ਸ਼ਹਿਣਾ, 15 ਜੂਨ (ਸੁਰੇਸ਼ ਗੋਗੀ)- ਪਿੰਡ ਲੀਲੋ ਕੋਠੇ ਦੇ ਮੌਜੂਦਾ ਸਰਪੰਚ ਜਗਤਾਰ ਸਿੰਘ 'ਤੇ ਆਰਮਜ਼ ਐਕਟ ਅਤੇ ਅਣਗਹਿਲੀ ਵਰਤਣ ਦੇ ਦੋਸ਼ 'ਚ ਥਾਣਾ ਸ਼ਹਿਣਾ ਵਿਖੇ ਪਰਚਾ ਦਰਜ ਕੀਤਾ ਗਿਆ ਹੈ | ਥਾਣਾ ਮੁਖੀ ਮੈਡਮ ਰੈਨੂੰ ਪਰੋਚਾ ਨੇ ਦੱਸਿਆ ਕਿ ਕਰਮਜੀਤ ਕੌਰ ਪਤਨੀ ਬਲਵਿੰਦਰ ਸਿੰਘ ਵਲੋਂ ਦਿੱਤੇ ਬਿਆਨ ਅਨੁਸਾਰ ਕਿ ਉਸ ਦਾ ਪਤੀ ਖੇਤ ਮੋਟਰ ਚਲਾਉਣ ਲਈ ਮੂੰਹ ਹਨੇਰੇ ਸ਼ਾਮ ਨੂੰ ਖੇਤ ਗਿਆ ਸੀ, ਕਿ ਉਨ੍ਹਾਂ ਦੇ ਖੇਤ ਦੇ ਨਾਲ ਜਗਤਾਰ ਸਿੰਘ ਸਰਪੰਚ ਲੀਲੋ ਕੋਠੇ ਨੇ ਠੇਕੇ 'ਤੇ ਜ਼ਮੀਨ ਲੈ ਕੇ ਮੱਕੀ ਬਿਜਾਈ ਕੀਤੀ ਹੋਈ ਹੈ | ਉਸ ਦੀ ਮੱਕੀ ਦੀ ਫ਼ਸਲ 'ਚ ਰੋਜ਼ (ਨੀਲ ਗਾਂ) ਆ ਜਾਣ 'ਤੇ ਉਨ੍ਹਾਂ ਨੂੰ ਭਜਾਉਣ ਲਈ ਫਾਇਰ ਕਰ ਦਿੱਤਾ, ਜੋ ਕਿ ਮੇਰੇ ਪਤੀ ਦੀ ਛਾਤੀ ਵਿਚ ਲੱਗਿਆ | ਬਲਵਿੰਦਰ ਸਿੰਘ ਇਸ ਸਮੇਂ ਲੁਧਿਆਣਾ ਵਿਖੇ ਜੇਰੇ ਇਲਾਜ ਹੈ | ਪੁਲਿਸ ਨੇ ਉਪਰੋਕਤ ਬਿਆਨਾਂ 'ਤੇ ਜਗਤਾਰ ਸਿੰਘ ਸਰਪੰਚ 'ਤੇ ਪਰਚਾ ਦਰਜ ਕਰ ਲਿਆ ਹੈ |
