ਖੰਨਾ, 5 ਜੁਲਾਈ (ਹਰਜਿੰਦਰ ਸਿੰਘ ਲਾਲ)- ਸਿੰਘ ਸਭਾ ਸੇਵਾ ਦਲ ਖੰਨਾ ਦੇ ਸਮੂਹ ਮੈਂਬਰਾਂ ਵੱਲੋਂ ਸ੍ਰੀ ਅਕਾਲ ਤਖ਼ਤ ਸਾਹਿਬ ਜੀ ਦੇ ਸਥਾਪਨਾ ਤੇ ਸਿਰਜਣਾ ਦਿਵਸ ਨੂੰ ਸਮਰਪਿਤ ਜੀ. ਟੀ. ਰੋਡ ਖੰਨਾ ਲਗਾਇਆ ਗਿਆ। ਇਸ ਮੌਕੇ ਮਿੱਸੇ ਪ੍ਰਸ਼ਾਦੇ ਤੇ ਅਚਾਰ, ਪਿਆਜ਼, ਠੰਡੀ ਲੱਸੀ ਦਾ ਲੰਗਰ ਵਰਤਾਇਆ ਗਿਆ। ਸਮੂਹ ਸਾਧ ਸੰਗਤ ਤੇ ਰਾਹਗੀਰਾਂ ਨੇ ਇਹ ਲੰਗਰ ਛਕਿਆ। ਇਸ ਵੇਲੇ ਲੋਕ ਲੰਗਰ ਦੇ ਨਾਲ ਨਾਲ ਵੱਖ ਵੱਖ ਸਮੇਂ ਤੇ ਗੁਰਬਾਣੀ ਤੇ ਵਾਹਿਗੁਰੂ ਦਾ ਜਾਪ ਵੀ ਕਰਦੇ ਰਹੇ। ਇਸ ਮੌਕੇ ਸਿੰਘ ਸਭਾ ਸੇਵਾ ਦਲ ਖੰਨਾ ਦੇ ਮੈਂਬਰਾਂ ਨੇ ਕਿਹਾ ਕਿ ਆਪਣੇ ਗੁਰੂਆਂ ਤੇ ਵਡੇਰਿਆਂ ਨੂੂੰ ਯਾਦ ਰੱਖਣਾ ਜਿਊਂਦੀਆਂ ਕੌਮਾਂ ਦਾ ਫ਼ਰਜ਼ ਹੈ।
