ਸ਼ਹਿਣਾ, 10 ਅਪ੍ਰੈਲ (ਸੁਰੇਸ਼ ਗੋਗੀ)-ਸ਼ਹਿਣਾ ਤੋਂ ਚਾਰ ਦਿਨ ਪਹਿਲਾਂ ਭੇਦਭਰੀ ਹਾਲਤ ਵਿਚ ਗੁੰਮ ਹੋਏ ਇਕ ਨੌਜਵਾਨ ਦੀ ਬਰਨਾਲਾ ਨੇੜਿਓਾ ਝਾੜੀਆਂ ਵਿਚੋਂ ਲਾਸ਼ ਮਿਲਣ ਕਾਰਨ ਸ਼ਹਿਣਾ ਵਿਖੇ ਸਨਸਨੀ ਫੈਲ ਗਈ | ਜ਼ਿਕਰਯੋਗ ਹੈ ਕਿ ਗੁਰਵਿੰਦਰ ਸਿੰਘ ਪੱੁਤਰ ਕੌਰਾ ਸਿੰਘ ਜੋ ਪਿਛਲੇ ਚਾਰ ਦਿਨਾਂ ਤੋਂ ਲਾਪਤਾ ਸੀ ਅਤੇ ਉਸ ਦੀ ਮਿ੍ਤਕ ਦੇਹ ਬਰਨਾਲਾ ਨੇੜਿਓ ਝਾੜੀਆਂ ਵਿਚੋਂ ਮਿਲਣ 'ਤੇ ਵੱਡੀ ਗਿਣਤੀ ਵਿਚ ਉਸ ਦੇ ਮਾਪੇ ਤੇ ਪਿੰਡ ਵਾਸੀ ਥਾਣਾ ਸ਼ਹਿਣਾ ਵਿਖੇ ਪਹੁੰਚੇ | ਥਾਣਾ ਮੁਖੀ ਰੈਨੂੰ ਪਰੋਚਾ ਨੇ ਉਨ੍ਹਾਂ ਨੂੰ ਦੱਸਿਆ ਕਿ ਘਟਨਾ ਦੀ ਹੱਦ ਬਰਨਾਲਾ ਪੁਲਿਸ ਥਾਣੇ ਵਿਚ ਪੈਂਦੀ ਹੈ | ਜਿਸ ਲਈ ੳੱੁਥੇ ਹੀ ਕਾਰਵਾਈ ਅਮਲ ਵਿਚ ਲਿਆਂਦੀ ਜਾਵੇਗੀ | ਜ਼ਿਕਰਯੋਗ ਹੈ ਕਿ ਸ਼ਹਿਣਾ ਪਿੰਡ ਵਿਚੋਂ ਨੌਜਵਾਨ ਲੜਕਿਆਂ: ਦੀਆਂ ਅਣਆਈਆਂ ਮੌਤਾਂ ਦਾ ਸਿਲਸਿਲਾ ਲਗਾਤਾਰ ਜਾਰੀ ਹੈ ਅਤੇ ਜ਼ਿਆਦਾਤਰ ਮਾਪਿਆਂ ਦੇ ਘਰਾਂ ਵਿਚ ਉਹ ਚਿਰਾਗ਼ ਬੁਝੇ ਹਨ, ਜੋ ਮਾਪਿਆਂ ਦੀ ਇਕਲੌਤੀ ਔਲਾਦ ਸਨ |
