ਪਾਇਲ, 30 ਜੁਲਾਈ (ਨਿਜ਼ਾਮਪੁਰ-ਰਜਿੰਦਰ ਸਿੰਘ)-ਦਿੱਲੀ ਦੇ ਗੁਰੂ ਘਰਾਂ ਦੇ ਪ੍ਰਬੰਧਕਾਂ ਵਲੋਂ ਵਿਦਿਆਰਥੀਆਂ ਦੇ ਲਈ ਹਮਦਰਦੀ ਦਿਖਾਉਣਾ ਸ਼ਲਾਘਾਯੋਗ ਕੰਮ ਹੈ। ਇਹਨਾਂ ਵਿਚਾਰਾਂ ਦਾ ਪ੍ਰਗਟਾਵਾ ਕਰਦਿਆਂ ਜੱਥੇਦਾਰ ਹਰਪਾਲ ਸਿੰਘ ਜੱਲਾ ਮੈਂਬਰ ਐਸ. ਜੀ. ਪੀ. ਸੀ ਨੇ ਆਖਿਆ ਕਿ ਪੇਪਰ ਲੀਕ ਹੋਣ ਕਾਰਨ ਦੇਸ਼ ਦੇ ਵਿਦਿਆਰਥੀਆਂ ਵਲੋਂ ਦਿੱਲੀ ਜੰਤਰ ਮੰਤਰ ਵਿਖੇ ਧਰਨਾ ਵਿਖਾਵਾ ਦੌਰਾਨ ਅੰਨੇ੍ਹਵਾਹ ਲਾਠੀਚਾਰਜ, ਅਥਰੂ ਗੈਸ ਦੇ ਗੋਲੇ ਦਾਗ ਕੇ ਬੇਹੱਦ ਵਿਦਿਆਰਥੀਆਂ ਨੂੰ ਜਖਮੀ ਕੀਤਾ, ਲੱਤਾਂ ਬਾਹਾਂ ਟੁੱਟੀਆਂ, ਸਿਰ ਪਾਟੇ, ਜਿਹੜਾ ਲੋਕਤੰਤਰ ਦੇ ਖਿਲਾਫ ਹੈ। ਆਪਣੇ ਹੱਕਾਂ ਦੀ ਰਾਖੀ ਦੇ ਲਈ ਕੋਈ ਵੀ ਰੋਸ ਧਰਨਾ ਕਰਨ ਦਾ ਉਹਦਾ ਨੈਤਿਕ ਹੱਕ ਹੈ ਇਹ ਵੀ ਜਿੰਨੀ ਸਖਤ ਨਿੰਦਿਆ ਕੀਤੀ ਜਾਵੇ ਉਹਨੂੰ ਥੋੜੀ ਹੈ। ਉਨ੍ਹਾਂ ਅੱਗੇ ਕਿਹਾ ਕਿ ਪ੍ਰਿਯੰਕਾ ਗਾਂਧੀ ਨੇ ਵਿਦਿਆਰਥੀ ਜੋ ਰਾਜ ਸਭਾ ਵਿਚ ਵਿਦਿਆਰਥੀਆਂ ਦੇ ਤਸ਼ਦੱਦ ਕਰਨ ਸੰਬੰਧੀ ਦਿੱਤੇ ਬਿਆਨ ਤੇ ਪ੍ਰਤੀਕਰਮ ਕਰਦਿਆਂ ਕਿਹਾ ਹੈ ਕਿ ਉਹਨਾਂ ਦੇ ਪਰਿਵਾਰ ਦੀ ਮੁਖੀ ਇੰਦਰਾ ਗਾਂਧੀ ਨੇ ਸ੍ਰੀ ਅਕਾਲ ਤਖਤ ਸਾਹਿਬ ਨੂੰ ਢਹਿਢੇਰੀ ਕੀਤਾ, ਸ੍ਰੀ ਹਰਿਮੰਦਰ ਸਾਹਿਬ ਦੀ ਫਸੀਲ ਗੋਲੀਆਂ ਮਾਰੀਆਂ, ਹਜ਼ਾਰਾਂ ਦੀ ਗਿਣਤੀ ਦੇ ਵਿਚ ਸ੍ਰੀ ਗੁਰੂ ਅਰਜਨ ਦੇਵ ਜੀ ਦਾ ਸ਼ਹੀਦੀ ਪੁਰਬ ਮਨਾਉਣ ਆਈਆਂ ਸੰਗਤਾਂ ਨੂੰ ਮੌਤ ਦੇ ਘਾਟ ਉਤਾਰਿਆ ਮਾਰਿਆ ਗਿਆ। ਉਸ ਦੇ ਲਈ ਅੱਜ ਤੱਕ ਗਾਂਧੀ ਪਰਿਵਾਰ ਅਤੇ ਕਾਂਗਰਸ ਦੀ ਕਿਸੇ ਵੀ ਨੇਤਾ ਨੇ ਨਾ ਹੀ ਪੂਰਨ ਤੌਰ ’ਤੇ ਮੁਆਫੀ ਮੰਗੀ ਹੈ ਅਤੇ ਨਾ ਹੀ ਇਹਨਾਂ ਨੇ ਉਸ ਗਲਤੀ ਦਾ ਅਹਿਸਾਸ ਕੀਤਾ ਹੈ।
