ ਹਾਂਗਕਾਂਗ ਵਲੋਂ ਰਾਸ਼ਨ ਵੰਡਿਆ ਗਿਆ।