ਮੰਡੀ ਅਰਨੀਵਾਲਾ, 24 ਜਨਵਰੀ (ਨਿਸ਼ਾਨ ਸਿੰਘ ਮੋਹਲ਼ਾ)-ਮੁੱਖ ਮੰਤਰੀ ਸਿਹਤ ਬੀਮਾ ਯੋਜਨਾ ਦੀ ਸ਼ੁਰੂਆਤ ਕਰਨ ਲਈ ਬਲਾਕ ਅਰਨੀਵਾਲਾ 'ਚ ਹਲਕਾ ਵਿਧਾਇਕ ਜਗਦੀਪ ਕੰਬੋਜ ਗੋਲਡੀ ਦੀ ਅਗਵਾਈ ਹੇਠ ਬਲਾਕ ਪ੍ਰਧਾਨ ਤੇ ਜ਼ੋਨ ਇੰਚਾਰਜ ਬਲਰਾਜ ਸਿੰਘ ਹੈਪੀ ਸੰਧੂ ਜੌੜਕੀ ਵਲੋਂ ਮਸ਼ੀਨਾਂ ਦੀ ਵੰਡ ਕੀਤੀ ਗਈ | ਇਸ ਮੌਕੇ ਆਮ ਆਦਮੀ ਪਾਰਟੀ ਦੇ ਸੀਨੀਅਰ ਆਗੂ ਤੇ ਵਰਕਰ ਵੀ ਹਾਜ਼ਰ ਸਨ | ਬਲਰਾਜ ਸਿੰਘ ਹੈਪੀ ਸੰਧੂ ਜੌੜਕੀ ਨੇ ਕਿਹਾ ਕਿ ਇਸ ਸਕੀਮ ਦੇ ਤਹਿਤ ਪੰਜਾਬ ਦੇ ਲੋਕਾਂ ਨੂੰ 10 ਲੱਖ ਦਾ ਮੁਫ਼ਤ ਇਲਾਜ ਮਿਲੇਗਾ | ਜਿਸ 'ਚ ਨਾ ਕੋਈ ਇਨਕਮ ਤੇ ਨਾ ਹੀ ਉਮਰ ਸੰਬੰਧੀ ਕੋਈ ਝੰਜਟ ਹੈ | ਲਾਭਪਾਤਰੀ ਕੋਲ ਸਿਰਫ਼ ਪੰਜਾਬ ਦਾ ਆਧਾਰ ਕਾਰਡ ਤੇ ਵੋਟਰ ਕਾਰਡ ਹੋਣਾ ਜ਼ਰੂਰੀ ਹੈ, ਜਿਸ ਦੇ ਨਾਲ ਪੂਰਾ ਹੀ ਪਰਿਵਾਰ ਸਕੀਮ ਦਾ ਲਾਭ ਉਠਾ ਸਕੇਗਾ | ਹੈਪੀ ਨੇ ਦੱਸਿਆ ਕਿ ਇਸ ਸਕੀਮ ਤਹਿਤ 65 ਲੱਖ ਪਰਿਵਾਰਾਂ ਦੇ ਕਰੀਬ ਤਿੰਨ ਕਰੋੜ ਪੰਜਾਬੀਆਂ ਨੂੰ ਫ਼ਾਇਦਾ ਹੋਵੇਗਾ | ਇਸ ਮੌਕੇ ਕੇਵਲ ਕੰਬੋਜ, ਛਿੰਦਰਪਾਲ ਗੋਸ਼ਾ ਮੈਂਬਰ ਪੰਜਾਬ ਰਾਏ ਸਿੱਖ ਬੋਰਡ, ਡਾ. ਕਿਰਪਾਲ ਸਿੰਘ, ਦੀਪੂ ਛਾਬੜਾ, ਕਰਨਵੀਰ ਸਿੰਘ ਗਰੇਵਾਲ, ਸਹਿਬਾਜ਼ ਸਿੰਘ ਬਰਾੜ, ਸੰਦੀਪ ਕੰਬੋਜ, ਸੰਦੀਪ ਸਿੰਘ ਬਲਾਕ ਪ੍ਰਧਾਨ, ਅਜੇ ਕੁੱਕੜ ਐਮ. ਸੀ. ਅਰਨੀਵਾਲਾ ਤੇ ਹੋਰ ਹਾਜ਼ਰ ਸਨ |
