ਸ਼ਹਿਣਾ, 1 ਫਰਵਰੀ (ਸੁਰੇਸ਼ ਗੋਗੀ)-ਬੀਬੜੀਆਂ ਮਾਈਆਂ ਪ੍ਰਬੰਧਕ ਕਮੇਟੀ ਦੀ ਮੀਟਿੰਗ ਮੰਦਿਰ ਕੰਪਲੈਕਸ ਵਿਖੇ ਪ੍ਰਧਾਨ ਅਮਰੀਕ ਸਿੰਘ ਬੀਕਾ ਦੀ ਪ੍ਰਧਾਨਗੀ ਹੇਠ ਹੋਈ | ਮੀਟਿੰਗ ਵਿਚ ਫ਼ੈਸਲਾ ਕੀਤਾ ਗਿਆ ਕਿ ਮੰਦਿਰ ਦੀ ਚਾਰਦੀਵਾਰੀ 'ਤੇ ਗਰਿਲ ਲਾਈ ਜਾਵੇਗੀ ਅਤੇ ਸੰਗਮਰਮਰ ਦੀ ਟਾਈਲ ਲਾਈ ਜਾਵੇਗੀ | ਸੰਗਤ ਦੀ ਬਹੁ ਗਿਣਤੀ ਨੂੰ ਦੇਖਦੇ ਹੋਏ ਹੋਰ ਬਾਥਰੂਮ ਬਣਾਏ ਜਾਣਗੇ | ਮੀਟਿੰਗ ਵਿਚ ਖ਼ਜ਼ਾਨਚੀ ਡਾਕਟਰ ਅਨਿਲ ਕੁਮਾਰ ਗਰਗ, ਗੁਰਵਿੰਦਰ ਸਿੰਘ ਨਾਮਧਾਰੀ, ਪ੍ਰਮੋਦ ਕੁਮਾਰ ਸਿੰਗਲਾ, ਕਾਲਾ ਸਿੰਘ ਉੱਪਲ, ਗੁਰਜੰਟ ਸਿੰਘ, ਬਹਾਦਰ ਸਿੰਘ ਆਦਿ ਸ਼ਾਮਿਲ ਹੋਏ | ਗੁਰਵਿੰਦਰ ਸਿੰਘ ਨਾਮਧਾਰੀ ਨੇ ਇਹ ਦੱਸਿਆ ਕਿ ਇਸ ਵਾਰ ਮੇਲਾ 22 ਮਾਰਚ ਦਿਨ ਐਤਵਾਰ ਦਾ ਹੈ | ਪ੍ਰਧਾਨ ਅਮਰੀਕ ਸਿੰਘ ਮੀਕਾ ਨੇ ਦੱਸਿਆ ਕਿ ਮੰਦਿਰ ਦੇ ਪਿਛਲੇ ਪਾਸੇ ਲੋਕਾਂ ਨੂੰ ਕੂੜਾ ਕਰਕਟ ਅਤੇ ਗੰਦਗੀ ਨਾ ਸੁੱਟਣ ਲਈ ਸਖ਼ਤੀ ਨਾਲ ਕਿਹਾ ਗਿਆ ਹੈ ਜੇਕਰ ਫਿਰ ਵੀ ਕੋਈ ਕੂੜਾ ਕਰਕਟ ਸੁੱਟਦਾ ਫੜਿਆ ਗਿਆ ਤਾਂ ਸਖ਼ਤੀ ਨਾਲ ਪੇਸ਼ ਆਇਆ ਜਾਵੇਗਾ | ਡਾਕਟਰ ਅਨਿਲ ਗਰਗ ਨੇ ਕਿਹਾ ਕਿ ਮੰਦਿਰ ਦੇ ਚਾਰੇ ਪਾਸੇ ਆਧੁਨਿਕ ਤਰੀਕੇ ਦੇ ਗਮਲੇ ਬਣਾਏ ਜਾਣਗੇ ਅਤੇ ਪੱਥਰ ਵੀ ਲਾਇਆ ਜਾਵੇਗਾ |
