ਭੇਦਭਰੀ ਹਾਲਤ ’ਚ ਵਿਅਕਤੀ ਦੀ ਮੌਤ

ਜ਼ੀਰਾ,10 ਅਕਤੂਬਰ (ਰਜਨੀਸ਼ ਕਥੂਰੀਆ)- ਬੀਤੀ ਰਾਤ ਕੱਚਾ ਗਾਦੜੀ ਵਾਲਾ ਰੋਡ ’ਤੇ ਭੇਦਭਰੀ ਹਾਲਤ ਵਿਚ 1 ਵਿਅਕਤੀ ਦੀ ਮੌਤ ਹੋਣ ਦੀ ਸੂਚਨਾ ਮਿਲੀ ਹੈ। ਸੁਖਵਿੰਦਰ ਸਿੰਘ ਉਰਫ ਕਾਲਾ ਢਲ ਵਾਸੀ ਘੋੜ ਮੁਹੱਲਾ ਜ਼ੀਰਾ ਨੇ ਸਿਵਲ ਹਸਪਤਾਲ ਜ਼ੀਰਾ ਵਿਖੇ ਦੱਸਿਆ ਕਿ ਉਸ ਦਾ ਚਾਚਾ ਬਲਜੀਤ ਸਿੰਘ ਉਰਫ ਬਿੱਲਾ ਢਲ (65) ਪੁੱਤਰ ਲਾਲ ਸਿੰਘ ਵਾਸੀ ਵਾਰਡ ਨੰਬਰ 8, ਦੋਧੀਆਂ ਵਾਲੀ ਗਲੀ ਜ਼ੀਰਾ ਬੀਤੀ ਰਾਤ ਕਰੀਬ 9 ਵਜੇ ਟਰੱਕ ਯੂਨੀਅਨ ਜ਼ੀਰਾ ਤੋਂ ਨਵੀਂ ਤਲਵੰਡੀ ਰੋਡ ’ਤੇ ਆਪਣੇ ਮੋਟਰਸਾਈਕਲ ’ਤੇ ਆ ਰਿਹਾ ਸੀ ਕਿ ਰਸਤੇ ਵਿਚ ਮੋਟਰਸਾਈਕਲ ਸਵਾਰ ਕੁਝ ਨੌਜਵਾਨਾਂ ਨੇ ਉਸ ਪਾਸੋਂ ਉਸ ਦਾ ਪਰਸ ਜਾਂ ਮੋਬਾਈਲ ਖੋਹ ਲਿਆ ਜਿਸ ’ਤੇ ਉਸ ਦਾ ਚਾਚਾ ਬਲਜੀਤ ਸਿੰਘ ਉਹਨਾਂ ਦਾ ਪਿੱਛਾ ਕਰਨ ਲੱਗ ਪਿਆ ਤਾਂ ਬੱਚਾ ਗਾਦੜੀ ਵਾਲਾ ਰੋਡ ’ਤੇ ਖੋਹ ਕਰਨ ਵਾਲੇ ਲੜਕਿਆਂ ਨੇ ਉਸ ਦੇ ਮੱਥੇ ’ਤੇ ਕਿਸੇ ਨੁਕੀਲੇ ਹਥਿਆਰ ਨਾਲ ਸੱਟ ਮਾਰ ਦਿੱਤੀ ਤੇ ਫ਼ਰਾਰ ਹੋ ਗਏ।