ਮਮਦੋਟ, 17 ਅਪ੍ਰੈਲ (ਰਾਜਿੰਦਰ ਸਿੰਘ ਹਾਂਡਾ)- ਪਿਛਲੇ ਕਈ ਦਿਨਾਂ ਤੋਂ ਕਣਕ ਦੀ ਫ਼ਸਲ ਵੇਚਣ ਲਈ ਮੰਡੀਆਂ ਵਿਚ ਬੈਠੇ ਕਿਸਾਨਾਂ ਨੇ ਉਸ ਵਕਤ ਸੁਖ ਦਾ ਸਾਹ ਲਿਆ ਜਦੋਂ ਆਪ ਆਗੂ ਅਤੇ ਆੜ੍ਹਤੀਆ ਯੂਨੀਅਨ ਦੇ ਪ੍ਰਧਾਨ ਯਸ਼ਪਾਲ ਗਾਬਾ ਵਲੋਂ ਅਨਾਜ ਮੰਡੀ ਫੱਤੇ ਵਾਲਾ ਹਿਠਾੜ ਵਿਖੇ ਕਣਕ ਦੀ ਸਰਕਾਰੀ ਖ਼ਰੀਦ ਦੀ ਸ਼ੁਰੂਆਤ ਕਰਵਾਈ ਗਈ | ਇਸ ਮੌਕੇ ਖ਼ਰੀਦ ਏਜੰਸੀਆਂ ਦੇ ਅਧਿਕਾਰੀਆਂ ਅਤੇ ਮਾਰਕੀਟ ਕਮੇਟੀ ਦੇ ਕਰਮਚਾਰੀਆਂ ਸਮੇਤ ਆੜ੍ਹਤੀ ਰਾਕੇਸ਼ ਬਿੰਦਰਾ,ਪ੍ਰੀਤਮ ਸਿੰਘ,ਆੜ੍ਹਤੀ ਹੰਸਾਂ ਸਿੰਘ, ਨੰਬਰਦਾਰ ਤਿਲ੍ਹਕਾ ਸਿੰਘ ਸਮੇਤ ਹੋਰ ਵੀ ਕਿਸਾਨ ਹਾਜ਼ਰ ਸਨ |
