ਭੇਦਭਰੀ ਹਾਲਤ 'ਚ ਘਰੋਂ ਗਏ ਭੁਪਿੰਦਰ ਕੁਮਾਰ ਦੀ ਭਾਖੜਾ ਨਹਿਰ 'ਚੋਂ ਭਾਲ ਜਾਰੀ <br/>
ਅਜੀਤ ਡੈਸਕ
14-06-2026
ਵਿਧਾਇਕ ਨੇ ਲਗਾਏ ਦੋਸ਼ਾਂ ਨੂੰ ਨਕਾਰਿਆ
ਉਕਤ ਮਾਮਲੇ ਬਾਰੇ ਜਦੋਂ ਵਿਧਾਇਕ ਬੁੱਧ ਰਾਮ ਨਾਲ ਗੱਲ ਕਰ ਕੇ ਉਨ੍ਹਾਂ ਦਾ ਪੱਖ ਜਾਣਨਾ ਚਾਹਿਆ ਤਾਂ ਉਨ੍ਹਾਂ ਕਿਹਾ ਕਿ ਇਸ ਮਾਮਲੇ ਨਾਲ ਉਨ੍ਹਾਂ ਦਾ ਕੋਈ ਸੰਬੰਧ ਨਹੀਂ, ਸਗੋਂ ਉਹ ਤਾਂ ਮੁੱਖ ਮੰਤਰੀ ਦੀ ਰੈਲੀ ਲਈ ਬੱਸਾਂ ਭੇਜਣ 'ਚ ਰੁੱਝੇ ਹੋਏ ਸਨ | ਇਸ ਬਾਰੇ ਭੁਪਿੰਦਰ ਤੇ ਦੂਜੇ ਮੁਲਾਜ਼ਮਾਂ ਵਿਚਕਾਰ ਕੀ ਵਾਪਰਿਆ, ਬਾਰੇ ਉਹ ਕੁਝ ਨਹੀਂ ਜਾਣਦੇ, ਸਗੋਂ ਕੁਝ ਵਿਅਕਤੀਆਂ ਵਲੋਂ ਉਨ੍ਹਾਂ ਦਾ ਨਾਂਅ ਵਰਤ ਕੇ ਮਾਮਲੇ ਨੂੰ ਰਾਜਸੀ ਰੰਗਤ ਦੇਣ ਦਾ ਯਤਨ ਕੀਤਾ ਗਿਆ ਹੈ | ਉਨ੍ਹਾਂ ਕਿਹਾ ਕਿ ਭੁਪਿੰਦਰ, ਉਸ ਦਾ ਪਿਤਾ, ਭਰਾ ਅਤੇ ਪਰਿਵਾਰ ਮੁੱਢ ਤੋਂ ਹੀ ਪਾਰਟੀ ਨਾਲ ਰਹੇ ਹਨ | ਲਗਾਤਾਰ ਪਾਰਟੀ ਕੰਮਾਂ ਅਤੇ ਲੋਕਾਂ ਦੇ ਕੰਮਾਂ 'ਚ ਰੁੱਝੇ ਹੋਣ ਕਾਰਨ ਉਹ ਇਹੋ ਜਿਹੇ ਮਾਮਲੇ ਬਾਰੇ ਕੁਝ ਵੀ ਦਖ਼ਲ ਨਹੀਂ ਕਰਦੇ | ਖ਼ਬਰ ਲਿਖੇ ਜਾਣ ਤੱਕ ਭੁਪਿੰਦਰ ਦਾ ਕੋਈ ਥਹੁ ਪਤਾ ਨਹੀਂ ਲੱਗ ਸਕਿਆ | ਪਰਿਵਾਰ ਅਤੇ ਰਿਸ਼ਤੇਦਾਰਾਂ ਸਮੇਤ ਨਗਰ ਵਾਸੀ ਨਹਿਰ ਦੀਆਂ ਪਟੜੀਆਂ ਤੋਂ ਸੰਗਲੀ ਕੁੰਡੇ ਸੁੱਟ ਕੇ ਪੜਤਾਲ ਕਰ ਰਹੇ ਹਨ | ਉੱਧਰ ਪੁਲਿਸ ਦੇ ਇੱਕ ਸੀਨੀਅਰ ਅਧਿਕਾਰੀ ਨੇ ਸੰਪਰਕ ਕਰਨ 'ਤੇ ਦੱਸਿਆ ਕਿ ਮਾਮਲੇ ਦੀ ਜਾਂਚ ਜਾਰੀ ਹੈ |
